بخصوص المرافق زوجي كيف اجرائاته لانه وده يدرس معي هناك ؟؟؟

السلام عليكم ورحمة الله وبركاته


الف مبروك لجميع المرشحين وفالهم القبول النهائي يارب

عندي استفسار مهم بخصوص مرافقي (زوجي)

وده يكمل دراسته معي ,,

هل في موعد التدقيق ياخذ شاهدته واوراقه ويروح معي للتدقيق

ولا كيف اجراااااائاته ؟؟ تكفون اللي عنده علم لا يبخل علينا

وعلى فكره هو عسكري بالجيش ويفكر يترك العسكريه << وده يطور نفسه ويدرس

مع العلم ان عنده دبلوم جامعي وده يكمل عليه واضن انه جامعات برا خصوصا في امريكا يعادلون له

الرجوا التفاعل مع الموضوع مشكوووووووووورين

up

نتمنا من اللي عندهم معلوماااااااااااااات ما يبخلون علينااا

u p

لا حول ولا قوة الا بالله

أنآ توني ترشحت وإن شآء أنقبل نهآئي ومرآفقي اخوي ويبي يدرس بعد :) ,

ع حد علمي انه أول مآ تروحوآ هنآك تفتحي له ملف مرآفق في الملحقية

علشآن يبدأ يدرس لغة في المعهد ..{ إذآ بفيزة المرآفق بيدرس بـ بآرت تآيم مو دوآم كآمل

وبعدين يقدر يدرس بالجآمعة بمجرد يجيب لهم قبول وهم يعطونه ضمآن ويصير مبتعث وتزيد مكآفئته

يعني تصير مكآفئة مبتعث مو مرآفق :) ,

ولو تحولون فيزة زوجك لـ F1 أفضل علشآن يدرس دوآم كآمل مو جزئي

بالتوفيق وإن شآء الله أفدتك بشي يختي

ودي‘

^
^
^

الله يعافيكي اختي قشعريرة فقد
مااااااااااقصرتي عسى ربي يسهل لك امور البعثه ويوفقك في دراستك ومستقبلك,, قولي امين



الحين بالنسبة للجواااااز يقولون لازم مستقل
طيب انا المرافق معي ولدي وبيروح معي اذا الله سهل
طيب لازم اطلعه بجواز لحاااااله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طلعي كل واحد جواز حتى لو مو مطلوب افضل ما تدري عن الظروف هناك لاي سبب من الاسباب احد يبغا يجلس او احد يبغا يرجع السعوديه او اي سفرة طارئه الافضل كل واحد بجواز

اقتباس:

---

المشاركة الأصلية كتبت بواسطة Over

وعلى فكره هو عسكري بالجيش ويفكر يترك العسكريه << وده يطور نفسه ويدرس

مع العلم ان عنده دبلوم جامعي وده يكمل عليه

---

لا لا وليش يترك العسكريه إذا كنتي تقصدي لو خُير بين البعثه والعمل فهذا هو الحل ؟؟
لا موضوعه سهل بإذن الله طالما هو بالجيش
لان معظم العسكر بقطاع الدفاع الجوي والقوات البحريه والبريه
أمورهم سهله جدا في مسألة إلحاقه في الملحق العسكري لبلد الابتعاث
هو بس يطلع قرار إبتعاثك بإذن الله وإسمه موجود إنه مرافق
على طول يقدم على إجازه وإلحاق عسكري
وهم يحولوه ويكملو اوراقه على قدر مدة إبتعاثك
ولما يوصل بلد الابتعاث راح يقولوله روح مع زوجتك وكمل دراستك وعيش حياتك ولا تداوم
وخلاص لو كان بقطاع وزارة الداخليه كان الموضوع أصعب
بس أنا حاليا عايش في إيرلندا ومعاي 2
واحد من الجيش وواحد من الدفاع الجوي
وكلهم ماخذين الحاق عسكري في بريطانيا
وهما الان في ايرلندا وبيدرسو مع اهليهم مرحلة اللغه ووضعهم طيب ..
كلامي بناء تجربه حصلت أمام عيني هذا والله أعلم
وقد يحتمل الخطأ
لأنه التجربه في بريطانيا وإنتي تسألين عن أمريكا فلربما هناك أوضاع مختلفه

أسأل الله لي وللجميع التوفيق الدائم

اقتباس:

---

المشاركة الأصلية كتبت بواسطة زحلطن

طلعي كل واحد جواز حتى لو مو مطلوب افضل ما تدري عن الظروف هناك لاي سبب من الاسباب احد يبغا يجلس او احد يبغا يرجع السعوديه او اي سفرة طارئه الافضل كل واحد بجواز

---

^
^
طيب لما اطلع لكل واحد فينا جواز
راح يتغير رقم جوازي وتاريخ انتهائه اللي هو مسجل في الاستماره << يعني راح يكون فيه اختلاف عند التدقيق !!

اهم شي لايترك الوظيفه الواحد مايدري وش يصير باكر

ياخذ اجازة استثنائيه مدتها من سنه الى عشر سنوات