الأعضاء الإشتراك و التسجيل

الملتقيات
ADs

مشورتكم أعزائي ..بأخذ شغالتي معي...

مشورتكم أعزائي ..بأخذ شغالتي معي...


NOTICE

تنبيه: هذا الموضوع قديم. تم طرحه قبل 2637 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية MOONLIGHT85
    MOONLIGHT85

    مبتعث مستجد Freshman Member

    MOONLIGHT85 الولايات المتحدة الأمريكية

    MOONLIGHT85 , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى انشالله تسويق , بجامعة لسى ماتحدد
    • لسى ماتحدد
    • انشالله تسويق
    • أنثى
    • حاليا فيلادلفيا, بنسلفانيا
    • السعودية
    • Sep 2010
    المزيدl

    September 28th, 2010, 09:38 PM

    سلاااام على الكل
    انا من المتقدمات للبعثة . واملي بربي كبير وراح اكون من المقبولين بإذن الله..
    السافلة انه عندي طفلين واحد عمره سنتين والثاني 3 شهور..
    وقاعدة اتخيل شكلي
    بغربة
    و دراسة
    و تربية اطفال
    ابدا ابدا ماقدر..
    عشان كذ مقررة أخذ شغالتي (فلبينيه)
    بس الكل ضدي يقولون راح تسويلك مشاكل

    عشان الي صار لحميدان التركي فك الله أسرة
    يمكن مو الكل يسوتعب كيف الوضع راح يكون صعب وبذات انهم مره صغار
    انا ابغى لما اسافر اركز على دراستي ابي اجيب معدل حلو
    يعني افرغ نفسي للدراسة
    مو ارجع القا البيت يبيله تنظيفوغسيل وكوي
    والأسره الكريمة تبي غداها
    والاطفال يبون حقهم باللعب

    حتى لو دخلتهم حظانه الحظانه بس مسؤلة عنهم الصباح ..

    بعدين يبي من ينومهم
    وفجأه القا نفسي راح علي اليوم لا ذاكرت ولا سويت شي بدراستي

    بليييييييييز
    قولوي انه فيه ناس ماخذين شغالتهم معاهم ولا صارلهم مشاكل
    قوليلي انه فيه امل أخذ شغالتي معي ولا ادخل السجن..

    انتظر ردودكم ومشورتكم..
  2. المشاركة الأصلية كتبت بواسطة MOONLIGHT85

    قوليلي انه فيه امل أخذ شغالتي معي ولا ادخل السجن..

    انتظر ردودكم ومشورتكم..
    تفاولي خير
    خخخخ السجن مرة وحدة ..! وربي ضحكتيني الله يسعدك
    والله مدري وش اقول لك لكن طفلين ودراسة لزوووم شغالة
    شوفي شغالتك من أي نوع هي
    يعني تحب تتبلا على خلق الله
    بكرة أكيد بتتبلى عليك وبتاخذها فرصة انها مو في السعودية

    ارفقي فيها وعامليها زين شدي شويه وارخي شويه وان شاء الله ماتتعبك
    7 "
  3. السلام عليكم ..

    الله يبعد عنك وعننا كل شر ..

    بالنسبه للحضانه , اذا تبغي حضانه في أمريكا , فأنصحك تروحي ولاية رخيصه جداً بسبب ارتفاع أسعار الحضانات في أمريكا ..

    قرأت موضوع قبل تقريباً ثلاثة أسابيع لأحدى العضوات تريد إلغاء بعثتها بسبب انها تملك طفلتين لغلاء الحضانه , لكن غلطتها انها كانت في العاصمه واشنطن , فــ لهذا السبب أنا أقلك ولاية رخيصه ! ..

    وبالنسبه انك تاخذي الشغاله , ما أقدر أجاوبك بما انه ماعندي خلفيه , لكن نصيحتي لك , اطرحي موضوعك في قسم أمريكا بما انه الكثير من المبتعثين والمبتعثات لايتواجدون إلا هناك وعندهم الخبره بهذا الموضوع , هذا القسم فقط للمبتدئين ( المتقدمين للمرحلة السادسه ) , وعذراً لم أقصد أن أقلل من أي شخص ..

    بالتوفيق لك ان شاءالله , وحفظ الله لك طفلتيك ..
    7 "
  4. لاتاخذيها والله يخوفو هنا يتبلو ويسحرو كيف هناك بس والله معاكي حق انا برضو عندي ولد وكنت حااامل واجهضت وربي كرهت نفسي من الكرف بس لارحتي خلي اشغالك معقوله لبسين كوبين ملعقتين انا مارتحت الا بعد مداهمة دولاب الملابس والمطبخ ومصادرة اغلب الاغراض عااد تعرفين احنا السعوديين عفوشنا تكفي شعب مستحيل نجيب الشي على قدنا وبعدين نصييييح من قلت الترتيب والبهدله
    7 "
  5. اختي من رأيي ما تاخديها ابدا .... لان تعبها ومشاكلها اكبر من نفعها لك هناك .... اقلها لو كانت تبغى بوي فرند حتقدري تقولي لها لا .....
    لو اتمندلت فيكي واشتكتك على الشرطة وقتها ايش هتسوي .... اذا هنا يتبلوا عليكي فما بالك هناك اتذكر شغالتنا والافلام الهندية اللي قالتها للشرطة وهي كذابة الله يكافيها من عنده

    طيب افرضي انها هناك تمادت عليكي وعملت لؤوم .... كيف توقفيها عند حدها ؟؟

    تخيلي لو صارت جالسة في البيت بشعرها وبمكياج ولبس قصير وخفيف تقدري تقولي لها لا .... طبعا حرية شخصية .....

    طيب افرضي لو شردت منك .. وقتها بتقولي بس خسرتني حق التذاكر والفيزا وغيره .......وترى وحدة من معارفنا فيالصيف سافرت لامريكا واخدت شغالتها معاها وشردت منها ............
    وغير راتبها العالي ........ هناك بيكون اكثر


    مشكلة الشغالات انك ابدا ما تقدري تثقي فيهم ابدا .... اسال مجرب ولا تسال طبيب ...لو تنطبق السماء على الارض انا ما اثق في شغالة ...

    على فكرة بس للمعلومية مافي شيء مروضهم هنا غير نظامنا في السعودية ......

    يمكن اجنا بناخر لهم رواتبهم وهذا يمكن حرااام ... وفي نظر البعض غير انساني .. لكن لو ما سونا كدة معاهم راح يشرودوا هدولي ناس ما عليهم امان ...

    وللاسف الناس هذي سبحان الله ما تمشي غير بالعين الحمراء ,, اذا ااعطيتيها وجه وقلتي مسكينة تعطيكي على راسك لا تحترمك ولا تسمع لك كلام ....
    يعني الواحد يتعامل معاهم بالحزم وبالحسنى وينتبه ما يظلمهم ....

    يمكن ردي شنيع بالنسبة لك و ممكن هيزعلك .. لكن نصيحة لوجه الله من اخت لك تبغالك الخير

    اختي تقدري تودي اطفالك عند حاضنة ...
    وتقدري تطلبي خدامة بالساعة ......
    وحاولي تنظمي امورك وادعي ربنا يكون في عونك .....
    وقللي عدد ساعات نومك ...
    سوي شغلك بسرعة
    ولا تنس,,,,,,,,,,,,,,, والذين جاهدوا فينا لنهدينهم سبلنا ...........................

    واللي عندها خبرة ممكن تفيدك اكثر بالتوفيق لك
    7 "
  6. المشاركة الأصلية كتبت بواسطة الهاجس 2008
    اختي من رأيي ما تاخديها ابدا .... لان تعبها ومشاكلها اكبر من نفعها لك هناك .... اقلها لو كانت تبغى بوي فرند حتقدري تقولي لها لا .....
    لو اتمندلت فيكي واشتكتك على الشرطة وقتها ايش هتسوي .... اذا هنا يتبلوا عليكي فما بالك هناك اتذكر شغالتنا والافلام الهندية اللي قالتها للشرطة وهي كذابة الله يكافيها من عنده

    طيب افرضي انها هناك تمادت عليكي وعملت لؤوم .... كيف توقفيها عند حدها ؟؟

    تخيلي لو صارت جالسة في البيت بشعرها وبمكياج ولبس قصير وخفيف تقدري تقولي لها لا .... طبعا حرية شخصية .....

    طيب افرضي لو شردت منك .. وقتها بتقولي بس خسرتني حق التذاكر والفيزا وغيره .......وترى وحدة من معارفنا فيالصيف سافرت لامريكا واخدت شغالتها معاها وشردت منها ............
    وغير راتبها العالي ........ هناك بيكون اكثر


    مشكلة الشغالات انك ابدا ما تقدري تثقي فيهم ابدا .... اسال مجرب ولا تسال طبيب ...لو تنطبق السماء على الارض انا ما اثق في شغالة ...

    على فكرة بس للمعلومية مافي شيء مروضهم هنا غير نظامنا في السعودية ......

    يمكن اجنا بناخر لهم رواتبهم وهذا يمكن حرااام ... وفي نظر البعض غير انساني .. لكن لو ما سونا كدة معاهم راح يشرودوا هدولي ناس ما عليهم امان ...

    وللاسف الناس هذي سبحان الله ما تمشي غير بالعين الحمراء ,, اذا ااعطيتيها وجه وقلتي مسكينة تعطيكي على راسك لا تحترمك ولا تسمع لك كلام ....
    يعني الواحد يتعامل معاهم بالحزم وبالحسنى وينتبه ما يظلمهم ....

    والله إنك صادقه

    أنا جبت شغاله أهلي بعد ما كملت السنتين عندهم وسافرت ورجعت عندي والله إنها جابتلي المرض والله لا أأخر لها راتب بالعكس لما تطلب أرسلها هو حتى لو كان باقي أسبوعين على الراتب لأني هبله

    وبطائق اتصال كل شهر ب50 و20 من حسابي وبرضها تقلب بوزها وأنا ما عندي إلا ولد واحد واحتجتها عشان ولادتي وأنا ليه 5 سنين متزوجه ولا قد جبت شغاله لأني ما أطيقهم حتى لما درست الماستر ما جبت شغاله

    يا بنتي حتى رقم جوالي موزعته على أهلها لما يحتاجوها يتصلوا حتى لو آخر الليل - عشان فرق التوقيت - ومن دلاختي أروح أصحيها عشان تكلمهم

    وفي النهايه عمتي تسوي فيها زعلانه وتبكي لما تشوفني أشتريت غرض لنفسي وألقى البوز شبرين



    ولصاحبه الموضوع تخيلي إنك تروحي تطلعي لها فيزا ويسووا معاها مقابله شخصيه في السفاره ويقعدوا يكبروا راسها عليكي ويجبروكي تدفعي لها مو أقل من 1500 دولار في الشهر إيش استفدتي ؟؟؟

    بس استفدتي النكد

    لما تروح هناك وتطلع إجازة وما تدري إلا وهي جايبه لك مرض ولا مصيبه وصاحب وحاله

    وقتها تتمني إنك قعدتي في بيتك ولا رحتي لا بعثه ولا غيره

    ريحي رآسك

    أعرف إنك بتتعبي بس والله بيوتهم هناك محندقه قد علبه الصلصه مو زي اللي عندنا كلها غرفتين نوم وصاله

    ودوام الحضانه إلى 5 أو 6 يعني أكلهم فطور وغداء على الحضانه ما عليكي إلا عشاء بسيط وخلاص

    أنا نفس حالتك عندي ولد عمره 4 سنين وبنتي ولادتها على أول يوم في السنة الميلادية بإذن الله

    بس ما أفكر آخذ مصيبه معايه إن شاء الله أفطر في الجامعه وأصوم باقي اليوم ولا أجيب الغلب لنفسي


    المهم إنك تصلي صلاة الاستخارة وربي راح ييسر أمورك للخير
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.