الأعضاء الإشتراك و التسجيل

الملتقيات
ADs

تكفون ساعدوني محتارة ارامكو ام البعثة؟

تكفون ساعدوني محتارة ارامكو ام البعثة؟


NOTICE

تنبيه: هذا الموضوع قديم. تم طرحه قبل 2632 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية طموحه عجازه
    طموحه عجازه

    مبتعث مستجد Freshman Member

    طموحه عجازه الولايات المتحدة الأمريكية

    طموحه عجازه , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى English , بجامعة الله يكتب لي الخير
    • الله يكتب لي الخير
    • English
    • أنثى
    • يارب جنبي مسجد, فوق هام السحب
    • السعودية
    • Feb 2010
    المزيدl

    October 1st, 2010, 05:05 AM

    السلام عليكم... بادخل فالموضوع سالفتي هي انني خريجة انجلش وناويه اكمل الماستر باذن الله بامريكا وفي يوم قابلت وحده تشتغل بارامكو لها مكانها قالت لي اقدم عندهم واول شاغر وظيفي بيكون لي بمشيئة الله طبعا بمكان نفس اللي اتمناه نسائي ومغلق . بس انا اقول مين اللي بيترك ارامكو واخذ مكانها . الشاهد و السؤال هو هل اتفائل شوي واستنى قبولي بالوظيفة والعن الشيطان ويجيني راتبي وعند عيالي وبلدي . ولا امشي اجراءات البعثة لو ربي يسر لي القبول واذا جت الوظيفة ااجل البعثة ؟؟ولا الغيها ولا وش اسوي؟؟؟ . ابغى اكون على بينة من الحين دامني باقي ع البر.. الله ييسر امور الجيميع ارجو الافادة ممن لديه ذلك وجزى الله القائمين على هذا المنتدى والمشتركين خير الجزاء من جد منتدى قمة في المثالية والعطاء
  2. السلام عليكم .......

    حبيبتي اللي فهمته من كلامك ان اول مايجيهم شاغر وظيفي بتكون لك الاولويه

    طيب انتي واثقه من كلامها ؟؟؟

    يعني سالفة ارامكوا نفس سالفة البعثه ايام وليالي ووظيفه شاغره ومقعد شاغر نفس الشيء

    انا اقول النتائج رايح تطلع بعد كم يوم ولما تنقبلين في البعثه حطي باعتبارك

    انك راح تغتربين ومع عيال هل انتي قد هالشيء او لا وبتاخذين شهاده ماستر ؟؟

    واذا جلستي هنا هل الوظيفه مضمونه وبتكونين مرتاحه لها ؟؟


    شوفي وحددي والاستخاره مثل ماقال اخوي اللي فوق راح تريحك ........
    7 "
  3. عليكم السلام
    ودي أساعدك بس ما عندي معلومة , و ما حبيت أدخل بدون ما أرد لأني شايفك قلقانة
    بس اقولك ان القرار راجع لك , يعني انتي اللي تحددي ايش الافضل لك , تكملين ماستر أو تتوظفين
    انا لو خيروني لأخترت الوظيفة بس انتي ممكن عندك إعتبارات أخرى
    عموماً أرامكو ليست وظيفة حكومية لذلك ليس فيها تعارض مع البعثة , يعني يمديك تكملي إجراءات البعثة و كل شي و انتي على رأس العمل
    و اذا جاء موعد السفر قدمتي استقالتك من ارامكو , هذا طبعاً لو كانت الوظيفة هالايام
    الله يوفقك وين ما اخترتي
    7 "
  4. ارمكوووو ؟؟؟؟

    تبغين نصيحتي ارمكو عبارة عن شركة تمتص الصحه المتبقيه من الجسد واذا نفدت ارسلوولك باقه ورد وعاها ورقه بالزاام الرااحه

    تبغين نصيحتي اتغرب وارجع بشهاده ووظيفه مرمووقه ومحترمه ومريحه<< وخاصة احنا نساء ورانا حمل وولاده

    ولا اتوظف واكرف طول عمري وصحتي تروح لغير عيالي

    وبنهاايه استخيري وكل وحده حرة في راايهاا

    وشكرااااااااااا
    7 "
  5. سؤال محير لكن اعتقد لو كنت مكانك بختار أرامكو وبدرس بارت تايم في اي جامعة حتى لو على حسابي وبأخذ المتستر من هني

    لك الخيار والله يوفقك

    بس من جد اعرف ناس طلعوا من ارامكوا عشان يكملوا دراستهم لكن بعدها ماحصلوا هالوظيفة
    7 "
  6. اختي السوال انا امر فيه يمكن مثلك بس بعد لو نفكر فيها شوي وبعقلانيه انا بتكلم على اني ولد وانتي قيسيها عليك انك بنت


    اولا ولا ابالغ وهالشي حصل واعرف ناس انهم تخرجوا من برا وجاو مستانسين لانهم حاطين في بالهم انهم اولى بالوظايف طبعا هالكلام مو صحيح بتاتا صح الرزق عند الله بس بعد نتكلم عن المتاح الوظايف الحين زين اذا لقيت لك على حسب مؤهلاتك فا يعني بتروح تتعب تتعب برا وتتغرب وفي الاخير تجي هنا حالك حال اي واحد واقعد دور

    بس لو نفكر فيها شوي وتقبلني ارامكو اللي كلن يتمناها واكبر شركه طاقه في العالم وغير كذا بيكون درجتك في الوظيفه كبيره لانك جامعيه

    مع احترامي للكل يقول تمص دمك مافي شغل بدون تعب وانا عندي كثير من الاقارب في ارامكو ويعتمد على المكان وفي الاخير على قد ماتتعب بتشوف راتبك في اخر الشهر كيف بيكون يعني بيتساهل بقووووه واذا احد يتفلسف وبيقول يمص دمك برد عليه رد عطني وظيفه احسن ! ويعطيني نفس الراتب والمميزات و وو الخ ماراح تلقين

    +

    تدخلين انتساب ماجستير في اي جامعه هنا وفي نفس الوقت تخلصين الماجستير + وانتي موظفه رسميه في ارامكو


    هذا اللي حبيت اقوله لك وانتي براحتك طبعا بس انا لو تجيني اكيد ارامكو لان وظيفه رسميه وترتااحين حيل ضمنتي شي في مخباك


    واسف على الاطاله اتمنى اني افدتك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.