السلام عليكم ورحمة الله وبركآته ،،
صبآحكم / مسآئكم هدووء وطمأنينة <~ الأخت كآنت مخروشة ومرعوبة :gap:
-
-
-
أبشركم الحمد لله ، اليوم الأثنين الساعة 12 منتصف الليل كان موعد تدقيقي ، وتم على أحسن حآل :)
طبعآ رحت ع الموعد تمام ، وبصرآحة تمنيت لو رحت قبل الوقت بنص ساعة او ربع على الأقل ..
لأنه هذا بيسرع إجراءاتك أكثر وبتطلعين أبكر من الوقت اللي توقعتيه _
الموهيم ، توجهت لفندق مداريم كراون بالرياض وخشينا انا وأخوي سيدآ ع الفندق < ماعندنا تفاهم :yay:
الاستقبال كرشونآ وقالوا روحوآ خلف الفندق تلاقون مقر التدقيق
أحم ، طبعنا سمعنا الكلام واتجهنا هنآك
دخلت المقر ، ودخلت الصالة ولقيت عند باب الصالة
أوراق فيهآ أسماء معلنة .. قعدت أدور أسمي ... وآخيرا لقيته !
دخلت الصالة وألاقي ثنتين يرحبون فيني ويقولون لقيتي أسمك .. قلت أييييه :happy:
قالوا تفضلي عند هذي الطاولة < فيهآ موظفتين .. ووريهم الجوآز
رحت وشافوا جوآزي وبحلقوآ بوجهي :blush:
بس والله كانوآ عسسل ومبتسمآت ومنظمآت وكل شيء تمآم ..
قالت لي خذي هذا الملف وشرحت لي كيف ارتب أوراقي اللي كانوا طالبينها والصور بس مو الأصل
حسب قائمة الوثائق بالورقة اللي عطوني اياهآ
وكمان التعهدات أوقعهآ وفعلآ .. اتجهت للكنبآت ، ورحت ارتب أوراقي وأعبي الخآنات اللي قالوا عليهآ
ملحوظة كبيرة: تكفوووون جيبوا معاكم قلم نآشف .. انا كنت جايبة قلم سائل ووهقني لأني عقب ماعبيت البيانات ،
انمسحت شوي :( .. بس مشى حالي
الموهيم ، لما خلصت .. قالت لي الموظفة روحي للطاولة الثانية < كان فيها موظفتين برضه :p
رحت لهم وشافوا ترتيب الاوراق وعطوني رقم من حقت الارقآم هذي < افهموهآ عاد :nosweat:
رحت عند الطاولات والكراسي أنتظر يجي رقمي ..
وكان فيه بنات والله ماعليهم ، فأنتظرت مدة لحد ماجاء رقمي
بعدهآ رحت عند الطاولة الأخيرة وشافت الموظفة الأوراق وقامت تطابقهآ مع الأصل من عندي
السجل والإفادة لان ماعندي وثيقة وبطاقة العائلة والجوآز وبس
آخر شيء عطتني ورقة "سند تسلم ملف متقدم" < اسمها كذا :D
وقالت .. خلاص حبيبتي ، خلصتي < آنا طايرة بوهتي ، هاه !! ماصدقت اني فعلا انتهيت :sweatingbullets:
قلت لها ابي استفسر عن كم شغلة ..
قالت لي تفضلي عند هذي الطاولة < طاولة مستشارة وزراة التعليم العالي
ورحت لها وسدحت لها اسئلتي وجاوبتني الحمد لله
وتم بحمـد الله وشكـرهـ
عقبآلكــم جميعــاً
وعقبالنآ كلنآ بالقبول النهآئي
اللي عنده استفسار وأقدر أفيده ، يتفضـل
^_^
ملحوظة: من كلام الموظفة / اللي عنده مايثبت أنه عنده لغة انجليزية تمام ومهارات الحاسب الآلي .. يعفى من الدورات الإلزامية .. بس أهم شيء يكون عنده شيء يثبت ، يعني شهآدة ! ^^
وو .. لا تنسوآ القلم الجآف او النآشف P: