عرض للطباعة
السلام عليكم ورحمة الله
أولاً : اود الاستفسار عن مواعيد مكان التدقيق بالنسبة للرياض وللخبر؟
مع العلم إني بحث في موقع الوزارة ولم أجد شيئاً ..
وهل بإمكاني تغير المدينة لاحقا في التسجيل الالكتروني ؟
ثانياً: هل بإمكاني وضع جميع الرغبات الثلاث في دولة أمريكا ؟
جواب سؤالك الأول .. راح يكون في تاريخ 6 رمضان في فندق مداريم كراون بالرياض (الي على طريق المطار) ..
"بس التاريخ بالضبط ماني متاكده منه"
بالنسبه للفقرة الثانيه من السؤال صراحه ماعند علم !
جواب سؤالك الثاني .. لا ماتقدر ,,
دعوااتك ربي يكتب لي الخير ويفرجها :(
اقتباس:
المشاركة الأصلية كتبت بواسطة Dream ,
شكرا على ردك وماقصرتي والله يفرجها عليك ويكتب لك الخير ..
بس قبل شوي في بأحد المواضيع قريت إنه تدقيق الرياض في 4 رمضان ، وماذكروا المصدر؟
أنتي قريتيه في جريدة أو موقع ؟
ولا زلت أنتظر موعد التدقيق في مدينة الخبر ؟
أكرر شكري
راح يرسلو مسج اساسا ً لكل المقبوولين انه تم قبولك .. على فكره تذكرت ( الرياض اعتقد تستمر 3 ايام ..وكل شخص له وقت ..أنا العام الماضي جتني المسج انه موعد حضوري الساعه 3 العصر ونا في رمضان وصديقتي جاها 10 الصباح موعدها)
لاتشيل هم كل شي راح يوصلك مسج وايميل .. والله يعين الجميع
وبالنسبه للخبر ماعندي خلفيه .
وذكر وكيل الوزارة لشؤون الابتعاث الدكتور عبدالله بن عبدالعزيز الموسى أن المناطق الستة التي تم تحديدها سابقا تتمثل في مدينة "الرياض، جدة، المدينة المنورة، أبها، الخبر، والقصيم" على أن تكون مدينة الرياض أولى المناطق لبدء التدقيق، وذلك يوم السبت 4/9/1431ه بفندق "مداريم كراون". وأضاف الدكتور الموسى أن لجان التدقيق ستبدأ في كل من مدينة جدة بفندق "المريديان"، ومنطقة القصيم بفندق "موفينبيك" يوم الأحد 5/9/1431ه، بينما تنطلق لجان التدقيق في منطقة المدينة المنورة، ومدينة الخبر بفندق "المريديان" يوم الاثنين 6/9/1431ه. وفيما يخص مدينة أبها أوضح وكيل الوزارة أنه سينطلق عمل اللجان يوم السبت 11/9/1431ه بفندق "قصر أبها"، مبينا أنه على جميع المتقدمين من الطلاب والطالبات التأكد من دقة البيانات الخاصة بالشهادات والمعلومات المسجلة، بالإضافة إلى وسائل الاتصال المطلوبة في الاستمارة من رقم الهاتف الخلوي والإيميل، لسرعة وسهولة التواصل بين العاملين في البرنامج والمبتعث.
جريدة الرياض قبل 3 أسابيع :)
سوف يتم تبليغ الطلاب برسالة عن طريق الايميل والجوال بمكان وزمان التدقيق
بالتوفيق
هنا راح تلاقوا المصدر لمكان و موعد التدقيق
http://www.mbt3th.us/vb/forum14/thread198184.html
بالتوفيق
شكرا جزيلا لكم ..
وماقصرتوا ..
يعطيكم الف عافية