بخصوص الفيزا

لمايجيك القبول التاني
طبعا المعهد او الجامعه يرسلولك ورقه ال I-20
تدخل على موقع الاميريكان امبسي وتقدم طلب فيزة طالب كلو مشروح قدامك في الموقع وبالعربي ازا تبغى
المهم تعبي الابلكيشن كامل وتتصور صورة بخلفية بيضا مقاسها 5X5
ويطلبو منك في الموقع تدخل صورتك عشان يشيكو عليها ازا مقبولة ولا لا
بعد ماتخلص منو تسيف الابلكيشن على جهازك وتطبعو كامل
بعدها تدخل على المواعيد وتختارلك موعد
عاد انت وحظت تلقى شي قريب ولا بعيد بعدها تطبع ورقه الموعد
ولازم تسدد رسوم الفيزا اللي هيا 500 وشي مو فاكرة بالزبط كم
ولازم تاخد ايصال بالدقع لبنك سامبا طبعا
انا سددت بالصراف
المهم على حسب موعدك تحجز تكت للرياض والافضل انك تطلع قبل موعدك بيوم
لان انا اخدت موعد 2 الظهر وحجزت في نفس اليوم طيارة للرياض الساعه 7 ونص الصبح والله لايوريك على الخطوط السعودية اتاخرت رحلتي للساعه 12ونص الظهر
بس الله يدية العافية المدير المناوب يومتها اداني ورقه رسمية من الخطوط السعودية برقم الجواز حقي موجه للسفارة الامريكية انو سبب تاخيري عن الموعد هو مشكله في الطيارة ادت لتاخير الرحلة
وربي ستر ووصلت السفارة الساعه 2:05
المهم لما توصل السفارة ياخدو منك الاشياء السائله ويشيكو على ورقه الموعد والجواز والصور وبعدها يدخلوك
الانتر فيو حقي مااخد 5 دقايق
وطبعا تجهز معاك الاوراق المطلوبة حتلقاها في الموقع رتبها في فايل
غير كدا الموظفة او الموظف حيديك فكرة عن مدة استخراج فيزتك وازا كنت حتاخدها ولالا
ويدوك ايصال بالاستلام تروح عند مكتب فيديكس جوة السفارة وتديهم الايصال وتدفعلهم تقريبا 100وشي وياخدو منك العنوان عشان يوصلولك الجواز لما يخلص
وبعد اسبوع استلمت الفيزا والحمدلله
اعتقد كدا كفيت ووفيت

الله يديكي الف عافية يا رب ويوفقك فين مالقيتي وجهك مشكووورة يا نون وكفيتي ووفيتي

مشكوووورة

الف شكر ع الدعوة الحلوة وامين ياااااااارب

مثل ما قالت الأخت الفاضلة نون26,
وايضاً قسم التأشيرات بهذا الموقع ستجد مواضيع تفيدك عن التأشيرة.

ودّي,,,