دوبي رجعت من التدقيق ،، واستفسرت عن اشياء يجهلها الكثييير ،، ضروري الكل يدخل
السلام عليكم
حبايبي دوبي رجعت من التدقيق في فندق المريديان بالخبر
وقبل مابدأ بس حاب اقولكم تعاملهم كان جدن جدن راقي ،، حبيتهم والله
طبعا بالبدايه روحتي للتدقيق كانت بس للإستفسار ،، حتى شهادة الثانويه الاصل ماكانت عندي ،،
لأاني حطيت ملفي في جامعة الملك فيصل طب ،،
المهم دخلت على مدير المركز سألته ، قلت ياغالي انا مقبول بجامعة الملك فيصل ، تضمن لي ابتعاث وتلبي لي رغباتي في التخصص والدوله ،، قالي لا
قلت كيف كذا وشسوي انا الحين ؟؟ ابي بعثه ومابي اضحي
قالي لو اختبرت الــ IETLS وجبت فيه 5 او فوق اضمن لك كل اللي تبيه
دخل واحد بالعرض قال طيب انا اختبرت IELTS وجبت فيه 6
في هاللحظه مدير المركز حط يده على صدره وقال :انا أضمن لك الابتعاث بالدوله اللي تبيها والتخصص اللي تبيه
وراح يقول للمسؤولين ياجماعه هذا لا يروح منكم لازم يتبعث
وقال درجاتك بالثانوي والقدرات والتحصيلي بمجرد انها تستوفي الشروط ،، وجايب في الـ IETLS 5 او فوق ،، خلاص اضمن نفسك بأي مكان
لأانه الجامعه الاجنبيه اللي بتقدم لها ماراح تشوف شهادتك الثانوي او القدرات او التحصيلي لأانهم مايعترفون فيها اكيد ، بس يشوفونك جايب درجه عاليه بالــ IETLS راح يدخلونك تخصصك اللي كتبته في استمارة القبول للدول الاجنبيه
واضاف مدير المركز قائلا :) : شباب اللي مقبول في جامعة بالسعوديه انصحه يجلس فيها ولا يجازف
واللي فهمته من كلامه ان اللي جايب 90 بالثانوي و70 بالقدرات و75 بالتحصيلي يعني كل درجاته ع الحفه بس جايب 5 او فوق بالـ IETLS هذا يضمن الابتعاث في المكان والتخصص اللي يبيهم ،، ويفضلونه على اللي جاب 90 بالقدرات والتحصيلي والثانوي
اختبار الـ IETLS هو اللي يحدد كل شئ
والله شئ يقهر ،، لو ادري كان اختبرت هالأختبار من بعد اختبارات الثانويه على طول
المهم وانا طالع عطاني ورقة تاجيل موعد التدقيق وأجلته الى يوم الاحد
وبشوف اذا بسحب اوراقي ولا لا والله مدري
موفقين جميعا
رد: دوبي رجعت من التدقيق ،، واستفسرت عن اشياء يجهلها الكثييير ،، ضروري الكل يدخل
طيب ليش ما يخلونا ناخذ دورة لغة برا بدولة الابتعاث
وبعدين نختبر الايلتس
والله قهر
والماجستير طلباتهم اسهل مننا
وليش خصصوا الطب بالذات في الايلتس يكون من السعودية
الله يكون بعوني وعونكم
رد: دوبي رجعت من التدقيق ،، واستفسرت عن اشياء يجهلها الكثييير ،، ضروري الكل يدخل
الله يوفقك ويختارلك الي فيه الخير
رد: دوبي رجعت من التدقيق ،، واستفسرت عن اشياء يجهلها الكثييير ،، ضروري الكل يدخل
نصيحة إلي عنده وقت ع طول يفتح موقع القنصلية البريطانية ويشوف اوقات الإمتحان الجزء الأكاديمي ويسجل ويختبر
والله انه سهل وحلو ونتيجته تطلع بعد 13 يوم عمل بالضبببط..صحيح غالي شوي بـ825 والدورات حقه مو بكل مكان يعني مافي بالقنصلية إلي بالخبر بس مررة سهل و راح يفيدك اصلا ماراح يضرك
انا امتحنته وانا لسه بالثانوي قبل نهاية السنة بشهرين وجبت فيه درجة حلوة يعني لغتي تعتبر متوسطة والحمدلله عديته وجبت درجة لا بأس فيها
امتحنوه حتى إلي بروح بلدان ماتشترط امتحان الآيلتس...على حسب درجتك راح تقل فترة دراسة اللغة مثلا جبت فيه 5 يمكن تدرس عشرين اسبوع 6 يمكن عشرة اسابيع وكل معهد يختلف عن الثاني في هالشي بس اصلا مايضر يفيييد
نصيحة إلا يحس لغته متوسطة اقل بشوي من المتوسطة او يمشي حاله.. يروح يمتحنه :)
رد: دوبي رجعت من التدقيق ،، واستفسرت عن اشياء يجهلها الكثييير ،، ضروري الكل يدخل
حرااااااااااااااام
اليوم سحبت ملفي من الجامعة
رد: دوبي رجعت من التدقيق ،، واستفسرت عن اشياء يجهلها الكثييير ،، ضروري الكل يدخل
بس انا طالب المانيا
لازم اختبر بعد هذا الاختبار
علما ان موعد التدقيق يوم الجمعة ؟
رد: دوبي رجعت من التدقيق ،، واستفسرت عن اشياء يجهلها الكثييير ،، ضروري الكل يدخل
حبيبي اللي يقول اختبار الايلتس سهل ،، وااجد سمعتهم يقولون نفس كلامك
بس ممكن تعطيني ع السريع طريقة التسجيل ،، هل اقدر اسجل عبر النت ولا لازم اروح القنصليه بنقسي
لا ياغلا اللي بروح المانيا مايطالبونه بهالأختبار ،، لكن بتدرس الماني وراح تختبر توفل الماني الظاهر او شئ زي كذا
المهم لازم تجتاز اختبار يبين انك متمكن من اللغه اللي بالبلد سواء المانيا او ايطاليا ،
رد: دوبي رجعت من التدقيق ،، واستفسرت عن اشياء يجهلها الكثييير ،، ضروري الكل يدخل
متى نختبر ايلتس قبل السفر ولا بعده ولا من قبل التدقيق ولا ايش؟
رد: دوبي رجعت من التدقيق ،، واستفسرت عن اشياء يجهلها الكثييير ،، ضروري الكل يدخل
سألته متى يبون نتيجه الاختبار ؟
متى اقصى مده يعني !
رد: دوبي رجعت من التدقيق ،، واستفسرت عن اشياء يجهلها الكثييير ،، ضروري الكل يدخل
أنا أخترت اليابان
يعني ما أحتاج هذا الاختبار صح ؟