رسائلsms للقبول من الوزاره للجوال..
السلام عليكم يأسرة مبتعث..انا مقدمه ماستر انشاء الله لامريكا
وكل الشروط تنطبق ولله الحمد..وسجلت وطبعت الطلب "زي ماهم مشترطين "
واخذت رقم طلب..
الحين المشكله اني شفت هنا ناس يقولون انه جاتهم رسائل smsعلى الجوال تفيد بموعد ومكان التدقيق
وانا ماجاني شي..وكثير بنات مسجلين هنا بعد ماجاهم اي رسائل لا على الجوال ولا الايميل
سوالــــــــــــــــــــــــي هو:
يعني الي ماجته رسائل لم يتم قبوله؟؟!!!!!!!!!
ويش اسوي بعمري انا الحين؟؟ يعني ماقبلوني والا شلون وكيف اعرف؟؟؟؟
تكفووووووووون الله يوفقكم ويسهل أموركم تردون علي ترا والله عايشه نفسيه وقلقانه ومقلقه البيت معي
الله يفرج هم من فرج علي وريحني..
رد: رسائلsms للقبول من الوزاره للجوال..
لم تنتهي فترة التسجيل لحد الان...الساعة 12 تنتهي..فكيف ارسلوا رسائل
لاتخاااااااااااااااافي..لس مااارسلوا..
رد: رسائلsms للقبول من الوزاره للجوال..
يا اختي لا تضيقين خلقك وصدرك وانبسطي واستانسي واللي كاتبه الله لك بيصير
وبعدين الرسايل اللي ترسلها الوزارة لتحديد مواعيد واماكن التدقيق تبدأ من غدا السبت 26\8
وانشاء الله انك بتنقبلين بس اهم شي اكثري من الاستغفار لأجل فتح ابواب الرزق
وشكرا..
رد: رسائلsms للقبول من الوزاره للجوال..
لاتشغلين بالك يا اختي
انا ماجاني لارسالة ولاشي
ولاتصدقين احد تجيه رسالة قبل مايخلص التسجيل يكون يحلم ولاشي هع
من بكرة او بعد بكرة يرسلون الرسايل على ما اظن
لاتشغلين بالك وادعي لنا وراح ندعي لك ^_^
الله يرفع عنها حيرتنا ويهدي بالنا ويوفقنا ويرزقنا الخير كله
رد: رسائلsms للقبول من الوزاره للجوال..
رد: رسائلsms للقبول من الوزاره للجوال..
لا يختييي بدري تو دوبنا مخلصين وتو ماخلص التسجيل على 12 يقفل
ماعليك
رد: رسائلsms للقبول من الوزاره للجوال..
الله ييسر لنا جميعا والله بدا القلق والخوف الله يعين
الله يوفقنا جميعا يااارب...
رد: رسائلsms للقبول من الوزاره للجوال..
الاخوه والاخوات:::
نور ,باسل ,حره ,لايف,وولاء....
قولو امين ان الله يفرج عليكم ويوفقكم ويريح بالكم ياااارب زي ماريحتو بالي
الله يسهل امري وامركم انشاء الله ونسمع مايسرنااااااااااا
الله لايخليني من رحمته ولا منكم...
سيد الاستغفار..
"اللهم انت ربي لا اله الا انت خلقتني وانا عبدك وانا على عهدك ووعدك مااستطعت اعوذ بك من شر ماصنعت ابوء لك بنعمتك علي وابوء بذنبي فأغفر لي فأنه لايغفر الذنوب الا انت "سبحاااانك
رد: رسائلsms للقبول من الوزاره للجوال..
انا اختي قدمت هيا كل شيء صحيح والنسبه فوق التسعين للثانويه العامه
بس القدرات والتحصيلي اقل من المطلوب
بس ادوها رقم طلب وقبلو مبدئيا ممكن يعني
تقدر تكمل وتمشي امورها
رد: رسائلsms للقبول من الوزاره للجوال..
اذكرو الله يا جماعه
الرسايل ماتجي حقت التدقيق الا قبل التدقيق بيومين انا العام جتني قبل التدقيق بيومين
والتدقيق كل واحد تنطبق عليه الشروط راح يدقق الاوراق
لا تسمعووون كلام الناس ترا تتعبون
موفقين