الأعضاء الإشتراك و التسجيل

الملتقيات
ADs

أنهيت تدقيقي في ميريديان جدة + سألت عن شي يهم البعض :)

أنهيت تدقيقي في ميريديان جدة + سألت عن شي يهم البعض :)


NOTICE

تنبيه: هذا الموضوع قديم. تم طرحه قبل 2717 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية بنت أخلاق
    بنت أخلاق

    مبتعث مستجد Freshman Member

    بنت أخلاق الولايات المتحدة الأمريكية

    بنت أخلاق , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى PSYCHOLOGY , بجامعة جامعة الملك عبد العزيز
    • جامعة الملك عبد العزيز
    • PSYCHOLOGY
    • أنثى
    • JEDDAH, JEDDAH
    • السعودية
    • Jun 2010
    المزيدl

    August 17th, 2010, 08:38 PM


    السلام عليكم ورحمة الله وبركاته

    اليوم كان تدقيقي في جدة الساعة 4 العصر
    وخلصت خلال 18 دقيقة بالضبط

    أدري انكتبت موضوعات كثيره عن التدقيق
    بس لازم التذكير بشكل سريع

    الوثائق المطلوبة نفسها اللي في الايميل بدون زيادة أو نقصان
    بالنسبة للسجل الأكاديمي بالعربي اللي ما عنده مو ضروري ويكفي اللي بالإنجليزي
    الوثائق المطلوبة لازم تجيبو منها نسخة مصورة + الأصول عشان المطابقة
    ممنوع ممنوع ممنوع التدبيس والتخريم
    التواريخ في أي وثيقة ما تفرق لو مكتوبة بالهجري أو الميلادي
    وبالنسبة لورقة التعهدات اللي تاخذوها أول ما توصلو اقرأوها كويسسسس عشان مو شرط تكون كل التعهدات خاصة فيكم ،، وقعو بس على التعهدات اللي تخصكم

    الشي اللي سألت عنه ،، < طبعا سألت عشان خاطر عيون صديقتي
    رحت للمشرفة وسألتها ايش المطلوب في حالة وفاة الوالد
    طبعا قالت لازم صك الوفاة وصك الإعالة < يعني الشخص اللي ينفق عليكي
    ولو كان الشخص المسؤول عن الإعالة هو اللي حيروح معاكي (محرم) ما تحتاجي صك وكالة
    صك الوكالة متى تحتاجيه ؟
    لما يكون الشخص اللي حيسافر معاكي مو نفس اللي يعيلك
    مثلا
    لو عمك المسؤول عن الإعالة لكن أخوكي هو اللي بيسافر
    يجي عمك يسوي وكالة لأخوك
    طبعا هذا كله في المحكمة
    ولو مثلا كل أوراقك جاهزة ما عدا صك الإعالة والوكالة
    عادي روحي في موعدك واشرحي وضعك
    وعموماً ،، اللي ناقصته أي وثيقة عنده مهلة يجيبها إلى يوم الإثنين الجاي < هذا في جدة ما اعرف عن باقي المناطق
    بس طبعا لازم يعطي اللجنة خبر

    هذا باختصار ما حدث

    وأي أسئلة أنا حاضرة


    ملاحظة يمكن تضحككم > لما رحت أسأل المشرفة قلت لها أول شي: ممكن آخذ من وقتك شويه وأسألك؟
    جلست تضحك وقالت المقدمين ع المرحلة السادسة أكثررررررر ناس يسألوا مقارنة بالمراحل السابقة هههههه
    ما حبيت أقولها ـ عقدتونا ـ

  2. ملاحظة يمكن تضحككم > لما رحت أسأل المشرفة قلت لها أول شي: ممكن آخذ من وقتك شويه وأسألك؟
    جلست تضحك وقالت المقدمين ع المرحلة السادسة أكثررررررر ناس يسألوا مقارنة بالمراحل السابقة هههههه
    ما حبيت أقولها ـ عقدتونا ـ


    ههههههههههه من جد عقدونا
    جزاك الله الف خير والله يطمنا بالقبول النهائي يارب...
    7 "
  3. ـهههههههههههههههههههههههـ والله من جد عقدونا
    الله يعطيك العافية
    وأنا أبغى أزيد إني رحت عمادة القبول والتسجيل بالجامعة (بجامعة الملك عبدالعزيز ) وقالي مدير الشؤون التعليمية إحنا
    كشف الدرجات الي عندنا بس إنجليزي قمت عشان اتأكد رحت للمرديان وقابلت واحد من الأخوان المشرفين وسئلته
    عن الإفادة وقالي وثيقتك تغني عن الإفادة والسجل بالإنجليزي يكفي ويغني عن العربي *
    والله يكتبلنا القبول جميعا
    7 "
  4. المشاركة الأصلية كتبت بواسطة *MAY
    ملاحظة يمكن تضحككم > لما رحت أسأل المشرفة قلت لها أول شي: ممكن آخذ من وقتك شويه وأسألك؟
    جلست تضحك وقالت المقدمين ع المرحلة السادسة أكثررررررر ناس يسألوا مقارنة بالمراحل السابقة هههههه
    ما حبيت أقولها ـ عقدتونا ـ


    ههههههههههه من جد عقدونا
    جزاك الله الف خير والله يطمنا بالقبول النهائي يارب...

    آميـن يارب ،، الله يسمع منك
    7 "
  5. المشاركة الأصلية كتبت بواسطة Dr.Nada
    هههههههههههههههههههه

    عقدونا بس الا خبلوبنا

    يسلموو ياعسل والله اني شفتها امس شويا وتلطم من الاسئلة هع
    الله يسسسسسسلم قلبك
    عارفه إيش احلى شي
    لما تجي وحده تسألها سؤال ،، وبعدها تجي وحده ثانية تسأل نفس السؤال < الحرمه تمسك راسها هههههههه
    7 "
  6. المشاركة الأصلية كتبت بواسطة LiFo AlItTiHaDi
    ـهههههههههههههههههههههههـ والله من جد عقدونا
    الله يعطيك العافية
    وأنا أبغى أزيد إني رحت عمادة القبول والتسجيل بالجامعة (بجامعة الملك عبدالعزيز ) وقالي مدير الشؤون التعليمية إحنا
    كشف الدرجات الي عندنا بس إنجليزي قمت عشان اتأكد رحت للمرديان وقابلت واحد من الأخوان المشرفين وسئلته
    عن الإفادة وقالي وثيقتك تغني عن الإفادة والسجل بالإنجليزي يكفي ويغني عن العربي *
    والله يكتبلنا القبول جميعا
    ويعافيك خيو
    اليوم المدققة قالت إن السجل العربي كان إجباري أول شي
    بس بعدين طلاب وطالبات عزوز سوولهم مشاكل هههههه وقالت خلاص اكتفينا بالإنجليزي
    7 "
  7. المشاركة الأصلية كتبت بواسطة يا رب بعثة
    الله يوفقكم يارب
    وعقبال القبول النهائي
    أحس اني قاعدة على جمر كل الناس خلصو
    وأنا لسى موعدي يوم 11 ^_^
    ويوفقك يا عسل ،، وبإذن الله كلنا مقبولين
    ومو بعيد موعدك ،، صاحبتي موعدها يوم 12
    وبعدين حلو تستفيدي من خبرات اللي قبلك
    7 "
  8. ماشاءالله عليك ..

    الله يسهلك القبول ..

    الله يستر المشكله أوراق الترجمة عندي مخرمه في أقصى الزاويه اليمنى ومدبسه بطريقه قويه يعني مافي مجال تتفك , التدبيس اللي على شكل دائرة ..

    لكن اخذت احتياطي من اول , صورتها وختمتها من الجامعه ...

    بالتوفيق ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.