تجمع مبتعثين اهل الرياض نتحاور عن تدققينا يوم الخميس قبله وبعد مانرجع ان شا الله

السلام عليكم

وكل عام وانتم بخير والله يجعله رمضان مبارك يارب

الله الله بالصلاه والتروايح ياحبيلكم ههههههههههههه

الحمدلله وما شا الله جاتني رساله من الوزاره اني رشحت مبدئيآ وقالوا التدقيق يوم الخميس 9/ 9

واليوم الحمدلله خلصت الابلكيشن تبع الجامعه الاجنبيه وماتوقعت انه سهل والله اني دلخه شايله همه وكل يوم اقول بكرا بعبيه عبالي مشوار خخخخخخخخ

المهم نبي نتجمع هون نعرف شالمطلوب وتجارب اللي دققوا قبلنا بليز ساعدونا

وجاني ايميل من الوزاره عن الاوراق المطلوبه يقولون :::


1) طباعة نموذج طلب الابتعاث من الموقع الإلكتروني والتوقيع عليه.



2- تتعبئة نموذج طلب الالتحاق بالجامعة من الموقع الإلكتروني للوزارة والتوقيع عليه.




3- ورة جواز سفر مستقل وساري المفعول لمدة لا تقل عن سنة على الأقل، مع الأصل للمطابقة.




4- صورة واضحة لوثيقة الهوية: ( بطاقة الهوية الوطنية أو دفتر العائلة للمبتعثة)، مع الأصل للمطابقة.




5- تعبئة نموذج موافقة ولي الأمر (للمبتعثات).




6- صورة من وثيقة التخرج للمرحلة الأخيرة باللغة العربية إذا كانت صادرة من جامعة عربية، مع الأصول للمطابقة.




7- صورة من وثيقة التخرج للمرحلة الأخيرة باللغة الإنجليزية.




8- صورة قرار معادلة شهادة المرحلة الأخيرة إذا كانت صادرة من الخارج.




9- إفادة بالتخرج للطلبة المتخرجين هذا العام.




10- صورة من السجل الأكاديمي باللغة العربية إذا كان صادراً من جامعة عربية، مع الأصل للمطابقة.




11- صورة من السجل الأكاديمي باللغة الإنجليزية، مع الأصل للمطابقة.



وانا للحين اموري ماستقرت بس الله يهونها يارب

بروح اليوم الصباح للكليه بخلص كم شغله والله يهونها يارب

سؤال بسيط بالابلكيشن انا لسى توصيات ماجبت الا وحده وكتبت اسم الدكتوره واسم جامعتي لازم اعبي الباقي ولا تكفي وحده؟؟

لان لازم نطبعها ونجيبها

ووش الافضل بالنسبه لسؤال السكن احط علامه انه يساعدوني في ترتيبات السكن او ماحط؟؟

ومشكورين

يلا اتمنى نجي هون نتساعد يا اهل الرياض وهل الموسى بيكون متواجد هناك؟لان ابي زوجي يكلمه بخصوص تأجيل بعثتي لين يخلص زوجي


والله يسهل علينا يارب ووان كانت هالبعثه لنا خير وسعادهـ تيسرها لنا وتريحنا فيها وان كانت شر الله يبعدها عنا ويرضينا بهالبعد :dry:

بتوفيق يالدانة
كان ودي أنضم لكم (تدقيقي يوم الخميس الساعة 3)
لكن بنسحب
والتوصيات مو بلازم في التدقيق كلام أختناندى
أشياء جبتها وما طلبوها ولا جابوا خبرها اصلا :

1 - ابوية المسكين برا صلخته الشمس قريت بواحدة من مواضيع الوسوسة انه لازم محرمك وجبته ولا اصلا سألوني عنه
2- جواز ابوية وبطاقة احواله ولا سألوني عنها كمان
3- التوصيات ما طلبوها ولا شافوها <- بس جيبوها من الآن عشان الجامعات
4- السيرة والسلوك ولا احد حولك ايضا




أنشاء الله تسمعونا الاخبار الطيبة

بالتووفيق للكل


=)

افا سما ليه ياقلبي

حتى انا سالفة المحرم لسى ماتأكدت منها بس قالوا بتسهل والموسى يمكن يأجل

اصبري فديتك

اخوي سعود الله يجزاك خير نبي من هالدعوات

أهلين يالدانة
مو سالفة المحرم طالعة بسحبة وين ماتروحين
فاقلت من قصيرها أجلس أحسن
وكيف الموسى بيئجل (اقول ماعندي محرم )
أذا كاتبين جواز المرافق بتدقيق

يعني ماعنددك محرم خير شر؟؟

ايوه سالفة المحرم هلكونا فيهاااا الله يعينااا بجد وانا خايفه من سالفة الغربه وانا وحده خوافه وماتأقلم بسرعه بس حنا نقول الله يكتب لنا الخير فيها وان كانت شر يبعدها ويرضينااا

الله يوفقك ياقلبي وتكملين ماجستير ودكتوراه بدولتنا انا لو ماحصلت لي بكمل هون والحمدلله

مااشوف بنات مقدمين على بكالوريوس كثير .. الا نادر :(

حسيتني شي غلط :( ..

..
فيه احد بكالوريوس وبالرياض راح للتدقيق ؟

وفيه احد دخل معلومة غلط . بس الاختلاف جدا بسيط و مشوه ؟

التحصيلي انا 74 .. وحطيت 75 .. اتخيل وجهي وهي تقولي انتي 74 مو 75 ليش دخلتي 75 :dead1:!!
وش ارد بالله ِ ؟
مع انه درجاتي الثانيه كلها كويييسه الحمدالله و مدرستي برضو قويه مو خرابيط عشان ممكن يشكون .. بس هالتحصيلي حاسني

من جد مدري وش اسوي :/ افكر اخلي ابوي يروح من عند الرجال احسهم اسهل و الطف !

هلا شهد مادري الاغلب ماستر مقدمين

وبالنسبه للغلط قولي عادي بصلحه غلطت ولو ابوك يقدر خليه يوديه احسن

يعني اقدر اخلي احد يدقق بدالي؟؟

امممم اللي اعرفه محرمك من اب او اخ او او يقدر يدقق بدالك عند الرجال طبعا وهالشي اكيد .. بس مدري اذا احد غيرهم يقدر او لا

والغلط اساسا كان من شروط التقديم ان التحصيلي 75 و فوق .. فـ اللي خايفه منه انا انها تقولي انتي 74 وبكذا ماتنطبق عليك الشروط :(

لا مو خير شر يالدانة عندي أخوي ولا راح أفضل مصلحتي على مصلحتة
لو هو حلم العمر لازم أرعي الظروف ولا هو ماعندة مانع اروح الوحدي
بتقولين يجلس شهر ويرجع مستحيل