ليش... ايرلندا ؟؟؟؟؟ ؟؟؟؟؟
السلام عليكم ورحمة الله وبركاته
بصراحة لاحظت كثرة المبتعثين الى ايرلند وانا منهم طبعاً :jump1:
ونفسي اعرف ليش كثير من البنات و الشباب اختاروها
كل واحد ممكن يثرينا اسبابه الخاصة عشان ممكن نكتشف معلومات عنها جديدة و ايجابياتها كمان
راح ابدأ في نفسي
انا كان نفسي بصراحة من زمان في بريطانيا بس مالي حظ قفلو البعثات هناك
وبعدين فكرت في كندا ..... بس قلت بعيدة مررررة
ولفت انتباهي لما سجلت بياناتي وجود ايرلندا ::: بصراحة ما خطر على بالي قبل كذا ::::
قلت احطها اول خيار لية عشان اخوي يدرس في بريطانيا مسكين جالس لوحدة وعشان بين كل فترة والثانية وفي الاجازات يجي عندي :gathering:
وبعدين اكتشفت انو دراسة الماستر سنة وحدة بس وفرحت مرة
بس للاسف الشديد طلعت بعدين قصة امتداد التخصص وبصراحة ماني عارفة ايش راح اسوي >>> احسن شئ اخليها على الله <<<
طولت عليكم ارجو من طلاب و طالبات ايرلند يقولو ايش عجبهم فيها
:bye1: تحياتي :bye1:
رد: ليش... ايرلندا ؟؟؟؟؟ ؟؟؟؟؟
يمكن لان اغلب السكان لغتهم الانجليزيه تقريبا 90با المئة
قربها من بريطانيا
رد: ليش... ايرلندا ؟؟؟؟؟ ؟؟؟؟؟
انا اخترت ال3 خيارات كلها حسب اللغه
كان نفسي في uk مررررررة لاني سردادي مردادي عليها ومتعودة على جوها
بس للاسف
فاخترت امريكا - كندا - ايرلندا
كنت مركزة انو الخيارات للدول كلها تكون لغتها الام انجلش
ويااااااليتني خليت ايرلندا اول خيار عشان عدد سنوات الماستر
انا كنت عارفه انو الماست في uk
9 شهور بس نسييييييييت مرة وقت التقديم ماجا على بالي انو ايرلندا نفس النظام :(
دحين افكر اغير
رد: ليش... ايرلندا ؟؟؟؟؟ ؟؟؟؟؟
انا مقدم طب بس لو فيه ايرلندا كان اخترتها
اول شي لقربها من بريطانيا لاني كنت ابغا بريطانيا بس قفلوها للاسف
وثاني شي لغتهم انجليزية
وثالث شي ايرلندا من الدول القوية في الطب والتخصصات الطبية
رد: ليش... ايرلندا ؟؟؟؟؟ ؟؟؟؟؟
اقتباس:
المشاركة الأصلية كتبت بواسطة DR.7m0o0dy
انا مقدم طب بس لو فيه ايرلندا كان اخترتها
اول شي لقربها من بريطانيا لاني كنت ابغا بريطانيا بس قفلوها للاسف
وثاني شي لغتهم انجليزية
وثالث شي ايرلندا من الدول القوية في الطب والتخصصات الطبية
ليش ماهم حاطين ايرلندا في الطب ؟؟؟؟ غريبة ؟؟؟
مع انو فيها الرويال كولج للطب مررررررررررة يمدحونها ويقولو ان مستواها ممتاز بين دول اوروبا
رد: ليش... ايرلندا ؟؟؟؟؟ ؟؟؟؟؟
انا ايرلندا كمان
باعتقادي افضل الدول
كان خياري الاول امريكا (بس وربي مااطيق شي اسمه امريكا >> من الله )
بعدين ايرلندا رهيبه مررره
جو وطبيعه وشعب لايوجد لديه عنصريه
رد: ليش... ايرلندا ؟؟؟؟؟ ؟؟؟؟؟
انا كمآن ايرلندا
اخترتها اولا علشان اللغه وكمان لما قريت عن عادات البلد والشعب وانو من الشعوب المحافظه
وماعندهم حركات النص كم الي في باقي الدول الاجنبيه :)
ودراسة الماستر فيها سنه وحده
حسيتها افضل خيار
رد: ليش... ايرلندا ؟؟؟؟؟ ؟؟؟؟؟
اقتباس:
المشاركة الأصلية كتبت بواسطة ado0o0le
انا ايرلندا كمان
باعتقادي افضل الدول
كان خياري الاول امريكا (بس وربي مااطيق شي اسمه امريكا >> من الله )
بعدين ايرلندا رهيبه مررره
جو وطبيعه وشعب لايوجد لديه عنصريه
والله انا كمان ما أطيق امريكا !!!:dry:
بس يا خوفي ما انقبل الا فيها
بالتوفيق
رد: ليش... ايرلندا ؟؟؟؟؟ ؟؟؟؟؟
السلام عليكم ورحمة الله وبركاته
انا اخترت ايرلندا لان الماستر سنه بس بعدين وجدت ان الجامعات قليله يعني فرصتي بالالتحاق فيها راح تقل
بغير ان شاء الله على كندا...
رد: ليش... ايرلندا ؟؟؟؟؟ ؟؟؟؟؟
اقتباس:
المشاركة الأصلية كتبت بواسطة Clouds
السلام عليكم ورحمة الله وبركاته
انا اخترت ايرلندا لان الماستر سنه بس بعدين وجدت ان الجامعات قليله يعني فرصتي بالالتحاق فيها راح تقل
بغير ان شاء الله على كندا...
بالنسبة للجامعات فلا الجامعات ما هي قليلة
تقريبا 12 جامعة
بس السؤال؟؟؟؟ هل راح تدرسي ماستر امتداد لتخصصك ؟؟ >> هينا التعقيد <<
هذا رابط الجامعات المعترف فيها على موقع الوزارة :
تنبيهات
بالتوفيق