عدلت شهادتي على حسب اسمي بالجواز ولكن اعطوني بدل تالف!! هل ممكن اانرفض؟؟

السلام عليكم..

كان عندي اختلاف في اسم الوالد بين الجواز و الشهادة ..اليوم من الصباح طلعت وزارة التربية والتعليم عدلولي الاسم مطابق للجواز والحمدلله خلصولي الشهادة في نفس اليوم .. و انا وقت شرحتلهم ليه ابى اغيرها ..قلتلهم ياريت لو ماينكتب عليها بدل تالف.. لاني سمعت انها ماتنقبل بالبعثة..قالولي من نفس سيستم الاجهزة تطلع بدل تالف يعني مو بيدهم.. (مع اني اعطيتهم شهادتي الاصلية)!!!
فأنا الان خايفة لو رحت يوم التدقيق يرجعوني بحجة انها بدل تالف..

افيدووني الله يوفقكم .. اذا احد عنده فكرة او معاه بدل تالف مثلي

أشرحي لهم اللي صار معاك بالضبط يوم التدقيق

وإن شاء الله يمشوها لك
ولو عندك صورة من الشهاده السابقه تجيبينهم ك اثبات ان هذي بدل تالف عشان الاسم

ايوا اختي انا عندي صورة طبق الاصل من الشهادة القديمة .. حاخذها معاي كاحتياط..
بس والله اخاف يطلعولي الف حجة و حجة مااااااااني عاااارفة ..
يعني لو قعدت بشهادتي القديمة مشكلة... و حتى بعد ماغيرتها مشكلة!!!
حسبي الله

السلام عليكم ورحمة الله وبركاتة
ان شاء الله مافيها شي لو كانت بدل فاقد هنا بس المشكلة عشان في طلاب يقدمو على الجامعة ويجيبو من الوزارة بدل فاقد ومنعوها اما بدل تالف مقبولة و مافيها شي واتمني لك التوفيق والقبول

بسم الله الرحمن الرحيم
اللهم صلي وسلم على حبيبنا محمد وآل بيته الطاهرين وعلى صحبه المنتجبين أجمعين

غريبة والله
أنا قبل سنة وديت شهادتي لأن فيها غلط في تاريخ عيد ميلادي
خلصوها في اقل من 10 دقايق وماكتبو عليها بدل تالف
بالعكس مثلها مثل أي شهادة تماماً

على كل حال ماعتقد يعقدو الامور عليك وانتي احملي معاك مثل ماقال أحد الاخوان فوق نسخة ولا تخافي مابصير الا الخير ان شاء الله


تقبلي مروري
والسلام عليكم ورحمت الله

مشكورين اخواني .. الله يطمن قلوبكم ان شالله
بسوي اللي اقدر عليه و الله يكتب اللي في الخير..

هلا اختي مشاعل

اختي انا نفس وضعك ولمن قريت بالموقع ماراح يقبلون بدل فاقد

شككوني بنفسي قلت يمكن بدل تالف نفش وضعها ورحت للوزارة

وسألت رد لي الموظف قال مايهمني وش تقدم حتى لو قدمت بدل فاقد مو مشكلة بس احنا راح نشيك عالجامعات وبس

ورجعت لادارة التعليم علهم يشيلون هالبدل تالف للطمأنينة قالي كلمة ريحتني

قالي ياخي بدل تالف معناتها الاصل معانا ريح بالك

وانتي تطمني وخليك متفائلة دايم وكلمتك قوية لان الحق معك

بالتوفيق

تحياتي

انا جددت جوازي وتغير رقم الجواز عن الموجود في الشهادة

لازم اروخ اغير البيانات في الشهادة او عادي الوضع كذا ؟؟

الله يخليكم ابغا جواب في اقرب وقت

الله يبشرك بالخير اخ Putyet

يعني الان هل اكيد انه يوجد فرق بين بدل تالف و بدل فاقد؟؟؟؟؟؟

طيب بالنسبة لانهم يشيكوا عالجامعات.. متى يتم هذا الامر؟؟ لان قريبتي مسجلة في الجامعه و لسه ماسحبت بس مستوفية الشروط و رايحه هاليومين تسحب ..فهل ممكن انهم الان بيشيكوا عالجامعات.. فبالتالي لو لقوا اسمها ماراح يرسلولها مسج؟؟؟
او انهم يشيكوا يوم التدقيق؟؟و تكون هيا قد سحبت ملفها طبعا.. ؟؟ ياريت تفيدونا

اهلا اخ $aad
طبعاا ضرووري تغير الشهادة روح وزارة التربية و التعليم وودي لهم اصل الجواز و صورة منه و ان شالله بيغرولك الشهادة في نفس اليوم ..
لانه رقم الجواز جدا مهم و لازم يكون نفس اللي في الشهادة
بالتوفيق ان شالله