تجمع طلاب تخصص اللغة الانجليزيه

لا وربي اخوي انت ماقصرت بالعكس قاعد تنورنا وتفيدنا وقصدك خير بس انا تحطمت من سالفة المعدل

لان خلقه معدلي ناازل بالذات مع ظروف مرض جدي السنه اللي راحت انخسف خسفه محترمه

احنا المعدلات عندنا من 100 وانا جبت 73

ماراح افقد الأمل املي بربي كبير ان شاء الله

وبالعكس انا مااحب التشائم واطبق مبداء تفائلو بالخير تجدوه بس احيانا غصب عني اتحطم

احس لو عندي شوية امل كل ماله ويختفي

عزاي الوحيد ربي ثم انتم احنا هنا يد وحده نخفف على بعض وندعم بعض واذا ربي كاتب لنا البعثه مافيه شي بيردها عنا

شكرا عزيزتي: واخيرا احد فهم عليا!
يعني الوزارة ماتشوف انه احنا اهل اللغة ماراح نخسرهم كثير: يعني مثل ماقلتي في ناس ياخذون سنة علشان يخلصون اللغة: واحنا على حسب المستوى يمكن 3 شهور واجد علينا: بس الله كريم
ايش نقدر نسوي!

الوزارة لم تضع الشروط عبثاً، ولكن الجامعات لاتقبل بمعدل أقل من 2.75/3.75، فيتعذر على الوزارة أن تأتي بقبول ماستر لأن معدلاتهم أقل من المطلوب، لكن عندي لكم مخرج صعب نوعاً ما، حاول تحصل قبول من جامعة تقبل بأقل من جيد جداً، وحاول تضع في رصيدك حق حوالي شهرين، ثم تطلع على حسابك، وهناك تطلب ضم للبعثة، وهناك تكنيكس للإنضمام يمكن الاطلاع عليه في منتدى الدارسين على حسابهم الخاص، علماً أن بعض المبتعثين على حسابهم الخاص، انضم للبعثة خلال أسابيع قليلة، والأمر في النهاية يبقى تضحية ...

تغيير التخصص .. لا أخفيكم أن على أساسه يكون قرار طلبي للبعثة، لكن أن لم أقدم حتى تبين عندي شبه يقين بإمكانية التغيير، والتجارب خير برهان، لكن النجاح في بعض الأحيان يحتاج إلى بعض المجازفة، ولكن -بإذن الله- مايكون هناك معوق وكل الي يريد تغيير التخصص يتوفق، اللهم آمين ..

استطراد: إن بعض الدارسين في دولة أستراليا وغيرها من الجنسيات الصينية والكورية يدرس بالنهار ويعمل بالليل أز بارت تايم، ولم تلتزم دولهم بدفع مصاريفهم، وذلك كله كي يحقق حلمه ويدفع مصاريف دراسته وحياته ... فلماذا لانكون بمقدار هذا التفاني؟

اخوي ابراهيم

في المرحلة الثالثة كان شرط المعدل 3 مو 3.75 ...يعني بكل بساطة يقدرون ينزلون شرط المعدل على الأقل المفروض كان 3.50

هي القصة ومافيها اذا كان المعدل اقل: الجامعات تقبل(قبول مشروط) تقبل الجامعة فشلون يتعذر على الوزارة؟

واذا جت على شغلة مجازفة: عادي نجازف بس مثل ماتعرف البنات كله ماسكينهم: يعني الاهل في البعثة يالله يقتنعون انا نطلع برا ندرس: شحال لمن تجي البنت تقول حق اهلها طلعوني برا ادرس على حسابكم؟

وبعد عناء وطحنة واقناع وتدخل الواسطات اخيرا الوالد اقتنع والحين انا بروح اجرب و"اجازف" والله كريم

سلام عليكم شباب...... سواء استوفيت للشروط او لا..انت قط حصاتك . ان طلع كان بيها .. وإن ماطلع خيره من رب العالمين... ولا تفقد الامل بالله أبداً..لان الله حينما خلقك و وقبل وجودك في هذه الحياة , كتب لك رزقك ... والله ماراح ينسى عبده .

سؤالي اليوم ياشباب , في تعبئة بيانات البعثه, كان هناك خيار تختاره وهو (هل تريد الترشيح لغيره هذه الدول في حال عدم توفر مكان شاغر في الدول المختاره).. ابغى اعرف انتو شنو اخترتوا؟

بالنسبة لي انا ترتكه فاضي.

اتمنى اشوف ردود منكم
بالتوفيق

في المراحل الأولى من البعثة كل من قدم أنقبل سواء كان معدله عالي اول أقل من المطلووووب بكثير وما شفنا

عذر الوزارة بإن صعب يلاقون قبول للإسف المسأله تعقيد في تعقيد يعني اللي ما بقى له غير كم نقطه

ياناس خلاااص ينسى أمر الدراسات العليا لا جامعاتنا تقبل جيد ولا يسمحون لنا نشوف حظنا برا .!!!!!

حتى الماجستير المدفوع في بلادنا مقاعده محدوده ومنحة الملك عبدالله للدراسات العليا هنا تشترط تقدير جيد جداً

ياناس اسمه ماجستير مدفوع يعني ليش يكون للجيد جداً اصحاب المعدل الجيد جداً بإمكانهم ينقبلون بدون منحه

شي غريب والله !!!

وبالنسبة للدراسة على حسابنا والإنضمام للبعثة اتوقع ما فيها إشكالية للأولاد بس البنات على قول ثناء يادوب نقنع اهلينا نطلع

بعثة وبعد ايش فكيف لو نقول لهم ما في احد قبلنا درسونا انتم !

والحمد لله على كل حال

قصدك لا أريد الترشيح لأي دولة اذا لم تكن من من الرغبات المختاره ؟؟

إذا هو انا تركته فاضي متساهله معاهم لأبعد حد على امل انقبل يودوني بأي مكان اهم شي اطلع بعثة .

ههه , ايوة هذا الي اقصده
تمام , شغلك عدل لوووووما

إذا كان المعدل المشروط 3 -ولست متأكد- في الثالثة فقد يكون لجامعات محددة، لأنك -على حد علمي- لايمكن الحصول على قبول من كندا مثلاً بهذا المعدل، ثم لايخفى أن الدول التي في المرحلة الثالثة تختلف نوعاً ما عن المرحلة السادسة، لكن يبقى القرار والمبررات في ذمة الوزارة، ولايخفى أن المرحلة السادسة كانت قبل سنة في عداد الميؤوس منه. أسأل الله لك التوفيق

صاحبي مرافق بكندا، وحاول يجيب قبول من كندا ماقدر لأن معدله أقل من 75، والآن يفكر يجيب قبول من أمريكا.
الله ييسر أمركم، أدري أنه صعب عليكم، واعتقد أن الدراسة بالخارج ليست بالسهلة، فالمسألة تحتاج إلى "مجازفات". أسأل الله لك التوفيق

قلت مره تبي تضيف درجة الأيلتس، بالنسبة لي أنا مختبر التوفل، بس مابضيفها، لأني أريد أن استغرق أطول وقت ممكن هنا، للفائدة.
أنا وضع "تك" على المربع، أي لا أريد غيرها من الدول.