1- هل الوزارة سوف تجعل زوجك مبتعث معكي قبل ذهابك من السعودية ، حيث ان مكآفئة المبتعث تفرق عن مكآفئة المرافق ، المبتعث يأخذ 1847 دولار بما يعادل 6900 ريال ، والمرافق يأخذ 977 دولار بما يعادل 3660 ريال اللي . سمعته من اللي اعرفهم انه اذا لقى له قبول يصير مبتعث على طول
في مثل هذه الامور يجب عليكي ان تبتعدي عن اذاعة يقولون وسمعت وقالوا لي ، في شي اسمه وزارة التعليم العالي يذهب زوجك عندهم ويستفسر عن جميع الامور التي يريدها .. وهذا الموقع فقط لتبادل الأراء فقط .
اليوم انتي ممكن سمعتي وبكره يكون الي سمعته قد تغير .
تصريح العطية ما كان السنة الماضيه ، السنة هذه جاء التصريح ولم يتبع التصريح اي تعليقات . وهذا هو الخبر :
أكد معالي نائب وزير التعليم العالي الدكتور علي بن سليمان العطية، أن من ذهب مرافقاً لمحرمه من اجل الحصول على فرصه للدراسة ضمن برنامج خادم الحرمين الشريفين للابتعاث الخارجي فنحن نرحب به لكونه مكسباً للوطن ويساهم في دفع عجلة التنمية في البلاد.
طيب كلام جميل طيب ليه ما قال ايضا ونعتبره مبتعثا وليس مرافقا طالما اراد ان يكمل مسيرته التعليمية ، لان هو يدري ان الكلمة هذه لها ظوابط وفيها زيادة المكافئة من مكافئة مرافق الي مكافئة مبتعث .
خلود 2010 September 24th, 2010, 04:55 PM
7 " مشكوووووووره على تواصلك معي على هذا الموضوع المحير
ولكن انا اعرف وحده من قريباتي تدرس وقالت لي هالكلام
ووحده ثانيه اعرفها وهي بتروح مع زوجها وبتلتحق بالبعثه وتصير مبتعثه على طول اذا حصلت لها قبول بالجامعه
sweeeeet September 24th, 2010, 06:09 PM
7 " صعب ان أنصحك بقرار مثل هذا لأن أنا مادري هل راتب زوجك الأساسي هو فوق الـ10 آلاف ولا هذي هي البدلات
لأن عارف في شغلات في السعودية الراتب الأساسي يكون 2500 لكن البدلات من كثرتها يوصل إلى 10000
إذا كنتي تقصدي الأساسي فوق العشرة فأفضل انه يبقى هنا<<على حسب الشغلة بعد لأن في شغلات سبوع دوام و3 أيام اجازة ومايرجع البيت أبداً<<تعذيب لكن يحصلو فلوس من وراها
فإذا كان مثل كذا فلا يروح بعثة وان شاء الله يحصل بعدين شي أفضل
واستخيري بعد
تحياتي
musicm7 September 24th, 2010, 07:53 PM
7 " مشكور اخوي على المشاركه والنصيحه الحلوه
بس زوجي راتبه مع البدلات 10الف
وشغله حده كرف يعني يطلع الصباح الى الليل
واحيانا اذا كان في ضغط للعمل دوام 24ساعه
واجازه يومين بالاسبوع بس مو خميس وجمعه وسط الاسبوع
انا حدي زهقانه من شغله وهذا غير انه اي خطأ يكون في شغله ياخذ عليه انذار او حتى فصل من العمل احيانا
واحيانا توصلهم تهديد من الشركه بالفصل لاقل خطأ لانه كثره الموظفين وقل الانتاج في العمل
sweeeeet September 24th, 2010, 08:04 PM
7 " مافي ردود تعبت وانا افكر
مافي احد يحط لو بس رايه بالموضوع
sweeeeet September 25th, 2010, 12:07 AM
7 " مشكلتك قريبه مني
انا زوجي عسكري (عريف)يعني ماحلم بالمرافقه طبعا مايحتااشرح معروفه العسكريه وبهذلتها
وهو اللحين ينتظر البعثه اكثر مني
يبغى يفصل مره كارهها
يكفي September 25th, 2010, 01:06 AM
7 " شوفي اختي بعطيك ايجيابيات من وجهه نظري
الحين راتبه نقول 10 الاف حلو ؟ .. لو راح ورجع هل بيلقى وظيفة ولا لا .. هذا سؤال ولا احد بيرد عليه بس .. هو يروح ياخذ شهادة احسن واعلى احسن .. احتمال كبير تفيده
ثاني شي الحين الطلعة من الناحية الزوجية اتوقع انها احسن بكثيييييير من هنا .. طبعا على حسب نظام عيشتكم بس اتوقع يعني ان برى اريح لكم من هنا بحكم تغيير وهناك مناظر حلوة نفسيه والتفضي للدراسة يخلي العيشة اقل ضغط من هنا
ثالث شي انتي خايفة من الراتب .. بس فكري فيها انتي ما شاء الله ناوية تطلعين بعثة ماجستير .. يعني لما ترجعين احتمال كبير راتبك لا يقل عن ال8 الاف .. ونقول زوجك في اسوا الحالات راتبه 10 او اقل بشوي او زيادة.. زاد دخل البيت بشكل كبير .. وهو شي كويس للكل
رابع شي بما انك تقولين وظيفته متعبة وكذا اسهل له يطلع يدرس ويرجع ممكن يلقى مكان افضل بكثير
واخر شي اقولك لو انا مكانك كان وافقت الصراحة
الله ييسر لك امورككم ويوفقكم
اتمنى اني افدتك بكلامي
R20 September 25th, 2010, 01:23 AM
7 " اتنمى احد يعطيني نصايح زياده
او معلومات اكثر عن موضوعي
sweeeeet September 26th, 2010, 01:49 AM
7 " بليز مساعدتكم وانا انشالله حصلت على وظيفه في روضه ومتردده اروح والا انتظر نتايج البعثه على اعتبار اني اروح اذا في احد ينصحني
sweeeeet September 27th, 2010, 08:19 PM
7 "
في مثل هذه الامور يجب عليكي ان تبتعدي عن اذاعة يقولون وسمعت وقالوا لي ، في شي اسمه وزارة التعليم العالي يذهب زوجك عندهم ويستفسر عن جميع الامور التي يريدها .. وهذا الموقع فقط لتبادل الأراء فقط .
اليوم انتي ممكن سمعتي وبكره يكون الي سمعته قد تغير .
تصريح العطية ما كان السنة الماضيه ، السنة هذه جاء التصريح ولم يتبع التصريح اي تعليقات . وهذا هو الخبر :
أكد معالي نائب وزير التعليم العالي الدكتور علي بن سليمان العطية، أن من ذهب مرافقاً لمحرمه من اجل الحصول على فرصه للدراسة ضمن برنامج خادم الحرمين الشريفين للابتعاث الخارجي فنحن نرحب به لكونه مكسباً للوطن ويساهم في دفع عجلة التنمية في البلاد.
طيب كلام جميل طيب ليه ما قال ايضا ونعتبره مبتعثا وليس مرافقا طالما اراد ان يكمل مسيرته التعليمية ، لان هو يدري ان الكلمة هذه لها ظوابط وفيها زيادة المكافئة من مكافئة مرافق الي مكافئة مبتعث .