الأعضاء الإشتراك و التسجيل

الملتقيات
ADs

مهزلة الآيليتس !!

مهزلة الآيليتس !!


NOTICE

تنبيه: هذا الموضوع قديم. تم طرحه قبل 4970 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية tioooit
    tioooit

    مبتعث مجتهد Senior Member

    tioooit بولندا

    tioooit , ذكر. مبتعث مجتهد Senior Member. من السعودية , مبتعث فى بولندا , تخصصى Dentistry , بجامعة University of Wroclaw
    • University of Wroclaw
    • Dentistry
    • ذكر
    • Warsaw, polska
    • السعودية
    • Jul 2010
    المزيدl

    August 20th, 2010, 02:55 AM

    اليوم رحت التقديق ومشت اموري زي اللوز وكل اللي قابلتهم الحمد لله زي اللوز

    ما عدا هذا المستشار حقهم اللي شايف نفسه على أيش ما ادري ؟

    انا في البداية كنت صاف سرا ولاحظت من أسلوبه الإنحطاط الخلقي والنظرة الدونية

    لدرجة إن فيه شايب مسكين على قد حالته جاي يخلص أوراق بنته قاله روح صف سرا

    الشايب حاول يقوله صف سرا ولا اطلع برا لا تضيع وقتي ما عندي الا انت شوف البجاحة

    لما جيت عنده جيته بنفس أسلوبه اقسم بالله انه مشا معي زي الحلاوة وقام يظحك معي ويسولف معي

    وقالي استرح ومدري اسلوب لكاعه لاني نشبت له في حلقه أنا سألته عن إختبار الآيليتس

    قالي شوف حبيبي عليك بالإمبي سي 2 ترا بتفيدك واجد بالإختبار قلتله ما اتابع افلام بحكم إن فيه لقطات

    ما يبيحها الشرع قام يقولي كلام فاضي ويبربر يقول انت رايح طب ترا منت رايح تلعب

    قلت له معاك في الشي ذا وانا احرص منك في الموضوع ذا قال خلاص معاك شهرين وزود يمديك تجيب اللغة

    اذا بغيت قلتله طيب مافيه مشكلة بعدها فيه معهد لغة ؟ قال لا !! قلتله يعني تعتقد

    إن منهج ثانوية عامة يأهلني إني أدرس بكالريوس قال ياخي هذا طب منت قده لا تخشه

    قلتله لا أنا قده وقدود بس اذا ما عندي لغة شي أكيد ما راح أعدي قال شفت انك منت بقده

    يا دين الله والله ودي انكم تشوفون خشته نظارة وحوله ووجه يقطع الرزق وشايف نفسه

    بعدها جاني بقنبلة الموسم قال بالفم المليان ( أصلا مافيه معهد لغة و سنة تحضيرية ) على طول نطلع

    طلابنا عالجامعة اقول بنفسي جامعة أبوك اللي مطلعني لها ؟ الزبدة انه طال الهرج ورجع ينكت معي

    اسلوب الثعاله وقالي شوف السرا اللي وراك ووالله غبنوني بعض العيال تحس انهم داخلين على نبي

    من الذل

    بإنتظار تعليقاتكم على سمو المستشار
  2. وربي شيء يقهر بالله يعني كيف طآلب ثآنوي ومنهج مخيس في الثآنوية ويبقون نجيب 5 في الأيلتيس !! هذآ وأنآ في معآهد ودورآت !! أنآ كآن طموحي طب بعد مآ سمعت أن اختبآر آيلتيس وغير كذآ الدرآسة بلغة البلد يعني رحت طب الى هولندآ بتدرس اللغة الهولندية وتكمل بالأنجليش يعني شف اللكآعة الزآيدة !!!

    ويآ غلاي انت وش رآح تعمل ؟! رآح تختبر ولا كيف ؟؟
    7 "
  3. والله انا ناوي اختبر أول مره واجرب حظي أشوف كم بجيب وآخذ فكرة عن الإختبار اذا ما عديت

    بأختبر مره ثانية بس بأحضر دورتهم

    على فكرة رسوم الإختبار 825 ريال ((( طيب اذا فيه أحد ظروفه المادية تعبانة هل ممكن يا حضرة المستشار توفر له المبلغ )))

    والدورة اعتقد ب 1025 ريال
    7 "
  4. المشاركة الأصلية كتبت بواسطة abu yagop
    اخوي الله يجزاك خير خلاص لا تضيع وقتك واستعد للاختبار اذا انت قد الطب على قولك ..

    واتفضل هذا الموضوع بيفيدك ان شاء الله :

    http://www.mbt3th.us/vb/forum134/thr...ml#post2141138
    أخوي انا قد الطب إن شاء الله وماني مضيع وقي على موضوع ما خذ مني خمس دقايق

    بس اللي ماني قده 5 من 9 في الآيليتس من منهج ثانوي

    اخوي صارله سنتين بأمريكا جاب 6 من 9

    بعين هذا شرط للقبول في الجامعة مهب المعهدعلشان تتدخل الوزارة

    يعني بالعقل اذا انا بجيب 5 من 9 والجامعة طالبه الدرجة ذي وادخل عالتخصص

    ليه ادرس سنة لغة بعدها ؟؟ طيب أدرس سنة لغة هناك واختبر بعدها مافي مانع

    ماهو بالهمجية ذي معاك شهرين ما تجيب 5 اقعد بالسعودية
    7 "
  5. ^^^

    الايتلس مو عشان تدخل الجامعة

    الايلتس عشان تحصل فيزا الدولة " الدول اللي طالبة هالشي "

    يعني الافضل تختبر عشان تقدر تجيب الفيزا

    لأنك لو ماجبت الفيزا لاسمح الله ماراح يغيروا لك الدولة وتنلغي بعثتك ^^

    ربنا يوفقك يابطل

    وترجع لنا دكتوووور آآآآد الدونيا ..

    وعلى فكرة ترى 5 سهلة مو بديك الصعوبة

    وقدامك من هنا إلين وقت بدايتك في اجراءت الفيزا يعني 5 شهور ع الاقل

    تقدر تخش دورات تأسسك للإختبار


    7 "
  6. المشاركة الأصلية كتبت بواسطة !.. ـمنى الروحـ ..!
    ^^^

    الايتلس مو عشان تدخل الجامعة

    الايلتس عشان تحصل فيزا الدولة " الدول اللي طالبة هالشي "

    يعني الافضل تختبر عشان تقدر تجيب الفيزا

    لأنك لو ماجبت الفيزا لاسمح الله ماراح يغيروا لك الدولة وتنلغي بعثتك ^^

    ربنا يوفقك يابطل

    وترجع لنا دكتوووور آآآآد الدونيا ..

    وعلى فكرة ترى 5 سهلة مو بديك الصعوبة

    وقدامك من هنا إلين وقت بدايتك في اجراءت الفيزا يعني 5 شهور ع الاقل

    تقدر تخش دورات تأسسك للإختبار


    يعني ما ادخل الدولة إلا ومعي لغة انجليزية طيب الدولة تشوف نفسها اول

    لغتها أيش بولندي ؟ كم نسبة المتحدثين باللغة الإنجليزية ؟ قليييييييل جدا

    ليش يشترطون ان عندي لغة ؟ طيب فيه شياب رايحون يتعالجون يروحون يدرسون انجليزي بعدين يروحون ؟

    الدفعة الخامسة الحين يدرسون في معاهد اللغة وللحين ما اخبتروا الايليتس .. كيف طلعوا الفيزا ؟؟
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.