المشاركة الأصلية كتبت بواسطة وديـــــــان
مشكور يا احمد السبيعي
بس عارف المشكله مو فيا انا ممكن اختبر
وادرس وكل شي
لكن المشكله في بابا
يعني هوا ممكن يدرس برا لكن هنا
والله لو عيون اهلي تطلع
ما رح يدرس هنا
الله يوفقك تسلم
اول شي انتوا قلقانين ليش مكبرين الموضوع هدوا وروقوا
انا راح اقول لك الناس العاديين الي مو طب يروحوا بلد الابتعاث ويدرسوا هناك ويختبروا براحتهم عادي
اما بدام حالتكم من هنا برضوا عادي
اول شي هم المحرم لا تشيلي همه ابدا ابدا هذا المحرم او المرافق عبارة عن انسان مرافق فقط لا غييييييييييييير ولا عليه اي مسؤوليه غير انه مرافق راح افصل لك
مثلا واحد وزوجته مرافقه معاه عادي لو راحت لوا تعرف ولا حرف انجليزي مافي احد راح يكلها ولو جلست ونامت في البيت مافي احد راح يكلمها ولو درست في المعهد وقالت لا خلاص ما ابغا بطلت عادي برضو
في حالتك نفس الكلام
ابوكي الله يخليه لكي عادي يبغا يدرس ما يبغا مع نفسه براحته مافي احد يجبرة على شي مرررررررررة
يبغا يدرس شهرين ويبطل ما يبغا يدرس من اصله عااااااااااااااااااااااااادي اهم شي انه مرافق معاكي ومحرمك مهمته انه يرافقك مو يدرس او يجيب درجه معينه
بس له الخيار انه يدرس لو يبغا مو اجباري
اما بالنسبه لحالتك فهي عاديه زيك زي غيرك روحي اختبري مشي الحال الحمد لله ما مشي الحال خذي الدورة وشدي حيلك فيها
وانصحك وبشده انك تبدئي من دحييييييييييييييييييييييين من بعد قرايه الرد دا تبدئي تزبطي امورك في الاختبار
والتزبيط بعدة طرق في مليون طريقه وطريقه
مثلا راح اعطيكي بعض الحلول الحلوة وانصحك بيها
اول شي في دورات انجليزي في مواقع على النت مررررررررررررة ممتازة وبروفشنال شي بطران مرتب وسعرها شي رمززززززززززي جدا جدا جدا اعرف موقع ب 64 دولار مثلا الشهر بس شي مرة ممتاز يختبرك ويحطك في ليفل وتقدري تغيري اللفل عمان عادي وميزته اون لاين وانتي في البت تذاكري وتدرسي وتحلي واجبات وتقدري تتكلمي في كلاس وعادي وترسلي واجباتك للمدرسين ويصححوها ويرسلوها لكي عادي
و24 ساعه زي ما تبغي تجلسي تفحطي في الموقع مافي احد بيقول لك لا انتي وشطارتك يعني
وعلى فكرة في بومو في الموقع دا عبارة عن اي احد مشترك في الموقع ممكن انه يعزمك على الموقع وتاخذي شهر بلوشي والي عزمك الي هو انا مثلا اخذ كمان شهر مجاني بس انا ما جربت اعزم ما ادري هوة من جد ولا نصبه
عموما الموقع تقدري تسجلي فيه ماعندك مشاكل ويعطوكي 7 ايام تجربه لو ما عجبك ممكن تكنسلي وما يخصموا عليكي ولا ريال
طبعا لازم فيزا للتسجيل ممكن اذا ما عندك فيزة ابوكب ولا اخوكي ولا اي احد عادي
هذا بالنسبه للانجليزي بشكل عام ونفس الموقع فيه دورة توفل وتويك بس مافيه ايلتس طبعا التوفل والويك تدفعي عليهم مبلغ بسيط كمان اظن 15 دولار مده شهر يعطيكي اكسس
اما بالنسبه للالتس عندك خيارات عديده
منها انك تروحي مكتبه جرير تشتري الكتب وملييييييييييييييييييييييييييييييييييييييييييييييي ييييييييييييييييييييييييانه هناك
طبعا في ملاحظه بسيطه على الكتب الكتب كل كتاب وراه شرح لمين دا الكتب ينفع والدرجه المطلوبه في الاختبار
طبعا لا تنسي الالتس نوعين فيه اكاديمي وفيه العادي انتي راح تاخدي الاكاديمي
وبالنسبه للكتب طلي من ورا الكتاب يقول لك هذا الكتاب للناس الي تبغا تجيب من 6 الى 7 مثلا
فيه كتاب تاني للي يبغا يجيب من 5 الى 6 يعني صعوبه الكتاب تختلف من مستوى لمستوى
هذا بالنسبه للكتب
للدراسه عاد انتي حرة
ممكن تسجلي في المعهد السعودي البريطاني عندهم دورات التس بس يعني متخصصين في الاتس مدرسين واختبارات ووو بصراحه ما جربت اني اروح عندهم بس اعرف انه عندهم دورات متخصصه في الشي دا
والمعاهد كثييييييييييييييييييييير في جدة ما اعرف بصراحه الا دا الي فيه دورة التتس بس اسالى ومن سال ما تاه
وفي طريقه تانيه انك تدرسي لحالك
والطريقه الاخيرة ممكن تجيبي لك مدرسه في البيت عاد انتي وطريقتك الي تناسبك
بالنسبه للموقع حق الانجليزي اسمه
Englishtown - The World's Leading Online English School
هذا الرابط حقه
وفي رابط تاني حق الكتب حقت الالتس
ممكن ما تروحي جرير ولا تخسري نفسك تنزليها اون لاين هذي كتب الاختبارات يعني كل كتاب فيه 4 اختبارات تقدري تطبعيها وخلاص توفري شويه فلوس
http://www.mbt3th.us/vb/forum107/thread178073.html
طبعا الموضوع لاخونا كندي متغطرس
وعلى حسب كلام الخبرا ينصح بلكتاب 4 و 5 و6 و7 لانها هي الجديدة
من 1 الين 3 هذي الكتب حقت الاختبار القديم لان الاختبار الي فهمتوا انه اتغير او تغيرت طريقته
اي خدمات يا دكتورة شوفي عاد لمن تسيري دكتورة ابغا اجي الكشفيه ببلاش من دحين بدات المصالح ههههههه
وعلى فكرة ما اعرف فين مكان المعهد السعودي البريطاني في جدة اعرف حق الاولاد في طريق المدينه ورا بالم بيتش لاصق في الجامعه العربيه المفتوحه اما البنات والله ما ادري
بالتوفيق ولا تنسي الكشفيه ببلاش
زحلطن August 18th, 2010, 05:15 AM
انا راسلت الوزاره عن اختبار الايلتس ..
وقالولي الاختبار راح يكون هنا !
واللي مايمشي فيه يدخل دورة لغة والدورة راح تكون هنا ايضا
حاولي تستعدين للاختبار من الحين ..
بالتوفيق ..