المشاركة الأصلية كتبت بواسطة maroco_sakura
مرحبا عزيزاتي
الاخت معاكم خريجة علوم التأهيل قسم علاج طبيعي ....
الصراحة ما توقعت ان تخصصنا ما اله وظايف ...يعني شحححححححح مو طبيعي.... نصيحة اخوية لا احد يدخل هالتخصص الا اللي ناوي يكمل ماستر ودكتوراة ويمكن بعد بعدين يحصل وظيفة..الله المعين
التمريض التوظيف ممتاز ...اعرف كذا بنت توظفت حكومي بعد التخرج بشهر او اكثر شوي....ولا ننسى ان الرزق في يد الله
طب الاسنان اعتقد التوظيف عليه بعد ممتاز بس ما اعرف من هالتخصص....
المختبرات وين ما ادور على وظايف تلاقيه مطلوب ما شاء الله....
التغذية السريرية بعد مطلوبة......
طبعا كل تخصص التوظيف حقه يعتمد على توفر التخصص في المستشفيات اللي في المنطقة اللي تعيش فيها ...وكذلك الاحتياج ...
يعني في تخصصات ما في شواغر الا في الرياض مثلا واحنا خريجين من الشرقية فبعض الاحيان الواحد يقبل يتوظف برة عشان الخبرة وكثير من مستشفيات المنطقة تطلب خبرة وبالتالي ما تقبل بدون الخبرة....فلمن الواحد يتحصل خبرة ممكن بعدها ينقبل في مستشفيات منطقته وممكن لا ....
في بنت اعرف اختها درست في بريطانيا تخصص اشعاعي معين له علاقة بعلاج الاورام او شي من هذا القبيل ....ولمن رجعت السعودية ما فيها تمارس تخصصها الا بمستشفى واحد (فيصل التخصصي) بالرياض لان تخصصها ما هو متوفر بأي مستشفى آخر في المملكة في ذلك الوقت...
اعتذر على الاطالة ....وان شاء الله ما اكون حطمتكم ...انتوا شوفوا مستشفيات منطقتكم والتخصصات الموجودة فيها...
تقبلوا تحياتي...
اختكم