والحل مع عبدالله الموسى

حذر وكيل وزارة التعليم العالي لشؤون الابتعاث الدكتور عبدالله بن عبدالعزيز الموسى المقبولين في الجامعات من التقديم لبرامج الابتعاث في مرحلته السادسة للبكالوريوس. واوضح الموسى ان الوزارة ستقوم بمخاطبة جميع الجامعات بعد نهاية استقبال وثائق المتقدمين والمتقدمات للتأكد من ان الطالب قد أخذ فرصته وتم تسجيله في إحدى الجامعات معتبرا ذلك هدرًا وتفويتًا للفرصة على باقي المتقدمين والمتقدمات. وأكد على أهمية دقة البيانات الخاصة بالشهادات والمعلومات المسجلة، بالإضافة إلى وسائل الاتصال المطلوبة في الاستمارة.


^^^^^^^^^^^^

هذه تصريح عبدالله الموسى

بصراحة انا انسان محقق كل شروط البعثة و مو بتفوق زي الدوافير يعني الشروط محققها على الحافة بس اخاف اسحب على الجامعة وتروح علي البعثة ولا يطلع اسمي واضيع كمان علي سنة

القدرات جبت 72 وهم طالبين 70 وفوق

التحصيلي جبت 75 وهم طالبين 75 وفوق

الثانوية العامة جبت 92 وهم طالبين 90 وفوق

يعني مادري يقبلوني ولا لا

بالله اذا احد عنده حل ولا مصدر موثوق يقولنا

ولا يعطينا رقم نتواصل معاه من وزارة التعليم العالي

الله يعين ويسر على جميع الطلاب

اسمع اذا كان طلوع البعثة عندك والجلوس هنا سوى مابينها فرق فوالله انصح تاخذ المضمون وهو الجامعة
لكن اذا انت رغبتك بعثة وتتمناها لا قدم ومامعك الى انك تقدم وتسحب الملف من الجامعة واذا ماقبلوك والله مامعك الا انها بتروح عليك سنة
والله يعينك على الاختيار
الله يكون معك ويساعدك
تقبل مروري يالغالي

وانا زيك ماني دافور ولكن درجاتي اعلى منك بشوي بس اقولك استخير والله يوفقك في اللي فيه الخير

بعدين والله ازمة هنا بالمنتدى شكلي بحرم ادخله ثاني

صلاة الإستخارة تراها زينة وانا أخوك وأختــر إحدى الخياريــن ...

واذا تبي نصيحتي اطلع بعثة وش اللي يمنعهم عنك وانت مستوفي للشروط ...!!

اقتباس:

---

المشاركة الأصلية كتبت بواسطة mmajed8

صلاة الإستخارة تراها زينة وانا أخوك وأختــر إحدى الخياريــن ...

واذا تبي نصيحتي اطلع بعثة وش اللي يمنعهم عنك وانت مستوفي للشروط ...!!

---

وانا اخوك هذه الأيام شغال فيتامين واو

ماتضمن نفسك

ما يبيلها قـدم عـلى الـجآمعات والبعثه ..
في حآل قبلوك البعثه وانت ارسلت ملفك لـ الجامعه رح اسحب ملفك ..
واذا ما قبلوك تكون موجود في الجامعه ..
،

يوم اقدم انا قدمت على كل شي سابك ارامكو جامعات المملكه كلها .
انت قدم على كل ابو شي .. قدم على الجامعه والبعثه .. وشف اللي يقبلك ورحله .. واذا كلهم قبلوك رح للي تفضله انت ..

أنـآ بنفس المعـآنـآهـ , نسبــتي نـآزله أكثــر منك أخي ..
وودي أبتعــث , بس الله يــعين يـآرب ,

اخواني .. اذا مستوفي الشروط اعتبر البعثه باذن الله لكـ ..
والله الموسى السنه اللي فاتت ايام الملتقيات .,. قال :
مآآآآآآآآآآ في واحد مستوفي الشروط رديناه ..
وايام الدوره التأهيليه .. كل البنات المستوفين الشروط انقبلو بدون واسطه ..
الا في كذا وحده ماسنر نسبهم في السبعين كانو عن طريق واسطه فقطـ ...

اخوي انت مستوفي الشروط على حسب كلامك بس تاكد من درجاتك في المواد العلمية لازم تكون فوق التسعين
انت ضامن البعثة إن شاء الله لكن الدولة موب مضمونة اذا انت ما تفرق معك الدولة توكل على الله ولاتتردد ومايمنع انك تستخير قبل

لكن نصيحة لوجه الله اذا قررت تبتعث لا تفكر ترجع ركز على بعثتك حتى لو الدولة ما حازتلك اصبر وشد حيلك ترى البعثة فرصة ذهبية لا تعوض والله يوفقك