للامانة فقط ...رحت الى مبنى شؤون البعثة اليوم وسألتهم عن بكالريوس طب وطب اسنان

السلام عليكم ورحمه الله وبركاته
ما ابغى اطول عليكم بالمقدمه على طوووووول بدخل بالموضوع
انا رحت اليوم الى مبنى شؤون البعثات في حي الغدير شمال الرياض
وكلمت دكتور (ما اعرف اسمه ) وقلت بستفسر عن الدراسه بايطاليا وغيرها من الدول
على طووووووووول قطع كلامي وقالي شف حبيبي ترى مو شرط انك تبي مثلا طب اسنان
يعني تروح طب اسنان واذا تبي طب بشري يعني طب بشري ترا يمكن نحولك الى اذا كانك مختار
طب بشري نحولك اسنان واذا كانك مثلا مختار اسنان نحولك الى امريكا
علوم تطبيقية .....!!!! يقول على حسب درجاتك ومعدلك ويقولي بعد انه لازم تختبر ايلتس قبل لا تسافر
يعني اليوم بكرا شوف لك صرفه وروح راجع او ادخل دورة وبحثت عن مواعيد اختبار الايلتس لقيته فل شهر
اغسطس وسبتمبر بالرياض وجدة فقط للامانة وصلت لكم هالكلام.

يقولي الدكتور هالكلام وكانه يهدد ان المسألة مو اي كلام <<<خوفني وخيب املي

شباب اللي عنده اي تعليق يرد علينا بسرعة وخاصه اللي بالمرحله الخامسه
يعلموننا عن تجاربهم
او على الاقل يرفعون همتنا شوي والله يا احبااااط غريب من نوعه

واضيف شئ حلوقالي الدكتور عليه ترا حتى بعد الملتقى التعريفي عن الدوله اللي انت راغب فيها يمديك تغيرها
لان بعض الناس ما تعجبهم هالدوله بعد الملتقى التعريفي ..

؟؟؟؟؟:mad2::mad2::mad2:؟؟؟؟؟؟؟؟؟؟

وش فيهم موظفين الوزارة كلهم معصبين هاليومين وكل واحد يخوفنا من جهه

الله يستر علينا ويوفقنا يا رب:no1::no1:

والله اني كنت ناوي اروح لهم بكرا الاربعاء.. بس الحين اخاف يعطوني كلمتين تحطم P:

الله يستر بس

مآ عليكم من أحد

اللي له رزق بشي بيآخذهـ خلوآ إيمآنكم بالله قوي

وربي يوفقكم للي فيه مصلحتكم يآرب

:)

طيب اللى يبي يروح المانيا او ايطاليا لازم اختبر ايلتس والا مو لازم

بليييييييز ردولى عشان لو لازم خلوني اقنع نفسي اني ماني مقبول في البعثة ههه

ان شاء الله اذا ترشحت لاحد الدول المشترطة للاختبار ...

راح اختبر الايلتس ...

تساهيل يا جماعة ...

بالتوفيق ...

ايطاليا والمانيا بدون اختبار ايلتس
يا اخواني لا يحبط بكم الموضوع شدو الهمه وكل واحد يشجع الثاني

الايلتس لمين بس لكم يامتخرجين الثانوي والا لكل من طب بالبعثه >>> ميح انقلش

افيدونا نفس سؤال مبتعثه ولكن !!

هالاختبار اجباري على الكل المراحل وكل التخصصات ؟