ما أدي أيش أسوي

الله يوفقك اخوي .. انت قدم وانتظر يمكن ربي يسهلها لك وتكون من نصيبك .. بالنهايه انت ماراح تخسر شي ..

شكرا أخت منال على تقديرك وردك
أنا قدمت وشجلك في الموقع بس ما راح أستفيد شئ لأن الكميوتر راح يشوتني أول مايشوف المعدل أقل من 3.75

لا من قال النظام يقبل اي نسبه .. انت كثر الدعاء واي عجوز او شايب تشوفه قله ادعي لي ^_^

والله يوفقنا وياك ..

اخوي لو تبي تنقبل بدون معدل بدون هم شف لك واسطة
للأسف هذا نظام السعودية الي ماله مثيل

شاكر لك أخي مرورك الكريم
ومن ناحية الواسطة أخوك حده السكورتي اللي في الكلية عشان يضمن لي موقف وغيره والله ماأعرف أحد بس على يدك إذا لك علاقه فأبشر بالي يدسم شنبك

ماابي اكمل عليك الناقص واقول قهر ومن هالكلام انت خلاص قدم وتوكل على الله خل املك بالله كبير
وربي لو انه مكتوب لك تروح للبعثه راح تروح حتى لو انك جايب 2 مو 3 انت كثر من الدعاء وربي يوفقك يااااااااااااااااااااااااارب وتحقق امنيتك انت كثر من قول (وجعلنا من بين ايديهم سدا ومن خلفهم سدا فأغشيناهم فهم لايبصرون )

نصيحه لك اخي العزيز

لااااااا ثم لاااا ثم لاااا تفقد الامل

انا اعرف صاحبي اللعام اتخرج من الثانويه ونسبته 89 وهم كانو طالبين 90 او اكثر

مع هدا انقبل

انت قدم وبأذن الله راح تنقبل

من اعمااق قلبي اتمنى لك التوفيق والنجاح


تحيااتي

شكر يالغالي على ردك
والله أن صادق وكلامك عين العقل وبصراحة والله أن جالس أدعي وما خليت واحد أعرفه إلا وطلبت منه يدع لي حتى الخادمة قلت لها يا ( ساسي) أدع لي ومن كثر ما أنا أقلقت كل اللي في البيت بالابتعاث أخوي الكبير قام يستهبل علي وقالي أطلب من أمام المسجد بدل ما يقول اللهم أغثنا خله يقول اللهم أبتعثنا

بالتوفيق اخوي دنيا وأخرة
وخل اعتمادك على الله مو على الواسطة لأنه حتى لو مشيت هالمرة بالواسطة
رب العالمين ماراح يوفقك بمستقبل مشرق لأنه مصدره غير حلال
وبالتوفيق من جديد اخوي ^_^