الأعضاء الإشتراك و التسجيل

الملتقيات
ADs

شاركوني هموم وحلول لكل مبتعثه معها اطفال

شاركوني هموم وحلول لكل مبتعثه معها اطفال


NOTICE

تنبيه: هذا الموضوع قديم. تم طرحه قبل 2628 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. لانا كيفك سالت الاخ احمد خياط المتواجد في قسم امريكا وسالته بخصوص موضوع الخادمة وافادني بالاتي :

    بالنسبه للخادمه:
    اولا ان شاء الله تقومي بالسلامه والله يجعله من مواليد السعادة يارب..
    صراحة الافضل لكي انك ماتاخذي الخدامه معاكي.. لانه صراحة راح يترتب عليه مصاريف زياده وفائدة اقل..كيف؟ خلينا نسوي مقارنه بسيطه جدا بين لو انك اخذتي الخدامه معاكي او لا:


    بالخادمه:

    الميزات:
    - موجوده في البيت على طول.
    - ممكن تجهز الطبخ وترتب البيت.

    العيوب:
    - ماراح تقدري "قانونيا" تشغليها اكتر من ساعات معينه "اعتقد 8 ساعات او شئ"
    - الراتب عالي.. خلي في بالك راح تظطري تدفعي لها بالساعه..
    - اولادك ماراح يتعلموا منها شئ وراح ينحرموا من التطوير اللي ممكن يحصلوا عليه في مراكز رعاية الاطفال..او المدارس..


    بدون الخادمه:

    الميزات:
    - اولادك يدخلو مدارس او مراكز تطورهم في نواحي عديده ..منها اللغه ، النظام وغيره..
    - ترتاحي من قلق الاجراءات النظاميه والخوف من انها تشتكي او اي شئ..
    - توفري على نفسك سعر السكن.. بدل ماتاخذي غرفه اضافيه للخادمه.. وغير مصاريفها..

    العيوب:
    - قد تحتاجي للاكل بره البيت او الطبخ.. وكمان الاهتمام باساسيات البيت..

    معلومه اضافيه:
    هذا موضوع في هذا المنتدى للاخت "سعووديه" تستشير عن نفس موضوعك. اضغطي هنا.



    المصدر: اسأل أحمد خياط
    حفاظاً على حقوق الكاتب نرجو عدم حذف المصدر مبتعث



    الله يسهل امورنا
    7 "
  2. أهلين بيكم....
    نفس المعاناة هم الأطفال لكن أنا عن نفسي بأحطهم في حضانات ان شالله لأنه عندي 2 أعمارهم (2 ونصف و4 ونصف) وأنا سمعت انه الي فوق السنتين ترخصلهم الحضانات مو مثل النواني الصغار...
    وأنا بدخلهم حضانة حتى يعرفوا الانجليزي ويتعلموا مهارات جديدة وعلى حسب مابحثت ياأخت لانا لاتجيبي خدامه أحسنلك و دايما اسمع انه فيه سيدات عربيات هناك بيهتموا بالاطفال وياخذوا فلوس أرخص من الحضانة بس الأفضل حضانات طبعا
    اما اذا كان طفلك جدا صغير فأنصحك تأجلي البعثه أنا سمعت انه تقدري تأجلي البعثه للسنتين والله أعلم أو تجيبي أمك لبلد الابتعاث تهتم فيه..
    أنا فيه وحده من قريباتي حطت بنتها في السعوديه عند أمها الين كبرت بعمر سنه وأخذتها معاها بعد كذا في حضانه بس يبغالها أم بقلب حجر الصراحه أنا عن نفسي ماأقدر
    والله يسهلها علينا وعليكم يارب ويسخرلكم مين يساعدكم
    وياليت نسوي قروب للمتزوجات فقط نتشارك همومنا وحلولها
    7 "
  3. يا الله والله شايله هم بس احس بعد اني متفائله انا عندي ولد واحد جبته وانا بثاني كليه يعني قضيت سنتين من الجامعه وهو معي ومجربه البزارين وقت الدراسه والله العظيم بعض الاحيان كنت ما انام الا الساعه 4 الفجر واقوم الساعه 7 اداوم هههه خلاص تأقلمت ع الوضع مع ان الشغاله كانت موجوده بس سبحان الله ولدي يموووووت ويتعبني هو كذا ما يحب الشغاله تسوي له شي لازم انا يعني ما استفدت منها الا انها تخلص شغل البيت والحمد لله عدت على خير وتخرجت هالسنه ويالله راح نبدى من جديد بس راح احط ولدي بحضانه موثوقه وخلاص وشغل البيت ملحوق عليه وزوجي متفهم الحمد لله ومتعود على وضعي كطالبه وع حوسه البيت (احيانا) اهم شي المذاكره ههههه ان شاالله تتيسر وربي يهونها على كل ام وكل اب *
    7 "
  4. مرحبا ياامهات اكيد وجود الاطفال بالغربه شي مو سهل الله يسهل علينا يارب
    انا عندي طفلين بنت 8سنوات بثاني ابتدائي ولد 5سنوات
    انا معتمده على الخدامه كثير بس مارح افكر اني اخذها معي ابدا اشري راحه بالي احسن البيوت عندهم صغيره ماتحتاج وقت بالتنظيف
    بس شايله هم متابعه دراستهم بالبيت ووجود مدارس مناسبه لهم
    7 "
  5. يعطيك العافيه اختي هلاليه
    افدتيني كثير

    لونا
    من جد مانقدر نخليهم بنتي الصغيره على مانسافر يكون عمرها سنه وكم شهر
    واقنع امي تروح معي عالاقل لما تكمل سنتين
    وقلبي مو مطاوعني اخليها جاري التفكير
    وبنتي الكبيره حلو تنقبل في حضانه
    والثانيه لازم استأجر لها

    حلوه الروابط

    يعطيكم الف عافيه لكل اللي ردوا
    والله يسهل لنا
    7 "
  6. ااااه في احد زيي .. احيانا افكر الغي الموضوع كله بسبب ولدي
    وارجع اقول هي فرصه ماتتكرر
    انا بكون لوحدي بدون زوجي ..وجربت الدراسه مع الاطفال وبدون خدامه معاناه ما يعلم بها الا الله
    اول ماترجعين مهدوده من الجامعه بتنامين تقابيلنه وترضعين وتغيررين ولا جيتي بتذاكرين ماقويتي ولا جا الليل بتنامين سهرك
    ذا كله كوووووم ولا مرضوا بعيد الشر كوووووم ثاني

    جديا افكر اشيل خدامتي
    بس ودي بوحده تعرف احد شال خدامته وماصارت عواقب سلبيه للموضوع؟؟ بس عشان اصمل
    7 "
3 من 12 صفحة 3 من 12 ... 2348 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.