سؤال .. بخصوص التعهد حق الإبتععاث .. ضروري !! والكل بيتفيد من إجابته
السلام عليكم
يا اخوان انا للحين ما سجلت بالبعثات لشغلتين : التخصص + التعهد حقهم
نبدا بالتعهد : مكتوب بالتعهد إني ما أسجل بأي جامعة أو جهة تعليمية : طيب نجي للجامعة سجلت بالبترول وانقبلت
لكن ما سلمت أوراقي ولا راح اسلمها بعدين نروح للجهات التعليمية : سجلت بأرامكو وإختبار يوم الإثنين الجاي
وسجلت بسابك والحمد لله انقبلت بس باقي المقابلة بعد إختبار أرامكو بأسبوع حلو
طيب الجامعة وبنسحب على مندوبها لعيون البعثة اوكيه
بس أرامكو و سابك لا والله معصي مع اني حاس انها بتخوني مع اني مفضلها عالبعثه
علشان كذا اللي انا خايف منه اني اسحب على الجامعة و اخلص اموري مع ارامكو وسابك
ويمكن ما انقبل فيهم وتروح علي البعثة
بعدها اروح لبرج المملكة واطب من فوقه يعني انتحر
فاللي حاب استفتسر منه ابتعاث سابك + برنامج السي بي سي = ( جهات تعليمية ) المكتوبة بالتعهد
يعني اكمل مشواري معهم ولا ايش بالظبط خصوصا ان نسبة القبول فيهم ضئيلة
هذي المشكلة الاولى
________________________________________________
نروح للمشكلة العويصة الثانية ( التخصص + إختبار الآليتس )
نجي للتخصص كل من سألته قالي شور مخي الحين مشتت المشكلة اني ما اميل لأي شي بالطب
اوكيه يعني ما ادري ايش اختار ثاني شي الطب تقريبا مستبعده من اللسته طويل جدا
طب الإسنان فكرت فيه لكن قالوا ماله مستقبل مضمون لأن فيه تشبع وتكدس بالمملكة أغلب الشعب خريجي طب اسنان وناس لهم سنتين ما حصلو وظايف 70
الصيدلة نفس الكلام ناس تقول روح طب وناس تقول روح اسنان ونا تقول روح صيدلة
وكلن يمدح ويذم فالثاني
رجاء لا تقولون لي ادخل باللي يرتاح له قلبك ؟؟ انا ما افقه فيها شي هالتخصصات
يعني ما ادري ايش اللي يصلح لي منها
وإختبار الايلتس هذا اللي مدري وش يبغا
4 دول مدري 5 طالبينه طيب الإختبار مطلوب إني أجيب فيه 5 من 9
من وييييين لي انا يادوب أطلب من المطعم سندويش وببسي
يجيني ذا يقول جيب 5 من 9 من وين لي لغة ؟؟؟؟
ايش الغموض ذا ليه ما يوضحون لنا كلي شي
آسف جدا على الإطالة
رد: سؤال .. بخصوص التعهد حق الإبتععاث .. ضروري !! والكل بيتفيد من إجابته
أرامكو تبي تعرف انك انقبلت أو لا بعد ما تختبر , يعني ما اشوف فيها مخاطرة , إذا انقبلت ادخلها وانتهينا , الله يوفقنا بالقبول انا اختباري يوم الثلاثاء وأتمناها , أفضل من وجع رأس هالبعثه :@
رد: سؤال .. بخصوص التعهد حق الإبتععاث .. ضروري !! والكل بيتفيد من إجابته
هلا ياخوي بس ما عند سمو حضرتهم مشكله لو أحضر الإختبار حق ارامكو واحضر مقابلة أرامكو
لأن اللي فهمته بعدين في مرحلة التدقيق اذا اكتشفوا اني مسجل في شي ولا على طول مكروووش
رد: سؤال .. بخصوص التعهد حق الإبتععاث .. ضروري !! والكل بيتفيد من إجابته
اقتباس:
المشاركة الأصلية كتبت بواسطة tioooit
هلا ياخوي بس ما عند سمو حضرتهم مشكله لو أحضر الإختبار حق ارامكو واحضر مقابلة أرامكو
لأن اللي فهمته بعدين في مرحلة التدقيق اذا اكتشفوا اني مسجل في شي ولا على طول مكروووش
قصدهم والله اعلم , انك اذا كنت مقبول في مكان قبول نهائي ومسلمهم اوراقك الرسمية وكل شيء , ما يصلح تقدم ع البعثه ايضا
اما للآن مثلا ارامكو ما طلع القبول للتو ولا اخذوا اوراق منا ولا شيء , حتى اذا حضرت الاختبار ما يطلبوا شهادة ولا شيء .. نفس الوضع عند مقابلة سابك , اذا اجترتها بنجاح ذيك الساعة يطلبوا منك الرسميات لأن قبولك بيكون نهائي
رد: سؤال .. بخصوص التعهد حق الإبتععاث .. ضروري !! والكل بيتفيد من إجابته
مشكورين يا جماعة
لكن اللي قريته ان وزارة التعليم راح تدقق وتكلم الوزارات وترسلهم الأسماء
وأي واحد سبق وان سجل بالجامعة وانقبل خلاص ما يقبل بالبعثه
رد: سؤال .. بخصوص التعهد حق الإبتععاث .. ضروري !! والكل بيتفيد من إجابته
طبعا هذا كلام الموسى !!
حذر وكيل وزارة التعليم العالي لشؤون الابتعاث المتقدمين والمتقدمات لبرنامج خادم الحرمين الشريفين للابتعاث الخارجي في مرحلته السادسة لمرحلة البكالوريوس، من أن يكون قد تمَّ قبولهم في الجامعات ويتقدمون بعد ذلك لبرنامج الابتعاث.
وقال الدكتور عبد الله بن عبد العزيز الموسى ان الوزارة ستقوم بمخاطبة جميع الجامعات السعودية بعد نهاية استقبال وثائق المتقدمين والمتقدمات، للتأكد من كون الطالب قد أخذ فرصته وتم تسجيله في إحدى الجامعات أم لا.
وعلّل الموسى ذلك بقوله: "إننا نرفض في الوزارة أن يقوم أحد المتقدمين أو المتقدمات بأخذ فرصته وفرصة غيره بحجز مقعد له في الجامعة وحجز مقعد آخر في البرنامج"، معتبراً ذلك "هدرا وتفويتا للفرصة على باقي المتقدمين والمتقدمات".
وأشار إلى ضرورة التأكد من دقة البيانات الخاصة بالشهادات والمعلومات المسجلة، بالإضافة إلى "وسائل الاتصال المطلوبة في الاستمارة من رقم الجوال والإيميل، لسرعة وسهولة التواصل بين العاملين في البرنامج والمبتعث، وتحري الدقة أثناء إدخال البيانات المطلوبة لكونها قد تؤدي إلى إلغاء الترشيح للبعثة".
من جهة أخرى، ذكر الدكتور الموسى، أن على الطلاب والطالبات المزمع ابتعاثهم "سرعة ترجمة الوثائق المطلوبة للالتحاق بالبرنامج، لتتمكن لجان التدقيق التي ستبدأ عملها في كل من الرياض والخبر وجدة وأبها المدينة والقصيم، من سرعة إنهاء إجراءاتهم".
رد: سؤال .. بخصوص التعهد حق الإبتععاث .. ضروري !! والكل بيتفيد من إجابته
طيب هل القبول المقصود في قراره إني اسلم أوراقي للجامعة أو مجرد قبول اللي جانا عالجوال ؟
رد: سؤال .. بخصوص التعهد حق الإبتععاث .. ضروري !! والكل بيتفيد من إجابته
المقصود انك ماتسلم الملف بعدين تسحبه
يعني القبول النهائي ..
رد: سؤال .. بخصوص التعهد حق الإبتععاث .. ضروري !! والكل بيتفيد من إجابته
لا اذا على كذا زين
طيب الآيليتس ؟
رد: سؤال .. بخصوص التعهد حق الإبتععاث .. ضروري !! والكل بيتفيد من إجابته
أنا عندي إستفسار إذا ماعندك مانع يا صاحب الموضوع
أنا السنة هذي ما قدمت في أي مكان .. بس بعثة الملك
لكن الحين ملفي في جامعة البترول .. من السنة الماضية !
مادري كيف الوضع ؟
اقتباس:
المشاركة الأصلية كتبت بواسطة tioooit
طيب الآيليتس ؟
الآيليتس أعتقد تختبره بعد ماتدرس لغـة في بلد الإبتعاث
هذا على كلام واحد من أصحابي في هولندا من المرحلة الخامسة !