الأعضاء الإشتراك و التسجيل

الملتقيات
ADs

طلاب البكالريوس الحقووا معايا الخبر الاكيد لأهم الاستفسارات !!

طلاب البكالريوس الحقووا معايا الخبر الاكيد لأهم الاستفسارات !!


NOTICE

تنبيه: هذا الموضوع قديم. تم طرحه قبل 2681 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية rayan13
    rayan13

    مبتعث مستجد Freshman Member

    rayan13 كندا

    rayan13 , ذكر. مبتعث مستجد Freshman Member. من السعودية , مبتعث فى كندا , تخصصى صيدلة ( فارما دي ) , بجامعة not yet :P
    • not yet :P
    • صيدلة ( فارما دي )
    • ذكر
    • Vancouver, BC
    • السعودية
    • Aug 2010
    المزيدl

    August 16th, 2010, 09:17 AM

    سلام عليكم ,,

    ما ابغى اطول بخش على طول في الموضوع

    اليوم رحت لمقر التدقيق بجدة ,, مع ان اليوم مو موعدي بس رحت اسأل

    تفاجأت بالتنظيم والترتيب صرااااحة مرره عجبني !

    المهم اول شي جيت بدخل القاعة ,, جا سألني الموظف الي واقف عند الباب قلي موعدك اليوم قلتله لا بس ابغى استفسر عن كم حاجة

    رد علي : قلي استفساراتك وانا ان شاء الله بجاوبك !!

    قلتله اوكي ,,

    اولا : انا شهادتي مختومة من جامعة الملك عبد العزيز وخايف انو الختم دا ياثر على قبولي ولا شي زي كدا

    قلي : لا تخاف الختم ما راح يأثر ,, انتا بس جيب الشهادة الاصلية و وورقة إخلاء طرف تفيد بانك منسحب وامورك بتصير تمام ان شاء الله ما عليك ابدا ,, استخير واسحب من الجامعة !!

    واذا كان قصدك على الشرط انتا ما فهمت المقصود منه ,, المقصود انو اذا قدمت اوراقك يوم التدقيق وبعدها رحت قدمت للجامعات في هذه الحالة حتلغى البعثة وتنحرم من البرنامج بجميع مراحله الجاية !!


    السؤال الثاني : انا خايف اني اسحب من الجامعة زي ما اتفضلت ونصحتني قبل شوي وبعدين ما انقبل في البعثة وكدا تروح عليا سنة كاملة عل فااضي ,, ايش رأيك !!

    قلي لاتخاف البعثة مضمونة 100 % للبكالريوس واحنا ما وضعنا الشرط حق الجامعات الا وحاطين الفكرة هذه في راسنا وطبعا ما نرضى ان اولادنا تروح عليهم سنة كدا من حياتهم بدون فايدة !! لاتخاف يا ولدي البرنامج محسوب فيه كل كبيرة وصغيرة وعارفين ايش النتايج فلا تخاف وان شاء الله بتطلع البعثة طبعا اذا عديت مرحلة التدقيق !!

    السؤال الاخير : قلتله ,, هل حتكون في مفاضلة بين طلاب الثانوي ؟؟ يعني الي درجاتهم على الحاف وارسلتولهم موعد للتدقيق ممكن يستبعدوا ؟

    قلي لا مافي مفاضلة ولا فيه مقاعد محددة الي منطبقه عليه الشروط مضمونة بعثته 100 % .>>>>>>>>>>>>> انا هنا انشكحت وصرت مبتسم مدري ليه احس شكلي كان غبي هههههه

    وسألته اخر سؤال عن تغيير التخص والدول !!

    قلي انتا ايش حطيت قلتله طب اسنان ,, قلي ولايش تبغى تحول ؟ قلتله للصيدلة وطبعا بغير البلد واحط كندا وامريكا

    قلي لمن تجي يوم موعدك اطلب ورقة تعديل بيانات وغير عادي مافي مشكلة ابدا !! >>>> هنا انا قلتله اكيد اقدر اغير التخصص والبلد ؟؟ >>>> ما انلام لاني من جد مررة خايف اني ما اقدر اغير !!

    قلي اكيد انا حكذب عليك ليش ؟؟
    هنا انا ارتححت

    --------------------------------------------

    وانا نازل قلت ابغى اروح اخذ رقمه عشان اي استفسار اقدر اكلمه

    رجعت تاني للقاعة طلبت الرقم قلي ادخل القاعة ,, شايف الطاولة البعيدة الي هناك وفيها واحد قاعد عل كمبيوتر ؟؟

    قلتله ايوة ,, قلي روح عنده وخذ الرقم عشان الاسفسارات ,,

    انا ما صدقت دخلت القاعة ورحت عنده على اساس اني اخذ الرقم واطلع بس !!

    بس من الوسوسة الي انا فيها ,, سألته كل الاسئلة الي سالتها للموظف الي عند الباب ,,
    قلت مدري يمكن ذاك ما يعرف تمام قمت سالت هذا عشان اتطمن

    والحمدلله ريحني وجاوب بالضبط نفس اجابات الموظف الثاني ,, قسم بالله اني اتطمنت وحمدت ربي

    بس بعد كل هدي الاسئلة قلي معليش ما اقدر اديك رقمي او اي رقم عشان تستفسر ,, اذا ودك راسل الوزارة !!

    انا اصلا خلاص كنت متطمن وما عندي اسئلة قلتله اوكي شكرا الله يعطيك العافية !!

    بس وانا خارج الموظف الي عند الباب قلي كل هذا تاخد الرقم والله ماصار رقم دا هههههههه

    ضحكتله ضحكة تسليييييك هههههههه مشييته وخرجت هههههههههههه

    ان شاء الله تكونوا لقيتوا الاجوبة في موضوعي دا

    بس اللي اطلبه منكم انكم تدعووووولي انها تتيسر اموري من فيزا وقبول معهد الخ .... الى يوم السفر

    سلام عليكم ,, اخوكم ريان
  2. عزوز : شكرا على ردك ونصيحتك ,, كلامك فيه من الصح وفيه من الخطأ ,, صح كثرة التفكير تجيب الصداع وعور الراس والوسوسة واذا ما انقبلت ممكن انصدم !! ,, بس في نفس الوقت لازم افكر واهتم بالموضوع زيادة لان هذا مستقبلي و 7 سنين حقضيها في غربة عن بلدي وموطني شي مو سهل ابدا ,, ولاتنسى اني سحبت على الجامعة يعني البعثة اخر امل ليا !!

    عل عمووم تسلم عل مرور اخوي عزوز
    7 "
  3. الله يبشرك بالخير على كلامك المبشر هذا...تدري على كلامك قررت أروح أسحب شهادتي ...توني والله راجع من البترول..الله يعين ويسهل...أعرف نفسي بسحبها بسحبها حتى لو بنفس اليوم اللي فيه التدقيق لأن مو ممكن أضيع احتمالية كبيرة أني أنقبل بالبعثة خصوصاً أن درجاتي ولله الحمد عالية...بس كلامك خلاني أروح أسحبها اليوم وأنا واثق...بس على فكرة...أنا ما أعطوني البترول إلا شهادتي وشهادة حسن السيرة والسلوك وقلتله طيب وورقة إخلاء طرف ؟ قال هذي ما نعطيها إلا اللي درس عندنا...وشهادتي ترا ماعليها ختم الجامعة...بس ختم الوزارة..ممكن علشان كذا ؟
    7 "
  4. ثانكس عل مرور اختي عنان واخويا أحمد ,, ان شاء الله كلنا طالعين عل بعثة ونتقابل في المؤتمر الي حيعملوه للمقبولين بإذن الله

    اخويا Should : الحمدلله اني افدتك وان شاء الله الكل يستفيد ويتطمن زي ما اتطمنت انا !!
    بالنسبة للنموذج حق الجامعة انا لسا ما عبيته من اليوم ان شاء الله ببدأ بس كنت استننى الخبر الاكيد !! ,, وطبعا حدخل عل مواضيع الي في المنتدى الي فيها شرح وافي على كيفية التعبئة ,, انصحك بانك تشوفها ,, في اكثر من موضوع ,, سلام
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.