استفسار سريـع / أجيبوني مشكورين .. !

السلام عليكم ورحمة الله وبركاته .. /

اخواني ، اخواتي ..
عندي استفسار سريع وضروري

استلمت وثيقتي من الكلية واكتشفت انهم كاتبين السبيلينغ لأسمي بالإنجليزي خطأ
فـ رحت لإدارة الوثائق وعدلته مثل ما يظهر في الجواز .. واسم الجد قالت لي الموظفة انها بتكتبه إختصار يعني بس حرف واحد مثال
WAHAJ MOHAMMAD S ALWAHAJY :P
يعني كذا مثلاً .. حرف واحد S
تقول هذا الإجراء الصحيح لو بتروحين تدرسين برآ

المشكلة اني لما سويت وثيقتي كذا ..
أكتشفت ان السجل الاكاديمي اللي استلمته من زمان وسويت منه نسخ طبق الاصل وخلصت اموره ان اسم الجد فيه كامل
مثال
Wahaj Mohammad Sami Alwahajy
فما أدري هذا يعتبر خطأ ولازم اروح اعدل سجلي الاكاديمي واكتب اسم الجد مختصر بس ولا عادي كذا ؟ الموظفة تقول روحي عدليه :/
وبالنسبة للكابيتلات .. الاسم في الوثيقة نفس الجواز كله كبيتال .. لكن الاسم في السجل الاكاديمي بس بداية كل اسم كابيتل ، عادي ؟

محتاجة اعرف الجواب علشان اراجعهم مبكر ..
تكفون أبي جواب من أحد عنده خبرة بهالأمور ، تكفوون مو توقعات


ممتنة _

عليكم السلام و رحمة الله و بركاته
بالنسبة للكابيتال و السمول , ما فيها شي عادي
بالنسبة للتعديل من Sami إلى S في السجل الأكاديمي ما عندي معلومة و الله
بس على فكرة إذا عدلتي لازم تعدلين في ورقة التقديم على الجامعات
//
و الكلام اللي قالته لك الموظفة صحيح , أن اسم الجد يكتب اختصاراً , حتى في الجواز مُختصر بحرف واحد

اذا السالفه على اسم الجد ترى الجد بعمري عنه محروم من البعثه حت بالاسم..
هم بس ياخذوا الحرف الاول من اسمه..
والكابيتل والسموووول مايهم المهم ان الحرف تكون نفس الوثيقه نفس الجواز

وعليكم السلام ورحمة الله وبركاتة

بالنسبة للكابيتال والسمول مثل ما قالوا لك الأخوان فهو عادي ولا فيه مشكلة

وبالنسبة لإسم الجد في السجل الأكاديمي فهو لا يشكل لك أي مشكلة لأن الجامعات تنظر إلى اسم العائلة والاسم الأول والاسم الأوسط يعني الأب..
واسم الجد غير ضروري أبدا..
وايضا بما ان الاسم Sami يعني هو يبدأ بالحرف S فما راح يكون عائق ابد..

وسبق أن أحد الأعضاء سأل أثناء فترة التدقيق وقالوا له مو مشكلة..
ما يحتاج تعديل باذن الله،،،


تحياتي،،،أبو نوره

يجزاكم ربي كل خير ويفرج عليكم .. الله يسعدكم يآآرب ويحقق أمانيكم
ريحتوني من المشاوير والتعب ، يخليكم ربي ويرزقكم كل خير