والله حسستوني إني شاذ ياأخوان وأخوات,,صيدلة اليابان

بكالريوس ^____^

السلام عليكم و رحمة الله و بركاته أخي الكريم
أنا أنصحك بتغيير بلد الابتعاث إلى أمريكا أو كندا, لعدة أسباب: أولها أنه لا يوجد برنامج فارم دي ( دكتور صيدلي ) في اليابان بحسب علمي بعكس أمريكا و كندا و هي درجة يحصل عليها طلاب البكاليريوس, و ثانيها أن معظم الأدوية الموجودة في السعودية أمريكية أو أوربية المنشأ, لذلك صلي صلاة الاستخارة و حاول تغيير الدولة.

موفق أخوي بإذن الله

خخخخخخخخخ

الله يهديك مختار اليابان ولسى تقول شاذ الا منحرف

مشعل الله يرحم امك اذا بتدرس شي يتعلق بالطب والصحه لا تدرسه في اليابان صراحه وبكل احترام لك ماقد رحت مستشفي

خاص او حكومي وكان في دكتر ياباني او حتي استشاري او اي شي اغلبهم مصريين او امريكان او كنديين او سوريين او المانيا والدليل

المستشفي السعودي الالماني قوه الطب والاشياء الصحيه المانيا او كندا امريكا بعد هذي طبعا لكن اذا بتدرس كمبيوتر او شي او اداره ماليه

او شي تقني اليابان طبعا هي من افضل الدول في هذا المجال والله وجهه نظري قلتها لك بصدق وكانك اخويه بالضبط

أخوي مشعل

سلام الله عليك .... يا الغالي بصراحه أنا لا أعلم ما مدى قوه القاعده التعليميه باليابان بالنسبه للصيدله . هذا واحد !

ثانيا : الاخوان اثاروا نقاط جدو مهمه ولو انها ساخره شوي فلذلك يجب عليك أخذها بعين الاعتبار .

الله يعينك يتعين عليك البحث عن تخصصك هناك وماهو مستقبله ومقارنه الوضع مع الدول الاخرى .( ).. وعليك بالتريث بقرارك .

لا اجبرك على اليابان ولا على تركها ولكن اعد النظر واعد ترتيب اوراقك

الله يوفقك يا اخوي ويجعل لك الخيره فيما ترسوا عليه

السؤال هنا: هل يستطيع الشخص حقًا أن يغير البلد ؟

إلي أعرفه إن الشخص مايقدر يغير البلد

وكيف يغير البلد والقبول خلال الأيام القادمة ^__^ ؟

بسم الله ..

حياك أخوي .... أنا من زمااااااااااان ودي أسولف مع صيادلة
بس بصراحة أحس إنك جبت عيد ما قد صار في التاريخ .. لكن على أي حال لو نظرنا إلى الجانب المشرق (حبيتها ذي الجانب المشرق)
ممكن تدرس أشياء تكنولوجية تتعلق بالصيدلة مثل البايوتكنولوجي و على فكرة فيه توجه من المستشفيات الكبيرة كالتخصصي و الحرس مثلا إنها توظف صيادلة في IT يعني يصير صيدلاني آي تي عشان الأجهزة و السيستمات إلي بالمستشفى بالإضافة إلى إن الصيدلاني هو جوكر في هذي الحياة يدرس وين ما يبي حتى يقدر يصير رائد فضاء أو كيماوي أو نووي أو طبي أو ...

و على فكرة في شي أبغى أقوله عن الفارما دي إلي أزعجونا فيه .. لو المستشفى ما أرسلتك تدرس هالمجال لا تدرسه أبدا لأن المستشفيات الكبيرة لا تحتاج إلى عدد كبير من الفارماديين لأن المستشفيات هذي أصلا ابتعثت صيادلة و تملك حاليا فارماديين(لاحظ قلت المستشفيات الكبيرة يعني أقصد التخصصي و الحرس و ما عداهم حتى لو كبر اسمه و حجمه يعتبر مستشفى صغير) فلو كل الشعب راحوا للفارمادي راح يرجعون يبيعون فصفص في سوق الغنم إلي بجنوب الرياض ..
و ودي أقول بعد للي يدرس الفارما دي أبغاك قبل ما تروح تشوف و تجرب و تسوي راوند مع صيادلة إكلينيكيين الآن و تشوف . لأن يمكن الشغلة ما راح تعجبك ..
إن شا الله بعد ما ترجع هالدفعات من الابتعاث نشوف ناس أكثر وعي و ثقافة و تقدم و رقي و ما يكون جيل همجي كل همه يبحث عن حرف الدال بدون تحسين الكواليتي .

الله يوفقك أخوي سواء في اليابان و لا غيره .. و صدقني لو جمعت بين الدراسة الطبية و تكنولوجيتها راح تكون توب التوب . تعرف ليه و بكل بساطة؟؟ لأن مافي أحد في هالمجال إلا قليل

لو سمحت اخوي .. انت الكلام هذا طلعته من جيبك ؟ ولا من جيب اخوك ؟ علشان اعرف بس <-- حب الأستطلاع

لعلمك فقط ..
في السعوديه مطلوب علشان يكتفي البلد من تخصص الصيدله الأكلينيكيه ( الفارمدي ) هو 10 الاف شخص
وفي الجامعات السعوديه .. تخرج بمجملها كل سنه 80 طالب .. للأسف انه هذا التخصص توه يدرس في الجامعات السعوديه . لذلك الموجودين في سوق العمل هم 200 شخص فقط في هذا التخصص .. واخذوه ماجستير وليس
بكالوريوس ..إلخ فيه كلام كثير عكس كلامك بس هذا المقدرات نكتفي فيه

في النهاية اخوي .. لو جيت تجيب لنا كلام حاول تطلعه من جيب واحد في حارتكم يمكن يكون صح

يعني الحين من زين جامعاتنا تخرجنا منها وتوظفنا بيها لو جاب شهادة من اليابان يكفي انه جامعاتها مآخذه مراكز في التوب لست حقت جامعات العالم مو زي اللي عندنا

وبعدين الوظيفة توفيق من رب العالمين يا ما جابوا ناس شهادات من جامعات مرموقة عالمية ولا توظفوا

إذا انت مقتنع باليابان لا يكسر همتك أحد واليابانيين موب جايين عندنا لأن مستوى المعيشة عندهم غالي ودولتهم توظفهم ليش يطلعون برا ؟!

ولا يغرونك المصاريا والأجانب عندنا ع قولة ابويا لو أنهم ممتازين ما فرطت فيهم دولهم ..

شد حيلك وتوكل ع الله وترجم لنا كم انمي في الطريق ..

قامبريماس *_*

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههه

ضحكتني عليك يا سليمان و أنا مالي خلق ....

أجل 10000 شخص ؟؟ و إنت من وين جايب هالكلام من جيبك و لا من جيب أخوك ؟؟؟
شكلك عمرك ما قد تدربت في مستشفى و لا أنت داري وش السالفة .. و يمكن منت عايش بالسعودية من الأساس

قال إيش قال 10000 شخص ..

يا بابا يا شاطر أنا صار لي فترة مب سهلة بالمستشفى مب مثلك حديث تخرج (على طول من كلامك عرفت إنك حديث تخرج) و جاي يتفلسف علي , و أنا قلت شي مهم رح سوي زيارة للمستشفيات و اقعد مع أي صيدلي اكلينيكي و قل له 10000 و الخرابيط الي قاعد تقولها . شف يشلون يضحك عليك .

أنا مدري أنت وين عايش بالضبط .

الصيدلة مجال معرفي مهم لأي بقعة في العالم ما نقدر نختزلها في الفارما دي ... و أساس مهنة الصيدلي يا شاطر هو البرودكشن و الي تفتقده السعودية قطعا و بشكل كبير و ما يكون للصيدلي أي هيبة و أي مكانة بدون هالشي بالإضافة إلى مساهمته في مجالات الأبحاث مرورا بالصيدلي الإكلينيكي .

ياخي إذا أنت تبي الفارمادي فهذا شي راجع لك لكن لا تضلل الناس .. خلي كل الناس تدور إلي تناسبها سواء الفارما دي أو غيره لكن لازم تعرف كل جوانب تلك التخصصات بشكل صحيح .. فأنا في المقام الأخير يهمني رفعة مكانة الصيدلة في المملكة مثلي مثلك مثل كل صيدلاني مثلنا ..

بالعربي لا تطلع أرقام من راسك و حط العشر آلاف هذي في جيبك ..