رحت التدقيق وحكحكتهم اسأله
السلام عليكم ورحمة الله وبركاته
كانت في تسؤلات سألتها وكانت الاجابت مو اكيد . بعض الاخوان يردون عليا بس مومتأكيدن الموهم الله يعطيهم العافية
قمت شلت اخويا ورحت مركز التدقيق قلت افصفصهم بما انو لسا موعد تدقيقي 11/9
وطبعا دخلت وقلت عندي استفسارات موهمة مو اي موظفة تجاوبني دلوني ع الدكتورة ميثه هادي الي الاظرف كلها تروح عندها وتقول للمدققات وتقولهم يختم اولا او ان المدققة لو حاست في شي ترجعلها
رحتلها وكانت انسانه ذووووق وكامل الاخلاق
اول شي /قلتلها سجلي الاكاديمي انجليزي لاني من جامعة الملك عبد العزيز يحتاج اترجمه عربي
قالت لا لا نهائي احنا نبغاه الي عربي يترجموه انجليزي ويجيبو العربي والانجليزي (طبعن دا لسؤال جاوبني احد الاعضاء هنا وطمني بس حبيت بما اني هناك اسال )
تاني شي /قلتلها الاوراق الصور المرفقه لازم تكون مختومة طبق الاصل
قالت لا احنا طلبنا الاصل عشان نطابق
تلت شي والاهم صك الاعالة /قلتلها ايش تقصدون بصك الاعالة بعدين كتابة العدل طالبة خطاب من الجهة الي طالبة الصك (طبعا الصك عشان انا ولي امري اخويا الغير شقيق )
قالتلي خلاص جيبي صك الوفاه حق ابوكم وصك وكالة اخوكم بس
رابع شي / وحدة جنبي كان تدقيقها اليوم بس الساعة 12 وكنا انا وهيا بالصدفة في الجوازات
وماشاء الله الجوازات من السبت الي فات السستم عطلان وماطلع الجواز
قالت لا لا الجواز ضررررررروري لازم يكون في جواز البنت قالتلها طيب انا ايش اسوي المفروض يكون عندكم علم بموضوع الجوازات قالتلها تروح تطلبي ورقة تأجيل موعد وتكتبي فيها السبب ومايصير خاطرك الا طيب
البنت قالتلها يعني عادي اقدر اجي مره تانية قالتلها ايوة اخري موعدك واكتبي السبب
يعني الي اوراقه ناقصة مثلا الجامعة اخذه الشهادة السستم حق الجوازات اي شي تطلب ورقة تاجيل موعد وتذكر السبب وتراجع يوم اخر من ايام التدقيق
وعلى فكرة الوضع ماياخذ اكثر من 15 دقيقة انا جلست وشفت ايش يسوو ؟؟ وايش الاسئلة
اذا اوراقك موجوده ومرتبه والله هوااااا مامداه اخوكي يركن السيارة الا انتي طالعة ماشاء الله عدد المدققات مرة كثييير
وبس وربي يسهلي ويسهل للجميع
رد: رحت التدقيق وحكحكتهم اسأله
جزأك الله خير حبيبتي
بالتوفيق:jump1:
رد: رحت التدقيق وحكحكتهم اسأله
الله يعطيك العافية ...
بالتوفيق ...
رد: رحت التدقيق وحكحكتهم اسأله
رد: رحت التدقيق وحكحكتهم اسأله
اقتباس:
المشاركة الأصلية كتبت بواسطة sooomy
اول شي /قلتلها سجلي الاكاديمي انجليزي لاني من جامعة الملك عبد العزيز يحتاج اترجمه عربي
قالت لا لا نهائي احنا نبغاه الي عربي يترجموه انجليزي ويجيبو العربي والانجليزي (طبعن دا لسؤال جاوبني احد الاعضاء هنا وطمني بس حبيت بما اني هناك اسال )
الله يسعدك ويوفقك ويسهلك امورك يارب وتنقبلي قبول نهااائي
الله يديك العااافية من جد مااعرف كيف اشكرك
الله يفتحها بوجهك محل ماتروحي انتي وباقي الاعضاء اللي ساعدونا
<< مبسوووووووووطهــ الحمدلله
رد: رحت التدقيق وحكحكتهم اسأله
اقتباس:
المشاركة الأصلية كتبت بواسطة sosoسوسو
جزأك الله خير حبيبتي
بالتوفيق:jump1:
الجميع ياسوسو :jump1::jump1::jump1:
رد: رحت التدقيق وحكحكتهم اسأله
الله يسعدك دنيا واخرة من جد كنت قلقانه كتير ع السجل لانه من جامعه عبدالعزيز
المهم يالغلا لازم اجيب صك الوكاله ولا
لانه سمعت بعدين نجيبه
رد: رحت التدقيق وحكحكتهم اسأله
اقتباس:
المشاركة الأصلية كتبت بواسطة قمر وقلبي حجر
الله يسعدك ويوفقك ويسهلك امورك يارب وتنقبلي قبول نهااائي
الله يديك العااافية من جد مااعرف كيف اشكرك
الله يفتحها بوجهك محل ماتروحي انتي وباقي الاعضاء اللي ساعدونا
<< مبسوووووووووطهــ الحمدلله
الله يبسطك كمان وكمان ياعمري وعقبال الفبول النهائي .. الله يعطيكي العافية
رد: رحت التدقيق وحكحكتهم اسأله
رد: رحت التدقيق وحكحكتهم اسأله
اقتباس:
المشاركة الأصلية كتبت بواسطة free angel
الله يسعدك دنيا واخرة من جد كنت قلقانه كتير ع السجل لانه من جامعه عبدالعزيز
المهم يالغلا لازم اجيب صك الوكاله ولا
لانه سمعت بعدين نجيبه
ايوة ياقلبي تجيبي صك الوفاة في حالة الوفاه وصك وكالة للموكل اصل وصورة