مشكلة تطابق الأسماء !!

السلام عليكم ورحمة الله وبركاته

بصرااااحة كنت فرحان هاليومين عشان قاعد أجهز أوراق البعثة,:read: ورايح جاي:eekout:, وتصوير وقراءة :tv_happy: وو .. المهم طلعت الجواز اليوم, وكنت كاتب في ورقة التعبئة بالإنجليزي مثل اللي بالوثيقة, لكن تفاجأت إنهم كتبوا لي
اسم العائلة مختلف في (الاسبلينج) عن الوثيقة, كلمت الموظف قال لي مانقدر نغير الجواز طلع, إذا تبي تغير
سو خطاب للمدير رغم إنه الغلط منهم:ermm:,
كيف هذا الخطاب؟
طبعاً أنا خلصت استمارة التسجيل بدون كتابة رقم الجواز يعني أموري مشت الحمد لله,
بس حبيت أضيفها اليوم,
طبعاً (الاسبلينق) حق الجواز أفضل, والجامعة كتبت الاسم اللي أنا كتبته في نظام البانر تبع الجامعة,
المهم مادري هل أغير الجواز ومادري سهل ولا صعب؟ وهل عليها رسوم؟
أو الوثيقة وكيف ياخذوا الشهادة ويصدروا لي بدل تالف؟ وكيف يطولوا على اصدارها؟ وهل عليها رسوم؟
حتى اسم العائلة في التوصيات مختلف :dry:

أحس أكثر مشكلة في فترة التسجيل هي الاسماء :sleep3:

تحيااااتي,,

عليه رسوم

لكن الخطأ منهم لازم يسووه على حسابهم .. لا يضيع حقك
وحاول تدخل على المدير عندهم وتكلمه

اذا الاسبيلنق تبع الجواز افضل من الوثيقه روح غير الوثيقه انا رحت غيرتها مااخذت يومين ودفعت 60 ريال للوثيقه وكشف الدرجات انا اتكلم عن جامعه الملك عدالعزيز لكن غيرها مااعرف كم تحتاج وقت للتغيير

N.Q : مشكور أخوي وصراحة كنت متوقع يكتبوا اللي كتبته
بس هذا اللي صار,
توتي فروتي 2010: مادري هل بسهولة سووها أو لا فيه تعقيدات, وهل سووها مثل الأصلية أو تختلف اشوي
ومكتوب عليها بدل تالف أو لا؟

بصراااااحة حيل محتااااار بالجواز أو الوثيقة أكتب الاسم :sadwalk:

نفس المشكله اللي كانت عندي

انا جوازي اصلا منتهي بس الإسم فيه صح

لكن بالوثيقه خطاء

بقولك شسويت باالحرف الواحد

رحت لإدارة الوثائق وصلحت لي اياه والله في ربع ساعه

وقدام عيني ولا طلبت مني اثباتات ولا شي

الا صورة من الجواز خذت الجواز وصورته

وعدلت الإسم حتى الجد ماكتبت اسمه خلته حرف مثل الجواز

وعدلت الأخطاء اللي فاسمي واسم العائله

وبعدها طبعتها وراحت ختمتها من عميدة القبول والتسجيل

وعطتني نسخ طبق الأصل

وقالت لي وثيقتك الأولى خلاص ماراح تستلميها

كتبت على الوثيقه القديمه تم تعديل الإسم بناء على جواز السفر لمتطلبات البعثه

وخلتني اوقع

ودبست صورة الجواز مع الوثيقه القديمه وخذت نسخه من الجديده ودبستها معهم واحتفظو فيها بارشيفهم

بس ولا دفعت ولا ريال وكل هذا ماخذ مني ربع ساعه وماراح يتغير بالوثيقه شي الا اسمك وتاريخ التحرير

بيحطونه على اليوم اللي عدلو لك فيه مافيه اي تعقيدات

الأمور سهاله انت بس توكل على الله والسبت روح لهم وبإذن الله تمشي امورك

الله يسهل لنا جميعا ويارب ننقبل واطلع جواز << ماطلعت لي الحين :(

ادعوا لي تفرج لي :
أختي إدارة الوثائق في عمادة القبول والتسجيل ولا وين بالضبط؟
والوثيقة اللي عندي مو مكتوب فيها تاريخ التحرير بس تاريخ التخرج يعني ماتوقع يتغير فيه شي صح؟
لإن هو التاريخ اللي تخرجت فيه؟

بصراحة طمنتيني الله يوفقك ويفرجها عليك يا رب
شكراً.

و عليكم السلام و رحمة الله و بركاته

نفس ما قالت لك أختي ادعولي

الوثيقة تعديلها اسهل اذا أنت من جامعة الملك سعود روح لبهو الجامعة اعتقد ما تجهله

و عدلها من عندهم و تعديل الوثيقة بمية ريال واستخرج سجلك الاكاديمي باسمك الجديد من عنده و هذا بعشرة ريال

و التوصيات اذا أنت ماخذها من الجامعة و مترجمها ارجع لمكتب الترجمة و خله يعدلها باسمك الجديد

و الله يوفقك يارب و يوفقنا وياك أجمعين

عالي طموحي :
أنا متخرج من جامعة الملك فيصل,
والتوصيات كانت من الدكاترة وبالإنجليزي مباشرة, لإن الدراسة كانت بالإنجليزي.

مشكورة أختي.

أخوي إدارة الوثائق في عمادة القبول والتسجيل صح ..

وتاريخ التحرير يختلف عن تاريخ التخرج

تاريخ التحرير هو التاريخ اللي كتبو لك فيه الوثيقه

وقالت لي الموظفه حتى لو لقو اختلاف بين تاريخ التحرير وتاريخ التخرج

قوليلهم غيرت اسمي بالوثيقه عشان يتطابق مع الجواز

وهم بيتواصلون معانا ويتأكدون بحكم انهم يطابقون مباشرة مع الجامعات

هذا لو قالو شي مع اني مااظن يقولون

تطمن والله كنت مثلك خاايفه ومتوقعه بتطول بس طلعت اسهل مما توقعت

الله يسهل عليك يارب ولا تنسى تطلب منهم عل الأقل 3 نسخ طبق الأصل

مشكوووورة أختي, والله يعطيك ألف عااافية :balloon: