[[ اليوم الأحد 5/9 موعدي التدقيق..وهذا اللي صار]]

August 15th, 2010, 02:43 PM

السلام عليكم ورحمة الله وبركاته..
اليوم كان موعد تدقيق أوراقي بفندق الميريديان-جدة قاعة النور.. وبشكل عام مكان التدقيق كان جدا منظم والموظفات منظمات ومتعاونات جدا..
عموماً الأوراق اللي مطلوبة كانت:
1.نموذج طلب الاتحاق
2.صورة من الهوية وكرت العائلة للبنات (عشان يتأكدوا من هوية ولي الأمر)
3.صورة من جواز السفر
4.نموذج التقديم للجامعات الأجنبية..
5.موافقة ولي الأمر
6.الوثيقة عربي - إنجليزي
7. السجل عربي
8.السجل انجليزي

وما رضيوا ياخذوا أي أوراق زيادة .. يعني لاتوصيات ولا غيره..
وهذي الخطوات اللي راح تمروا بيها باختصار..
1. أول ما تدخلي الصالة تاخذي رقمك التسلسلي من ورقة معلقة.. وتدخلي القاعة وتعطيه الموظفة عشان تسجل حضورك .. مع إبراز الهوية أو جواز السفر للي ما عندهم بطاقة أحوال..
2. راح يعطوكي ملف تعبي فيه بياناتك وترتبي الصور المطلوبة زي ماهو موضح لك داخل الملف..
3. لمن تخلصي تسلمي الملف للموظفات اللي راح يشيكو على الأوراق هل هي كاملة ولا لأ وويشيلو التدبيسات "بس ما يطابقوا ولا يطلبو أصول" ..
4. تاخذي رقم تسلسلي وتروحي جهة التدقيق وتنتظري رقمك يطلع باللوحة الإلكترونية "زي موبايلي"
5. لمن ينادوكي راح يطلبو منك أصل كل شي ..ويطابقوه.. وما ياخذوا منك إلا 5 أو 10 دقايق..
وبالتوفيق للجميع..

• نشر عبر تويتر
• نشر عبر فيسبوك
• نشر عبر جوجل