أصحاب الدبلومات هل لهم نصيب في الابتعاث !

السلام عليكم ورحمة الله وبركاته .

كيف حالكم ياشباب ان شاءالله اموركم طيبه ..
انا مدري وش الوضع الي حاصل هاذي الايام محد يعترف بالدبلومات الا الجامعات الاهليه كلمت نص جامعات المملكة الحكومية نبي نسجل بالدبلوم علي اساس نكمل بالكالريوس الا والله ساحبين علي جدنا ويقولون مافي تسجيل انتم مالكم تسجيل والله احس اني معي متوسطه مو دبلوم .
واليوم يوم فتح التسجيل علي الابتعاث الواحد داخل يبي يسجل علي بالي بيقولون المعدل حقي الا و احصل سجل درجة القدرات و الثانوية قلت والله شكالها مافيه امل نسجل بالدبلوم ومازال المسلسل مستمر وياصاحب الدبلوم رح نام ...

عاد مدري هل احد الاخوان عنده الخبر الاكيد انهم بيقبلون اصحاب الدبلوم او لا .

ان شااءالله ان فيه امل واذا يقبلون اصحاب الدبلوم كيف الواحد يقدم عليهم ياخواني ...

قال الرسول الكريم ( صلى الله عليه وسلم ) :

( أحب الناس إلى الله أنفعهم ، وأحب الأعمال إلى الله عز وجل سرور تدخله على مسلم ، أو تكشف عنه كربة ، أو تقضي عنه دينا ، أو تطرد عنه جوعا ولأن أمشي مع أخي المسلم في حاجة أحب إليّ من أن اعتكف في المسجد شهرا ومن كف غضبه ستر الله عورته ومن كظم غيظا ولو شاء أن يمضيه أمضاه ملأ الله قلبه رضا يوم القيامة ومن مشى مع أخيه المسلم في حاجته حتى يثبتها له أثبت الله تعالى قدمه يوم تزل الأقدام
وإن سوء الخلق ليفسد العمل كما يفسد الخل العسل )

والله ياخوي الله يعينك
بس انت اذا كنت من خريجين التقنيه ومعدلك فوق 3.75 وعمرك اصغر من 25 ابشرك فيه تقديم على ابتعاث يبدا 4\9 شد حيلك
الله يوفقك
وهاذا رابطهم
https://serv.tvtc.gov.sa/students/Sc...rshipCond.aspx

اصحاب الدبلوم راحو فيها ونا أولهم ,,
اذا الجامعات السعودية الحكومية ماتقبلنا ولاوظائف ولابعثات ,,, وين نروح
صراحة مأساة لكن الله يسر.
وان شاء الله يكون فيه برنامج خاص للدبلوم

معدلي اكثر من 4 بس المشكلة اني مادرست في كلية التقنية .

لنا الله اخوي أفضل لاعب بالعالم والله اذا كانو مايبغون يرسلون اصحاب الدبلوم ولا تبغى الجامعات الحكومية تعترف في الدبلوم اجل ليش يسوي دورات لدبلوم .

يالله انك ياربي تفرجها ويسهل امورنا ...

صدق اللي معهم دبلوم في الكليات الصحية ليش ماً يقدمون لهم فرص ابتعاث ؟؟؟؟؟؟؟؟؟؟

اقتباس:

---

المشاركة الأصلية كتبت بواسطة ألمآسة

صدق اللي معهم دبلوم في الكليات الصحية ليش ماً يقدمون لهم فرص ابتعاث ؟؟؟؟؟؟؟؟؟؟

---

اختي الكريمة

فين فرص الابتعاث ؟؟؟ اذا في بلغوونا

للحين مافي

:(