استفسار بخصوص السجل الأكاديمي باللغة الإنجليزي
السلام عليكم ورحمة الله وبركاته
كل عام وأنتم بخير
الف مبروك للمترشحين
بغيت استفسر عن السجل الأكاديمي من ضمن الوثائق المطلوبة
11- صورة من السجل الأكاديمي باللغة الإنجليزية، مع الأصل للمطابقة.
وأنا متخرج من جامعة القصيم والسجل باللغة العربية فقط
ــــــــــــــــــــــ
وسؤال ثاني مكان المعيشة للي عنده خبره
الأفضل سكن الجامعة
أو مع عائلة
أو منفرد
رد: استفسار بخصوص السجل الأكاديمي باللغة الإنجليزي
السلام عليكم احب افيدك ياخوي بموضوع السجل الاكاديمي اذ كان باللغه العربيه وده لمكتب ترجمه ويكون معتمد وعنده ختم يختم لك وهو يترجم لك للغة الانجليزيه اتمنى لك التوفيق
رد: استفسار بخصوص السجل الأكاديمي باللغة الإنجليزي
مشكور
طيب أحد يعرف مكتب ببريدة
رد: استفسار بخصوص السجل الأكاديمي باللغة الإنجليزي
طيب واللي عنده انجلش ما عنده عربي وش الحل
هل يكفي مكتب الترجمة ؟؟ مع العلم انهم طالبين الاصول :(
ياربي ننتظر اللي دققوا اليوم يفيدونا
رد: استفسار بخصوص السجل الأكاديمي باللغة الإنجليزي
الحمد الله لقيت مكتب معتمد للترجمة ببريدة
المكتب العربي للترجمة ( امام النقل الجامعي) شارع الخبيب
سعر الورقة من 50 إلى 40
رد: استفسار بخصوص السجل الأكاديمي باللغة الإنجليزي
أخوي اللي عندة انجليزي يصورة ويختمه من الجامعة طبق الاصل ووفقك الله
رد: استفسار بخصوص السجل الأكاديمي باللغة الإنجليزي
هلا اخوي انا مثلك عربي فقط روح عمادة القبول والتسجيل قسم التخرج واطلبه برنت بالانقلش
اليوم عملتها ما اخذت 5 دقايق الشغلة ولو مافي يروح مكتب ترجمة ولا تتاخر لانه يادوب يمديهم لو موعد تدقيقك بدري
موفق ~
رد: استفسار بخصوص السجل الأكاديمي باللغة الإنجليزي
طيب انا بعد عربي بس انا متخرجه من الكليه بالاحساء وسمعت انه مايترجمونها ايش اسوي اروح مكتب يترجمها ؟
والا ايش ؟
وطيب اذا بروح مكتب يترجمها كم وقت ياخذ لانه موعدي بكره اروح
بليز عطوني الحل مافي وقت تكفون لاتبخلون بالنصيحه