سجلت في بعثات المرحلة السادسة لكن !
السلام عليكم ورحمة الله وبركاته
إخواني أنا سجلت في المرحلة السادسة - طب - بكالوريوس
ولله الحمد استوفيت الشروط كاملة
ولكن عندما جيت أسجل طلع لي اختر رغباتك لدول الابتعاث
بولندا - هولندا - ألمانيا - إيطاليا - تشيك - المجر
وأنا صراحة ما أبغا ولا وحدة منهم
توقعت يطلع لي كندا أو أمريكا على الأقل
لأن عندي مشكلة لذيك الدول إني ماعرف مدى قوة دراستها هناك ولغتهم عائق كبير بالنسبة لي
فمالحل الله يجزاكم خير؟؟
هل انتظر وسيفتح المجال؟؟ أم ماذا أفعل
خصوصا إني توقعت ألقا على كندا
رد: سجلت في بعثات المرحلة السادسة لكن !
اخوي انا عندي نفس المشكله بس ما ابغى الا ايرلندا .....بس ترا اعلمك اذا انك تعرف ان امريكا صعبة مرره بالطب لان فيها
المواطنين مقدمين على الاجانب <<<<هذا اللي اعرفه
رد: سجلت في بعثات المرحلة السادسة لكن !
انا اعرف ان المانيا من اقوى الدول في مجال الطب والتقدم الطبي وهذا شي معروف
وبعدها التشيك
بس الباقي العلم عند الله
رد: سجلت في بعثات المرحلة السادسة لكن !
طيب يا إخوان ماقصرتوا بس بالنسبة للغة؟
أنا الآن خايف
الي رادني عن الدراسة هنا بالسعودية إني ما أمشي بالسنة التحضيرية ويحولون رغبتي من طب إلى تخصص أقل منه وأنا لا أرغب به
فخايف أروح هناك ويحصل لي نفس الكلام
بعدين الشي الثاني بالنسبة لألمانيا مثلا وإيطاليا
أخشى يكون عندي مشكلة مع لغتهم
رد: سجلت في بعثات المرحلة السادسة لكن !
أيضـــــــــا : ما عندي خلفية عن سنوات الدراسة هناك
فيه بعض الدول تدرّس الطب على 9 سنوات وبعضها 5 وبعضها 7
ياليت إلي يعرف يعلمنا وش الدول المناسبة من ناحية سنوات الدراسة والتعليم
رد: سجلت في بعثات المرحلة السادسة لكن !
الظاهر هذا المتوفر السنة هذي من الدول .. وكل سنة تتقلص وحتى الابتعاث يتقلص ..
اول كان فيه للدبلوم الأن مافيه ..
رد: سجلت في بعثات المرحلة السادسة لكن !
والحل ؟ :( نبي أمريكا نبي كندا :(
رد: سجلت في بعثات المرحلة السادسة لكن !
مابقولنا الى الدول اللي مايتكلمون انجلش :/ !!!
وبعضها تحتاج اختبار IELTS !!! وكيف نختبره هذآ
رد: سجلت في بعثات المرحلة السادسة لكن !
نظام الدراسة في امريكا وكندا مختلف وغير مباشر .. يعني لازم تدرس بكالوريوس علوم وبعدها تقدم لدراسة الطب !!
هذا السبب ان هذه الدول مو موجودة ..
اتصفح في ملتقيات هذه الدول في المنتدى .. راح تلقى مواضيع مثبتة ومفيدة جدا
وخاصة لطلبة الطب ..
قرات مرة عن الطب في هولندا .. ولقيتها مناسبة جدا
اعتقد ان الدراسة باللغة الانجليزية .. اذا كنتو شايلين هم اللغة
لكن راح تدرسو لغة البلد عشان التعامل مع المرضى وما شابه
ما اقدر افضلها عن غيرها .. لاني لم اقرا عن غيرها
موفقين ..
رد: سجلت في بعثات المرحلة السادسة لكن !
طيب الله يجزاكم خير
علمونا الله يحفظكم
أنا الحين خايف أروح ولا أمشي صراحة
لأن لغتي مو ذاك الزود فكيفك لو كنت بدرس لغتين !
وكم عدد سنين الدراسة في تلك الدول؟؟