معكِ واحد من الأشخااص الذين قدموا على البرنامج في مرحلته الخامسة وقبلت الى اخر مرحلة وهي قرار الأبتعااث وأمر الإركاب,
أتتني رسالة عن طريق الأيميل بوجود وظائف إعادة بأحد الجامعات ,
قدمت على الوظيفة ,
رحت للمقابلة,
قبل الدراسة بأمريكا بشهرين تقريباً عن طريق بعثة البرنامج أتاني قبول نهائي بوظيفة معيد بالجامعة ,
أنتهيت من اجراءات التعيين وباشرت بالكلية,
ومن الجامعة قدمت أوراق الأبتعاث عن طريق الجامعة ,
وأنا الان على مشوار بسيط من الأبتعااث عن طريق جامعتي.
الإعادة أفضل من الأبتعااث عن طريق البرنامج وذلك للأسباب التالية:
الجامعة تبتعثك لمراحل الدراسة كاملة بضمان مالي من الجامعة لدراسة اللغة,الماستر,الدكتوراة,
بينما البرنامج عند إكمالك لمرحلة أخرى مثلاً من ماستر الى دكتوراة ترفع شيء اسمه ترقية بعثة ولها شروط وتنتظر الموافقة .
ضمان الوظيفة ووظيفة اكاديمية بالجامعة كثير يتمناها بينما مبتعثين البرنامج عند عودتهم سيشمّروا عن سواعدهم ويبدؤا برحلة البحث عن وظيفة,والأرزاق بيد الله سبحانه.
الجامعة تسمح لكِ بتمديد الأبتعاث سنة وسنتين وقد يكون ثلاث,
بينما البرنامج معك مثلاً للغة كحد أقصى سنة وستة شهوور.
الأستفاادة من الراتب اثناء الابتعاث واحتساب الخدمة ,فعند ابتعاث اعضاء هيئة التدريس للخارج سيخصم راتبهم الأساسي الى النصف مع خصم التأمينات وفي بلد الأبتعاث ستنزل لك مكافأة كطلاب البرنامج من غير الراتب.
أنا نصيحتي الإعادة إذا تيسرت لا تفرطي فيها لان عن طريقها كسبتي الوظيفة وطموحكِ في تكملت الدراسة بمراحلها والعودة على نفس الوظيفة.
أتمنى لكِ التوفيق والتيسير
معــ خالصــ تحياتيــ
Ahamed Aljuhani October 4th, 2010, 04:03 PM
7 " الله يكتب لك اللي فيه الخير يــآرب
الولي October 4th, 2010, 04:16 PM
7 " حطي عقلك في راسك واعرفي مصلحتك...............
المعيد= ضمان الوظيفة والبعثة
البعثة لحد الان ليست مضمونة ويمكن ماتلقي وظيفه حكومية بعدين؟؟؟؟؟
انا انصحك بالمعيدة لانهم يبتعثوكي بعدين ووظيفتك مضمونة وراتبك ماشي
نون 26 October 4th, 2010, 04:24 PM
7 " اختي الاعاد افضل
اذا كانت الوظيفه رسميه ،، لان المعيده او المعيد بعد سنه او خلال السنه الاولى يتم ابتعاثه
لذا وظيفه رسميه افضل من ابتعاث بلا وظيفه ،حتى ايضا يفرق الراتب بالابتعاث كموظف وكمبتعث
الموظف يحصل على نصف راتب بالاضافه الى مكافاه من الملحقيه بالاضافه الاجازات التي تحسب له خلال ابتعاثه
ملخص وموجز الكلام الابتعاث كمعيد افضل من الابتعاث كمبتعث
abu lena1 October 4th, 2010, 04:41 PM
7 " اول شي اسألي نفسك وش الي تبينه بعد الابتعاث والعودة ؟
اذا كنت تبين تدرسين بالجامعة استاذة او دكتورة , الافضل لك انك تقدمين اعادة وبعد كذا الجامعة تبتعثك
اما اذا كنت تبين وظيفة ثانية , ابتعثي عن طريق البرنامج
لان الجامعة اذا ابتعثتك تشترط انك تشتغلين عندهم كم سنة -ماعرف كم بالضبط- بعد ما يبتعثوك فانتبهي لها لنقطة
موفقة باذن الله
sky limit October 4th, 2010, 05:06 PM
7 " انا اتمنى انقبل في اي جامعة كمعيد ...... نصيحة مني اقبلي بوظيفة معيده . تدرين ليش ... اقولك ليش :
1/ راتب معيد يصرف لك اثناء الابتعاث .
2/ اضافة على الراتب السابق تصرف لك نصف مكافأة مبتعث . ( يعني هناك تعيشي بعز سكن نظيف وأكل على مستوى ) .
3/ سنوات دراستك الخارجية للابتعاث ( الماستر + الدكتوراة ) جميعها تحسب ضمن سنوات العمل . يعني الجامعة تعاملك كأنك تعمل معها وانت اصلا برى تدرس . لو افترضنا ماجستير ثلاث سنوات ودكتوراه اربع سنوات يعني تبدأ حياتك العملية وانت عندك فائض سبعة سنوات محسوبة كعمل .
4/ برنامج الملك بس ماستر وماهو ملزوم عليه يطلعك مرة ثانية عشان تدرس دكتوراة , لكن الجامعة تشجعك تكمل دكتوراه وتصير تحمل شهادتين من برى غير اللغة الانجليزية اللي بتصير TOP .....
5/ ترجع لاهلك وناسك وحبايبك وانت ضامن الوظيفة احسن من انك تنتظر وظيفة بعد ماترجع .
بعد هذا كله تقولي برنامج ...؟؟؟؟؟؟؟؟؟؟؟؟؟؟؟؟؟؟؟؟؟؟؟
يعلم الله اني نصحتك من قلبي ولو انا مكانك بدون تفكير وبدون ما انزل اي موضوع على طول اروح للجامعة كمعيد .... وبالتوفيق لك ولنا .
خليك بالجو October 4th, 2010, 05:21 PM
7 " ما راح أضيف على كلام الأخوان والأخوات صراحه ما قصروا ،،
لكن نصيحه عليكِـ بالاستخاره ،،
الله يوفقك وفي الدنيا والآخره ،،
ويرزقك طريق النجاح ،،
تحياتي ،،
Molham October 4th, 2010, 05:28 PM
7 "
السلام عليكم ،،
اصلا لا تقارن الابتعاث او الاعادة لماذا اقول لك :
ــــــ اولا الاعادة من شروطهم ان يبتعثوك هم الجامعة وتاخذي راتب من الجامعة ومن البعثة .. ماعلينا من المال اهم شي انهم بيعثونك غصب .. وهم ينتظرونك علي احر من الجمر للوظيفتك في الجامعة فيه احلى من كذا ،،
ــــــ ثانيا الابتعاث سوف تاخذينة عن طريقهم هم اظمن لا بعد ممكن يخيرونك في افضل الجامعات بعد اما مسالة برنامج الملك ما يضاهي شي عندك وانتي معيدة اصلا اللي على البرنامج بيتعثون ويجيون يدون اعضاء هيئة تدريس هنا وانتي وظيفتك مضمونة ومرموقة ،،
لو القبول معيدة نهائي لا تشاورين احد حتا نفسك ، والمفروظ ما كتبتي موضوعك هنا اصلا ما فيه حيرة ابد ابد ،، تقبل مروري
اليابان October 4th, 2010, 05:29 PM
7 "
أتتني رسالة عن طريق الأيميل بوجود وظائف إعادة بأحد الجامعات ,
قدمت على الوظيفة ,
رحت للمقابلة,
قبل الدراسة بأمريكا بشهرين تقريباً عن طريق بعثة البرنامج أتاني قبول نهائي بوظيفة معيد بالجامعة ,
أنتهيت من اجراءات التعيين وباشرت بالكلية,
ومن الجامعة قدمت أوراق الأبتعاث عن طريق الجامعة ,
وأنا الان على مشوار بسيط من الأبتعااث عن طريق جامعتي.
الإعادة أفضل من الأبتعااث عن طريق البرنامج وذلك للأسباب التالية:
الجامعة تبتعثك لمراحل الدراسة كاملة بضمان مالي من الجامعة لدراسة اللغة,الماستر,الدكتوراة,
بينما البرنامج عند إكمالك لمرحلة أخرى مثلاً من ماستر الى دكتوراة ترفع شيء اسمه ترقية بعثة ولها شروط وتنتظر الموافقة .
ضمان الوظيفة ووظيفة اكاديمية بالجامعة كثير يتمناها بينما مبتعثين البرنامج عند عودتهم سيشمّروا عن سواعدهم ويبدؤا برحلة البحث عن وظيفة,والأرزاق بيد الله سبحانه.
الجامعة تسمح لكِ بتمديد الأبتعاث سنة وسنتين وقد يكون ثلاث,
بينما البرنامج معك مثلاً للغة كحد أقصى سنة وستة شهوور.
الأستفاادة من الراتب اثناء الابتعاث واحتساب الخدمة ,فعند ابتعاث اعضاء هيئة التدريس للخارج سيخصم راتبهم الأساسي الى النصف مع خصم التأمينات وفي بلد الأبتعاث ستنزل لك مكافأة كطلاب البرنامج من غير الراتب.
أنا نصيحتي الإعادة إذا تيسرت لا تفرطي فيها لان عن طريقها كسبتي الوظيفة وطموحكِ في تكملت الدراسة بمراحلها والعودة على نفس الوظيفة.
أتمنى لكِ التوفيق والتيسير
معــ خالصــ تحياتيــ