السلام عليكم ،،
حبايبي رجاء لا يجيني احد ياخذ موضوع على اني اعقد او احبط او احطم او اي شئ من هذا القبيل
انا فكررت كثير وطلعت بقرار مقتنع فيه ، بشارككم افكاري ونشوف من يأيدني ومن لا
احبابي زي ماتشوفون الابتعاث صاير فيه نوع من الصعوبه ،، وكل يوم نسمع بحاله جديده ومشكله جديده
كلامي موجه للطلاب اللي انقبوا بالطب في جامعة فيصل او الدمام او سعود ،
ياحبيبي انت الحين عندك مقعد مضمون تطلع منه بعد 6 سنوات دكتور ، لك سمعتك ولك احترامك وتقديرك
ليه تجازف بهالمقعد عشان تطلع براا ،، شهادة الطب قويه لو اخذتها من برميل زباله
اعذروني على اسلوبي لأان اتكلم من قلب انا : (
ياخي من جد ،، جاك قبول في جامعة فيصل مثلن ، جامعه قويه وكثير تخرجوا منها وصاروا دكاتره في اكبر المستشفيات ،،
اذا مررا ماسكه معك انا ابي ابتعاث انا ابي ابتعث ،،، الابتعاث لسه فيه امل ،،
ادرس بالجامعه اللي انت فيها حاليا ،، شد حيلك ،، واذا تميزت وجبت درجات عاليه ،، تقدر تحول
او الجامعه نفسها تبعثك على حسابها ،،
وافرض انها مابعثتك ،، طيب عادي خذ باكلريوس من هنا
وماستر ودكتوراه من برااا ،، يعني الابتعاث مو واقف على البالكريوس اللي مو مضمون لنا اصلن
وبعدين نقطه ثانيه حاب انوه لها
سؤال / وش عقدتك الشعب السعودي ؟؟
انا اجاوبكم ،، اللغه
راسلت الابتعاث وقالوا انهم يطالبونك في درجة لا تقل عن 5 في الـ IELTS ،، يعني يتوقعون منا نجيب 5 من 9 في اختبار عالمي زي هذا من لغتنا بالثانويه
( ماراح تبعث الا اذا جبت هالاختبار )
طبعن نستثني الناس اللي تعبوا على حالهم ودرسوا برا وعندهم لغه ،،
يعني والله عندك اكثر من سبب يأكد لك ان الابتعاث مو مضمون
تخيل انت مقبول الحين في فيصل طب ،، وتجيك البعثه صيدله او تمريض !!!!
طيب انا كنت طب ياعيال الكلب كييف تنزلووني صيدله
مرا ثانيه اعتذر بس حسوو فيني مو شئ يقهرر؟؟
ادرس هنا وتوكل على ربك ،، هذي تحديد مصير ومافيها مجال للــ مجازفه
انا انقبلت في جامعة الملك فيصل طب ،
والاسبوع الجاي المقابله الشخصيه وبتوكل وبجلس هنا ادرس
وبالتوفييق للكل
