مهم جدا للي وثايقهم وجوزاتهم مختلفه في الاسبلينق ،، حل للمشكله ،، من د.ماجد الحربي

السلام عليكم ورحماته الله وبركاته

صبآحكم ورد أخواني وخواتي

مثل ماهو واضح من عنوان الموضوع ،، انا وزجتي جدا كنا قلقين بخصوص نقطة اختلاف
الاسم بالوثيقه عن الجواز خصوصا انه عندنا فيزا ولا نقدر نغير الجواز لان التأشيره امريكا موجوده فيه

بالاضافه ان الان الجامعات اجازه وكثير من الموظفين اجازه يعني مسألة تعديل الوثيقه والسجل الاكاديمي
صعبه ،والوقت ضيق ايضا لان التدقيق يوم الاربعاء وكنا حيل شايلين هم هالشي كنا نعتقد ان عدم تطابق
الاسم بالجواز والوثيقه سبب من اسباب عدم قبول طلب الابتعاث لزوجتي

لذا قررت اليوم اروح استفسر بنفسي من المسئولين هناك في مكان التدقيق بالرياض
والحمدالله رحت وصلت هناك وبفضل من الله ومساعدة ابو نجد موظف هناك الله يجزاه خير
دخلني مع انه انتهى وقت الدوام ووداني بنفسه للشخص اللي يقدر يفيدني ويجاوبني
والحمدالله قال انه مافي اي مشكله اهم شي تطابق الاسم بالعربي الرباعي في الجواز والوثيقه
اما الانجليزي عادي يخلونك تكتب تعهد وبعدين تعدله اذا فتحت الجامعه وتجيبه بعدين

بصراحه انا ماارتحت مره مره ونا طالع قابلت للمره الثانيه ابو نجد وقال ترا الدكتور ماجد موجود
وهو الكل بالكل وهو اللي يقدر يعطيك الاجابه الشافيه ،، رحت لمه والحمدالله جاوبني نفس جواب الاخوان

والحمدالله الحين طاح هم الوثيقه والاسم ،،

حبيت اطمن كل شخص عنده نفس المشكله ،، تحياتي للجميع
ودعواتكم لنا بالتوفيق :)

الله يعطيك العافية لحرصك على اخوانك

بالتوفيق لك ان شاء الله

الله يجزاك خير ويطمنك

انا عندي نفس المشكله , وقررت اني اغير جواز السفر وارتاح مع ان اسمي غلط بالوثيقه , بس وش اسوي افتك من هم مراجعة الكليه

ياهلا فيكم

بالتوفيق للجميع

الحمد لله رب العالمين

الله يعطيك العآآآآفيه...

ومشكووووور وما قصرت..بس اللي اعرفه..ان جوآز اي سعودي اسم الجد اول حرف بس..بالانقلش طبعا

ما اعتقد يغيروونه,,,,,,,اتمنى افااادتك يالغالي..,,,,,وشكرا

كلامك صحيح الجد الحرف الاول
اهم شي يكون الحرف متطابق مع اسم جدك يعني لايكون في اختلاف
مثلا جدك محمد ويكون الحرف الخاص بجدك بالجواز حرف اخر

تحياتي

الله يعطيك العافية ويطمن قلبك

الله يعافيك يارب

الله يطمن قلبك ويوفقك انت وزوجتك ويرزقكم بالذريه الصالحه اذا ماعندكم اولا وان كان عندكم اولاد الله يحفظهم يارب
عندي تدقيق بكرة وكل شي ان شالله كامل ماعدا هالنقطه
الله يجزاك خير ويوفقكم