الدورة الالزاميه لطلاب المرحله السادسة

أنا ضد الدورة الالزماية

نجامل الوزاره؟؟؟؟؟؟؟؟؟؟؟؟؟؟؟؟؟؟؟؟؟ الوزارة ماتحتاج اننا نجاملها لانهم مسوينها عشاننا مو عشانها

ياخي الكريم مع احترامي لشخصك بس كلامك يدل على قمة الاستخفاف بوقت الناس ايش اللي حتى لو فاشله نروح نحضرها

يااخي انا لو دخلت من الان معهد لين السفر ابركلي من اني اروح احضر دورة شهر

الدورة افضل حل انها تكون اختيارية سواء صعبه التطبيق او لا هذا شي راجعلهم لكن انها تكون اجباري

بعدين عشان تكون الدورة ذات قيمة اقل شي 4 اشهر او 5 مو شهر وراح تشوفني اول المؤيدين لها لانها حتكون مفيده جدا

بعدين مع انك استثنيت اصحاب الظروف عندك البنات 90% منهم حيصعب عليهم يجو الدورة لو كانو برا المدن عشانهم ما يسوقو يعني مصاريف مواصلات وتعب

بعدين شوف عدد المبتعثين اللي حيكونو برا المدن عدد ماهو قليل ابدا من اولاد وبنات

يعني الدورة ام شهر سلبياتها وتكلفتها تتعدى ايجابياتها هذا مقصدي

لكن لو كانت ايجابياتها اكبر من تكلفتها وسلبياتها كنت راح اوافق عليها

الوزارة ما قصرت عملت دورة وتبغى تساعدنا على عيني وراسي لكن يعملو شي زي الاوادم ايش اللي شهر لغه كان ما احتجنا ندرس انجليزي 6 سنوات في المدرسة لو انها تجي في شهر وياريت فلحنا كمان ههههههههههه

بعدين لو انت ابيض في اللغه حتى برا في امريكا يقولك اقوى واطلق معهد بالقوة يعطيك 30% من دراسة اللغه و70% عليك فما بالك انتا ابيض مثلا وكمان حتدرسها هنا مو في بلدها والمده اللي هي اساس اختلافنا كلها شهر !!! يعني التحصيل شي لا يذكر... والدليل انهم يفكرو يلغوها ومترددين...

دورة لمدة شهر تفيد واحد عنده اساس في اللغه ومستواه متوسط ويجي يراجع خلال شهر عاللي يعرفه بس مو واحد يبدأ من الصفر

هذي وجهة نظري .. واكيد في معارضين.. عشان كذا حل الاختياري يرضي كل الاطراف..

بعدين حبايبي دولة زي دولتنا ما يصعب عليها شي الحمدلله حالنا ممتاز اللي يسمعكم يقول صارفين يادوب على الحافه..على اسوء احتمال ياخذو كم مليار من الكورة

الله يديمها نعمه... الحديث يطول بس كذا كفايه احس ريقي نشف بروح اشرب مويه

ردك تمام تمام اسمح لي ارفع لك القبعه

او بالمعنى الاصح العقال <<<<< احس اني بضربك

مؤيدة وان شاء الله تستمر
وبالنسبة للي رافضينها المفروض تنعاد صيغة الطلب ويقولوا نُعفى منها
عشان لو ماتساعدهم ظروفهم انهم يجوا للمدن اللي فيها الدورة
ياخذوها بمعاهد خاصة وبكذا بقية الطلاب يستفيدوا وكفاية انهم يتعرفوا على بعض في الدورة


لق لق لق لق

انا اؤؤييد وبشده وموافق على اقامتها ........لانني انا المستفيد الاول والاخير

وثانيا ..من رأيي الشخصي ..الموافقه والسبب الرئيسي لكوني ميح في الانجليزيه ....

واختلاف الرأي لا يفسد للود قضيه

أنا مؤيد لها
أفضل من إن نقعد فاضيين
ومالها أي ضرر جانبي
بالعكس وأتمنة إن في هالسنة يدرسو كل الطلاب ومايعفو أحد الا ادا عنده عذر فعلاً يكون قاهر

لك جزيل الشكر على الطرح
وانا بالنسبه لي مؤيد 100%
بس عندي سؤال؟؟
وين اماكن الدورات؟؟وهل يوجد لها مركز بالجنوب؟؟
أتمنى الرد بأقصى سرعه

ماشاءالله باينه اللغه العربيه ..

للاكمال القراءه = لإكمال القراءة << كيف ماينفع نفتح مدرسه خاصه جديده للغه العربيه..

مره أنرفز صح؟ لووول

هههه انقلب الموضوع لسخرية وكل واحد يرمي على الثاني
خلاص يا بنات وخلاص يا شباب اللي مؤيد لها ان شاء الله تكون الزامية عليه واللي مايبغاها ان شاء الله تتلغي منه اهم شئ ان شاء الله الكل مقبول والابتعاث للجميع