عرض للطباعة
السلام عليكم ورحمة الله وبركاته
أخوان أنا ناوي إن شاء الله بكرة أروح أطلع جواز
سؤالي .....
أيش الأشياء المهمة اللي لازم أخذها معاي ؟؟؟؟
أنا عمري 19 سنة مافي مشكلة إذا رحت لحالي وإلازم ولي أمري؟؟؟؟
إذا لازم ولي أمري هل لازم يكون أبوي لأن أبوي كبير فبيروح معي أخوي هل فيه أية مشكلة؟؟؟
أتمنى تفيدوني ......
شاكراُ ومقدراً لكم
أولا تعبي الورقة حق الطلب وهذي يا تطبعها من النت (من موقع الجوازات) او تاخذ نسخة أول ما تدخل الجوازات
ثانيا : تاخذ صورة من البطاقة ولا زم تكون الهوية الوطنية الجديدة .
ثالثا : تجيب معاك صورتين جديدة ومو مسحوبة يعني ما يكون عندك النجتيف وتسحب منها صور .
رابعا : تسدد 150 ريال عند أي بنك .
بخصوص موضوع والدك ما أدري
اتمنى يجي أحد يفيدك
بالتوفيق
ولا زم تأخذ الهوية معاك
مشكور والله يعطيك ألف عافية
وإن شاء الله يجي أحد يفيدني بخصوص ولي الأمر
لازم حضور الوالد
او
تسوي وكالة من كتابة العدل طبعا من ابوك علشان تطلع جواز
رح اقرب كتابة عدل " بحي السلي " اذا كنت من شكان شرق الرياض او المحكمة الكبرى وغيرها
اهلا بك اخوي الله يحفظك
بخصوص ولي الامر في الجواز هو ضروري لكن عمرك اقل من 21سنه
على العموم تخلي ابوك يكتب تفويض لأخوك الكبير انه لا مانع لديه ان يكمل معك اجراءا ت
استخراج الجواز ويوقعه وترفق معه صورة بطاقة احوال ( يستحب انه يكون على مطبوعات للوالد)
والتسديد عن طريق بنك الرياض ..
الاجراء بسيط ولاتشيهل هم
اتمنى لك التوفيق
مشكورين والله يعطيكم ألف عافية