رد: تفرق ولا لأ؟ كندا + امريكا
اقتباس:
المشاركة الأصلية كتبت بواسطة d7oom_07
اخي الكريم تبغى تعرف اي شي عن دول الابتعاث فيه هنا في نفس المنتدى قسم خاص لكل دوله ادخل وخذلك لفه عالمواضيع واذا ما لقيت اللي يريح بالك اطرح موضوع في قسم الدوله اللي تبغى تستفسر عنها وانشالله الشباب هناك ما راح يقصرون معاك لان اغلبيتهم مبتعثين .......وتقبل تحياااتي واتمنى اكون افدتك بشي
اللهم وفقنا لما فيه الخير لنا؛؛؛؛؛
حيااك
والله ما فكرت فيها ابد... ان شاءالله بتصفحهم
جزااك الله خير ويوفقك
رد: تفرق ولا لأ؟ كندا + امريكا
اقتباس:
المشاركة الأصلية كتبت بواسطة الغـ صدى ـربة
السنه الماضيه كنت محتاره مثلك
كندا اعرفها كويس وزايرتها بس عزمت اروح امريكا قبولاتها اسهل وجامعات متعدده اعرف ناس كثيره هناك
شركات كبيره كثير هناك ممكن ادرب عندهم بالصيف
الين قبل التقديم بيومين ولساتي محتاره على ايش اقدم كنت شبه معزمه على امريكا استخرت بالنسبه لها وماطلعت الخيره كويسه فحولت لكندا
والله نفس حالتي فجأة ودك تغيير لدولة ثانية.. الله يكتب اللي فيه خير
بعد هذا بكم شهر صارت مشاكل للسعوديين بامريكا وحمدت ربي وعرفت ان هاي الخيره حقتي جنبتني
فانت ماتعرف علم الغيب انصح بالخيره تشوف ربك ايش يختار صلاحك
سبحان الله.. امس بعد ماكتبت الموضوع لقيت موضوع ثاني
عن مجموعة سعوديين انضربوا بامريكا!
بجاوب على اسئلتك ممكن تخفف حيرتك
وش احسن من الناحية الاكاديمية.. يعني سهولة وصعوبة الجامعات امريكا ام كندا؟
امريكا فيها السهل والصعب
كندا فيها الصعب والمتوسط
لو بتقارن صعب امريكا بصعب كندا نفس المستوى تقريبا ووممكن امريكا تكون اصعب بعض جامعاتها
لو بتقارن سهل امريكا بمتسوط كندا فكندا اصعب
فمانقدر نقارن بشكل عام حدد الجامعه الي تبيها وشوف اش مستواها
عاده الجامعات الكبيره الي طموح كل مبتعث يدخلها يكونوا بنفس المستوى ومايلين لصعوبه
لكن حاليا اشوف الشعب السعودي يدور السهل وماظن ابتعثنا واتغربنا عشان سهل جايين ماعدنا الا دراستنا
ومن حيث احضار القبولات من الجامعات الاسهل امريكا ام كندا؟
البكالريوس عاده ماهو مشكله اذا مستوفي شروطهم تقدر تجيب قبولك
المشاكل بالماجستير امريكا اسهل
بس بكالريوس الاثنين نفس الشي
وطيبة الشعب والمعيشة المالية ؟
الشعب الكندي جدا طيب ويجنن وفرندلي عادي توقف بباص وانت غريب عليهم ويجوا يسولفوا وياك بشكل عام
ماعدا في مقاطعه وحده اسمها كوبيك صايره مشاكل عندهم ومشاكلهم مع الكل حتى مع الكنديين نفسهم من باقي المناطق مايشتهوهم فهاي ابعدوا عنها باقي مناطق كندا يجننوا
امريكا على الولايات في ولايات شعبها حلو
ولايات شعبها ممشي حاله لايضايقك ولا تضايقه بس حتى لاتكلمه ولا لك دخل فيه
وولايات شعبها عنصري كونك سعودي فانت ارهابي مسلم مايشتهوك
فامريكا لازم تقرا عن كل ولايه وتعرف وين المناسب
المعيشه كندا عموما اغلى لكن في ولايات بامريكا مثل نيويورك كمان غاليه
بس كمان مكافاه المبتعث بكندا اعلى من مكافاه مبتعث امريكا
فالمعيشه ماهي مئثره بشكل كبير الحمدلله المكافاه تكفي وعايشين بخير ونعمه
وآخر شي عامةً .. تنصحون أمريكا او كندا؟
انصح بكندا
رغم اني ذكرت بالبدايه كنت ابي امريكا
لكن في شي اغفلته بتفكيري قبل لكنه جدا مهم
وهو الملحقيه الثقافيه بكندا جدا متعاونيين مع الطالب الملحق الثقافي نفسه تحصله بالفيس بوك كل يوم اي سؤال اي مشكله يحلها لنا
اهل امريكا مطفشتهم ملحقيتهم تلفونات مايردوا عليها
وكطلاب مبتعثين شغلنا مع الملحقيه كبير لو تبي تغير معهد لازم تكلم الملحقيه لو اي مضايقه تصير لك لازم الملحقيه
تبغا اجازه تكلم الملحقيه
فملحقيه كندا صراحه بشكل كبير مريحتنا مقارنه بملحقيه امريكا
وغير الشعب الكندي مره يجنن هنا وحابته الحياه سهله وامورك تمشي اهم شي دراستك تنبته لها وباقي امورك تمام
اختي .. والله مادري من وين ابدأ. اجابات وفية وكافية..
يمكن قريته اكثر من اربع مرات وبقراه اكثر واكثر لانه فيه معلومات جداً طيبة
ومتأكد مو بس استفدت الا كل اللي بيدخل على الموضوع ومحتار اكيد بيستفيد كثييييير
وان شاءالله راح افكر زين قبل لاختار... وردك سهل علي
الله يجزااك خير ويعطيك على قد نيتك .. مشكوورة
رد: تفرق ولا لأ؟ كندا + امريكا
اقتباس:
المشاركة الأصلية كتبت بواسطة Manar-Dude
انا مررره كنت متحممممسة لأمريكا
بس بعد دا الموووضوع حبيييت كنــدا ودخلت مزآآآآآجي
الله يعيين بس :)
والله بعد الردود الطيبة لازم تميلي لها شوي.. =)
آآمين..
رد: تفرق ولا لأ؟ كندا + امريكا
والله كندا أحسن من نواحي كثيره من ناحية الشعب ومن ناحية قوة الجامعات ومن ناحية الرقاء شعب راقي ومتفهم وفي نفس الوقت أنا أعرف واحد من أخوياي يشتغل ويدرس لأنه يحب يطلع ويروح ويجي عشان كذا مكافأة البعثة ما تكفية ولأن أهلة شوي عندهم أزمة مالية أشتغل في إحدى الفنادق وصار يجيه في الأسبوع مو في الشهر في الأسبوع 3000 ريال سعودي يعني في الشهر 12000 تقريبا وبدون مبالغة ومن بعده صار يشتغل بين أسبوع وأسبوع بعد ما تمصلح مع مدير الطباخين صار كل ما يحتاج فلوس يروح يقول أبغى أساعدكم وأنظف صحون خخخخخخخخخ يعني بختصار أنت بأمكانك تخلي الصعب سهل بس يبغى منك صبر ومجهود وقوة تحمل
رد: تفرق ولا لأ؟ كندا + امريكا
اخترت كندا وراح اغير لأمريكا سألت مجربين قالوا لي الفيزا الكندية اصعب و بهدلة
ثاني شيء جامعات امريكا اقوى الجامعات في العالم :)