الأعضاء الإشتراك و التسجيل

الملتقيات
ADs

المبتعثات هل تواجهين مشكله مع الأهل بخصوص الابتعاث والمحرم؟ هنا تجمع للفضفضه

المبتعثات هل تواجهين مشكله مع الأهل بخصوص الابتعاث والمحرم؟ هنا تجمع للفضفضه


NOTICE

تنبيه: هذا الموضوع قديم. تم طرحه قبل 2686 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. السلام عليكم
    كيفكم جميعا
    هذي اول مشاركه لي هنا مع اني لي مدة اتصفح الموقع وقلت مانيب مسجله عضوية لين انقبل في البعثة لاني موب راعية منتديات
    المهم الموضوع هذا بالذات هو اللي خلاني استعجل التسجيل
    نفس الحالة انا اهلي عطوني جوي في البداية بس يوم انقبلت وجاء الصدق سحبوا علي
    طبعا ابوي مازال معطيني جوي لاني ماقلت له عالقبول المبدئي
    امي جابت لي جلطه امس وقالت منتيب رايحه ان شاء الله==علما انها قبل التقديم كانت تقول قدمي وبروح معك بعد انا
    المحرم موجود اصغر مني ب3 سنوات وبيطير من الفرحه يبي يكمل بكالوريس
    اشوف اغلبكم صغار تبي تدرس بكالوريس عشان كذا اقول اهلها خايفين عليها لكن المشكله انا ابي ادرس ماستر يعني قدني حرمه وفاهمه وقدعة بعد
    لكن لا حياة لمن تنادي
    ونفس الشيء اعرسي وروحي ==طب وين الرجل اللي يستاهل
    لدرجة طرى على بالي استأجر زوج لين اخلص الدراسة بعدين اطلق سراحه مع انها فكره مجنونة وغير قابلة للتنفيذ لكن من القهر وقلة الحيلة ماعاد ادري وشلون افكر
    لكن على ما قالوا بعض الاخوات الدعاء والاستغفار وربي يفرج كل ضيقه لي ولكم
    7 "





  2. جبتيها ع الجرح والله

    مثلك تماماً محرمي متردد , بالأول كان متشجع وهو إلي سأل لي عن الجامعات والدول وأفضلها ومتحمس بطريقة عجيبه غريبه !
    لكن أول ما وقع الفاس وجاء الترشيح بدأ ينسحب شوي شوي , لكن أنا ما يأست رغم أوراقي ناقصين وأهلي مترددين إلا وأنني عندي أمل كبير بالله سبحانه وتعالى وأكون من المقبولات


    الله يوفق الجميع , ويختار لنا الخير والصلاح











    7 "
  3. ااه يا هالمحرم .. القبول بالبعثه سهل فوق ما اتوقعت بس الصعوبه سارت بالمحرم

    ذحين ابوي موافق اني اروح ومقتنع وامي تقول انها موافقه

    وانا محرمي اخوي اصغر مني بسنه

    وهو متحمس لأنه بيكمل دراسته هندسه هناك وماله امل الا انه يروح معاي

    بس اخاف اعمامي الكبار يعبون راسه ويخلونه يهون خصوصا ان عليهم تفكير خورااافي

    بس انا قايله لأهلي اذا انقبلت خلاص بالبعثه دوروا لي على عريس مابروح هناك الا وانا متزوجه

    وحكايه القروب مرره حلوة حتى لو كانوا معانا محارمنا بس نسكن قريب من بعض بحي واحد او عماره وحده بنتطمن اكثر ونرتاح

    انا مقدمه ماستر ماليه على كندا - امريكا - سنغافوره

    بس كثير خوفوني من القبول بالماستر بكندا يقولوا مررره صعب

    فمحتاره اغير عن كندا او اخليها ... ايش رايكم انتوا ؟؟
    7 "
  4. المشاركة الأصلية كتبت بواسطة Cardio
    ااه يا هالمحرم .. القبول بالبعثه سهل فوق ما اتوقعت بس الصعوبه سارت بالمحرم

    ذحين ابوي موافق اني اروح ومقتنع وامي تقول انها موافقه

    وانا محرمي اخوي اصغر مني ب3 سنين بس رجال يعتمد عليه وله مواقف بينت لي هالشي

    وهو متحمس لأنه بيكمل دراسته هناك وماله امل الا انه يروح معاي

    بس اخاف اخواني الكبار يعبون راسه ويخلونه يهون خصوصا ان عليهم تفكير خورااافي

    بس انا قايله لأهلي اذا انقبلت خلاص بالبعثه دوروا لي على عريس مابروح هناك الا وانا متزوجه

    وحكايه القروب مرره حلوة حتى لو كانوا معانا محارمنا بس نسكن قريب من بعض بحي واحد او عماره وحده بنتطمن اكثر ونرتاح

    انا مقدمه ماستر تسويق على كندا - امريكا - سنغافوره

    بس كثير خوفوني من القبول بالماستر بكندا يقولوا مررره صعب

    فمحتاره اغير عن كندا او اخليها ... ايش رايكم انتوا ؟؟
    وآلله شوفِي يآقلبي ،،

    دآم محرمك معك ومآشيه آمورك من هالنآحيه

    البلد مو صعب

    ولا عليك من اللي يقولون صعب ومو صعب

    كل شي بالبدآيه صعب وبعدين يسسهل

    آنتي بس آسعي وإن شاء الله مقبوله نهآئي

    وكندا بالعكس يمدحون درآستها بقووووه

    وتذكري

    كل صصًعب بإذن وآحد أحد يصير سهههل

    الله يوفقك
    7 "
7 من 9 صفحة 7 من 9 ... 2678 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.