-
محتره و ابي المساعدة
السلام عليكم ورحمة الله و بركاته
كيفيكم ياحلوين عساكم طبييين :wink2:
ومبارك عليكم الشهر الكريم والله يجعلنا من عوداه قولوا امين :60:
صراحه ياجماعه الموضوع و مافيه انو انا بكره موعد التدقيق حقي في جدة و انا صراحه محتاره في امري في اني اروح التدقيق ولا ما اروح :g::upset:
لانو انا صراحه ظروف المحرم معايا شويه صعبه طبعا الوالد رافض رفضا باتا فكرة انو مثلا يروح معايا كم شهر و بعدين يرجع طبعا هو ما يقدر يجلس معايا لظروف العمل و انو ماعنده اجازه
و انا عندي واحد من اخواني بس المشكله انه يدرس في الثانويه في النظام المطور يعني هو يبغاله سنه و ترم و يتخرج ترم اول :music3:
و انا صراحه فكرت في انه موضوع قرار الابتعاث يبغاله وقت يعني ممكن على السنه الجايه الجايه في رجب يطلع القرار وبكدا اخويه يكون خلص سنه ويغاله ترم
فانا قلت انو لو اطلب تاجيل الابتعاث الى ما يخلص اخويه و يطلع معايا بس انا خايفه مايقبولون التاجيل و بعد كذا ما اقدر اقدم على بعثه صراااااااحه انا مرررره محتاره :sad::unsure:
-
رد: محتره و ابي المساعدة
ياهلا اختي
بخصوص تأجيل البعثه ترا في كثير ناس اجلوا
وكمان في نقطه كم عمرك اخوك ؟ لان هالشي مهم
وهم حاطين عمر محدد
فـ شوفي انتي ظروفك مافي احد غيرك يقدر يتأخذ القرار
-
رد: محتره و ابي المساعدة
هو بالنسبه للعمر مافيه مشاكل لانو اخويه جلس سنه بدون دراسه
المشكله انا خايفه من مسألة التاجيل لاني سمعت انو كثرين ما انقبل لهم طلب التاجيل من الوزاره و طلبت الوزاره منهم الغاء الابتعاث وقالتهم قدموا السنه الجايه و بعدين اترفضوا بحجه ان عندهم ترشيح سابق
فالهم اخترلي الخير حيث كان ثم رضني به