خلونا نتناقش بخصوص استبعاد كل من سجلو بالجامعه

العفووو اخوي هذا واجبنا

^ ابو خالد

ممكن و لو ما فيها لقافه يعني

كم نسسبك < لان من كلامك قاللك انو البعثه مضمونه بإذن الله فحبيت اشووف اذا انا بعد نفس الشي او لا

أنت متأكد أخوي أنهم ياخذون الشهادة الأصل في مرحلة التدقيق ؟؟؟

الاصل بالنسبة للبكالوريوس
لانهم هم اللي راح يقدمو لنا ع الجامعات

اما الدكتورا والماستر لا
لان الطلاب هم المسؤولين عن القبول

مشكووووور يامهند

تحياتي
مشعل

ههههههههههههههههه والله وانا اخوك نسبتي مو حلوه مره 97.23 بس مو مهم وانا اخوك النسبه اهم شي القياس والتحصيل لان المدارس عندنا زي ما انت شايف توزع اسئله وكذا وانا اكثر اخوياي نسبهم 99 و 98 وهم والله لو اسئلهم وش الكيمياء ماعرفو لاكن انا مدرستي متشدده شوي الله ياخذهم

^ و كم القدرات و التحصيلي < اذا لقافه مرره طنشش عاادي


و بالعكس نسبة ثانوي مرره حلوه ما شاء الله < اعرف ناس مقبولين بارامكو و نسبهم في الثانوي 97

والله اذا المسؤل الي بالوزارة كتب خطاب او وقع على خطاب انه يقبل الجميع في البكالوريس معاك حق تسحب ملفك
اما اذا ماخذت منه الا الكلام فهذا مهو دليل على قبولك
انا اشوف كثار حصلهم قبول في الداخل وساحبين عليهم طيب وش الي يضمن قبولك في البعثة
وخصوصا انهم يقبلو الي متخرج من ثلاث سنوات, ونزلو التحصيلي مدري القدرات 75 ,والي ماعجبه تخصصه في الجامعة فصل وقدم على البعثة, والي يبي يروح طب ومن هناك يغير التخصص او يدرس لغة ويرجع , والي يبي يشم هوا والي عايش في كبت
وكل هذول راح ينافسوكم على البعثة( وترا المرحلة الخامسة عدد الطلاب والطالبات في البكالوريس 800 )ولاتقولو هذول مستوفين الشروط لان الشروط سهلة ومثل ماقال ابو خالد نسبة الثانوي من السهل تظمنها لان الوزارة شالت ايدها عن الاسئلة والمدرسة الي فيها اخوي المنهج لكل مادة ورقتين او ثلاث من اوراق A4 والنسبة فوق التسعين بالراحة وقيس على باقي المدارس في المملكة ولاتنسون ياشباب ان الابتعاث مهو حكر على منطقة وهو شامل لكل مدارس المملكة ومو معقول ان الطلاب والطالبات الي متخرجين ويبون بعثة عددهم 800 اكيد اضعاف مضاعفة من هذا الرقم
الي جاله قبول في الجامعة يروح الوزارة ومايطلع الا وهو ماخذ شي يظمنه في البعثة خطاب او ماشابه لان هذا الشي الوحيد الي تقدر تحاسب فيه اي مسؤل
والوزارة ماراح تحاسب اذا انت يالطالب تركت قبول جامعي وسحبت عليهم