الأعضاء الإشتراك و التسجيل

الملتقيات
ADs

مقدم على ماستر تخصص تسويق و دورتي الاحد القادم بالكلية الامنية!!

مقدم على ماستر تخصص تسويق و دورتي الاحد القادم بالكلية الامنية!!


NOTICE

تنبيه: هذا الموضوع قديم. تم طرحه قبل 2650 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية خفايا اسرار
    خفايا اسرار

    مبتعث جديد New Member

    خفايا اسرار السعودية

    خفايا اسرار , ذكر. مبتعث جديد New Member. من السعودية , مبتعث فى السعودية , تخصصى علم اجتماع , بجامعة الملك سعود
    • الملك سعود
    • علم اجتماع
    • ذكر
    • الرياض, الرياض
    • السعودية
    • Aug 2010
    المزيدl

    September 14th, 2010, 12:38 AM

    السلام عليكم ....مدري الموضوع مناسب مكانه ولا لا بس عندي استفسار انا قبلت في الكلية الامنية نهائي وموعد دورتي الاحد القادم تخصصي بكالوريس علم اجتماع قدمت ايضا على ماجستير تسويق التخصص هذا ما اعرف عنه شي وهذا اللي مخوفني منه مدري هل ادخل المجال العسكري وانسى البعثة او العكس صرااااحة انا محتار وخايف من المستقبل لاسباب من اهمها التخصص ومدى احتياجه مقابل وظيفه مضمونه بناء على قاعدة عصفور باليد ولا عشرة على الشجرة
    واحيانا اقول البعثه فرصه وعلى الاقل اكسب لغة وثقافه وارتاح من العسكرية و يمكن ما اتأقلم معها..... كثيرررر من الافكار تدور براسي بحكم عدم ظهور النتائج ولا ادري متى تطلع راح ادخل الدورة الاحد القادم لكن البعثة لا زالت في تفكيري ابي نصيحتكم جزاكم الله خير .
  2. ماشاءالله عليك اخوي مقدم على بكالوريوس وماجستير بوقت واحد!! كيف هذه اشرحها لي
    الشيء الي بيدك ومضمون قدم عليه وكمل فيه,, والابتعاث ان لم يتحقق بالوقت الحالي,, يتحقق بوقت لاحق باذن الله ..
    انت الشي الي تحبه سويه - الاهم انك تنجح في المكان الي تختاره !!!
    7 "
  3. عليكم السلااااااااام

    اخوي اول شي انصحك بالاستخاره واسال العليم الحكيم .

    ثانيا اذا تبي رايي فالوظيفه فرصه جيده اذا ماهي ممتازه في وقتنا الحالي ... وعلى فكره تخصص التسويق بصراحه اخوي انا ما اشوف له مستقبل واعد عندنا بالاخص ومااشوفه تخصص قوي !

    اخيرا ممكن تكتب اسم تخصصك بالانجليزي ؟ اكون لك شاكر

    وان شاء الله الاخوان والاخوات يفيدونك اكثر .

    تحيااااااتي واتمنى لك التوفيق
    7 "
  4. المشاركة الأصلية كتبت بواسطة nonosha
    ماشاءالله عليك اخوي مقدم على بكالوريوس وماجستير بوقت واحد!! كيف هذه اشرحها لي
    الشيء الي بيدك ومضمون قدم عليه وكمل فيه,, والابتعاث ان لم يتحقق بالوقت الحالي,, يتحقق بوقت لاحق باذن الله ..
    انت الشي الي تحبه سويه - الاهم انك تنجح في المكان الي تختاره !!!
    اقصد ان تخصصي في البكالرويوس علم اجتماع وهو اللي قدمت عليه في الكلية الامنية ولا البعثة انا مقدم على ماجستير تخصص تسويق اتمنى انك فهمتي قصدي ....ومشكوررررره على مشاركتك
    7 "
  5. المشاركة الأصلية كتبت بواسطة ENVIRO-MASTER
    عليكم السلااااااااام

    اخوي اول شي انصحك بالاستخاره واسال العليم الحكيم .

    ثانيا اذا تبي رايي فالوظيفه فرصه جيده اذا ماهي ممتازه في وقتنا الحالي ... وعلى فكره تخصص التسويق بصراحه اخوي انا ما اشوف له مستقبل واعد عندنا بالاخص ومااشوفه تخصص قوي !

    اخيرا ممكن تكتب اسم تخصصك بالانجليزي ؟ اكون لك شاكر

    وان شاء الله الاخوان والاخوات يفيدونك اكثر .

    تحيااااااتي واتمنى لك التوفيق
    جزاك الله خير على مشورتك الطيبه ...انا افكر واشوف جامعيين يقدمون على وظيفة جندي و اقول الحمد لله رزقني الله بوظيفه حلوه وكثير يتمنونها في المقابل انا رجال ودي بالبعثه واحب السفر واحب اتعلم بس التخصص ما يشجع لو تخصصي علم اجتماع في الماجستير ولا علم نفس كملت بدون استشاره والعسكرية خاصة في وزارة الداخلية موقفه اكمال الدراسات العليا من فترة والله يعين .
    7 "
  6. الحين فهمت
    لك طريقة !! تروح ابتعاث وتاخذ اللغة وتنجح فيها ,, وتحاول تغير تخصصك الى علم اجتماع او علم نفس ,,انا خريجة علم نفس وافكر اتخصص بعلم النفس لو اتيح لي التغيير الى تخصص (علم نفس )
    حاطة احتمال انه مااقدر اغير تخصصي واكمل بلي اخترته وهو تخصص (التامين) .
    واستشير اكثر من شخص موثق برأيه ,, ولاتفرط بالوظيفة ان كانت جيدة وينسند الظهر فيها

    الله يوفقك ويسهل امرك
    7 "
  7. المشاركة الأصلية كتبت بواسطة nonosha
    ماشاءالله عليك اخوي مقدم على بكالوريوس وماجستير بوقت واحد!! كيف هذه اشرحها لي
    الشيء الي بيدك ومضمون قدم عليه وكمل فيه,, والابتعاث ان لم يتحقق بالوقت الحالي,, يتحقق بوقت لاحق باذن الله ..
    انت الشي الي تحبه سويه - الاهم انك تنجح في المكان الي تختاره !!!
    هههههههههههههههه
    الله يرجك الرجال يقول
    انو معي بكالوريوس اجتماع
    ومقدم على البرنامج ماستر تسويق
    يو اندر ستاند ؟
    7 "
  8. ..

    وعليكم السلام ورحمة الله وبركاته ..

    أولا أحب أبارك لك قبولك في الكلية الأمنية التي من الصعب جدا القبول فيها وكما ذكرت انت سلفا أن كثير من الجامعيين يقدمون على رتبة جندي ولا يقبلون فنحمد الله على هذا القبول واكرر التهنئة من جديد فمبرووك لك هذا القبول

    ثانيا : بالنسبة لموضوع الخيار بين هذا وذاك اتمنى انك تستخير في هذا الموضوع وفي شئونك كلها لما في هذه الصلاة من الخير الكثير ..

    بصراحة اخوي جلست افكر فيما لو كنت مكانك ماذا كنت سافعل :

    راح اختار الكلية الامنية وانا اشوف كذا لانك اذا رحت للكلية على ما اعتقد انك تتخرج ملازم اول ويكون راتبك حلو ان شاء الله وراح تاخذ على ما اعتقد بدل ابتعاث وقت الدورة اللي تتعسكرون فيها ويطلع لك منها مبلغ جامد ما شا ءالله .

    وفي النهاية تقدر تحقق حلمك انك تكمل ماستر في اي تخصص وتبتعث عن طريق مرجعك وصدقني في ناس كثير ضباط جامعيين الحين يكملون ماستر وتكون بهالحالة كسبت العصفورين ان شاء الله ..

    في النهاية أسأل الله لك التوفيق في اي مجال تختاره ..

    تقبل مروري ..



    ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.