اللي مقدمين على قانون رجاء ادخلو وشوفوا القرار اللي اتخذته وشكرا لكم

قرارك صائب وبالتوفيق

انا عن نفسي تخصصي دراسات اسلاميه وبكمل ماجستير قانون ان شاء الله في كندا وسالت مسؤوله بالوزاره قالت مافي مانع لانه الدراسات الاسلاميه تدخل بالشريعه وبرا يعتبر قانون اسلامي وان شاء الله يعادلونها ماجستير مو دبلوم عالي وبالتوفيق للجميع

مشكووورة اختي العزيزة على ردك ويعطيك العافية ... وجزيت خيرات كثيرة ... فكرة حلوة .. وراح اسويها ان شاء الله ... واشوف كاحد الحلول ,,,,,

والتخصصات التي ذكرتيها موجودة في برامج ماجستير ودكتوراة جامعة طيبة ..... بس بصراحة انا ما افضلها ...

وتلمين يالغالية على النصائح المفيدة وبارك الله لك ووفقك اينما كنت

التسويق مستقبله اقوى من القانون بمية مره لاتقللي من قيمة قسم وترفعي بقسم القانون بالمملكه الشباب مو لاقين وظايف انتي بتلقين انا اعرف واحد ماستر قانون جيد جدا مرتفعوعطاله 3 سنين وبالموت لقى وظيفه وبالتوفيق

نفس الشي كان ودي قانو

أنا تخرجت ادارة ماليه وناوي اكمل ادرس JD ف امريكا وعلى حسابي مبدئيا ومن هناك اقدم على الإلحاق، بما أن معدلي لا يسمح لي انو ابتعث من هنا والقانون حصري لتخصصات معينه مثل الشريعة في برنامج خادم الحرمين للإبتعاث, بس اللي مؤرقني هل بيلحقوني وانا خريج ادارة ماليه وبدرس JD في البرنامج ولا لا؟؟؟ بجد محتار وخصوصا أني قاعد احظر لإختبار LSAT عشان احصل على قبول، بس أخاف بعد هذا التعب كله يقولون لي معليش ما نلحقك لازم اولا تغير التخصص

وأنا جدا مصمم على هذا التخصص وراضي حتى لو يعادلونه إلا بدبلوم، بليز ساعدوني لأني أمشي وفوق راسي أنواع الإستفهامات وبجد متخوف، الله يعطيكم العافيه وشكرا من كل قلبي لهذا المنتدى الجبار

مشكووورة اختي ومعك حق في كل اللي قلتيه ... وانا غلطانة المفروض اني ما اقلل من قيمة اي تخصص ,,,
بس من رأيي الشخصي انا افضل القانون ... وخلي الرزق على الله ما عاد صرت اهتم اذا كان هاتوظف ولا لا ,,, بقدر ما يهمني طلب العلم وتنمية الفكر والشخصية ....
اما البطالة هذي ورانا ورانا وابشرك كمان بعد عودة الاف المبتعثين هنشوف قمة البطالة والامية الوظيفية ... هذا كلام متشائم ,,
من الواقع اللي شايفينه ... وعايشينه ..
نتفائل ونقول ان الاوضاع بعد خمس .. عشر سنين هتتغير ان شاء الله للاحسن ... ومشكورة يا غالية عالى مرورك ويعطيك العافية

1 - ضروري اخوي تنزل استفسارك هذا في منتدى الدارسين على حسابهم الخاص .
2- أسال في الوزارة وخذ منهم الخبر الخبر اليقين لانه هذا اللي انت بتسويه مخاطرة .لازم تمشي في طريق واضح المعالم .
3- وانا كمان بحضر لاختبار LSAT , بدل مانا فاضيين وننزل مواضيع نتخاصم داخلها . هو فعلا خوف انه تعبنا يروح بلاش .. لكن لها ايجابية انه اتعلمنا ومشينا شوط طويل في اللغة ..


وان شاء الله بقية الاعضاء يردوا علينا ... واللي عنده معلومة لا يبخل علينا بها ... انا شايفة اعضاء وزوار بيدخلوا يشاهدوا الموضوع وبيخرجوا ...

أسال الله ان يختار لنا مافيه صلاح ديننا ودنيانا ومعاشنا وعاقبة امرنا ,,, في كل شيء ..

الله يعطيك العافيه وراح انزل الموضوع ف المنتدى الثاني، وشكرا ع النصيحة وتعاونك، ويا رب لا يضيع تعب

بشر يا هاجس

دخلت اختبار الــ LSAT؟

السلاام عليكم، انا قبل ثلاث سنوات لجئت لهذا الموقع بحثا عن حل، وللمشاركين في هذا الموقع افضال كثيرة بمشاركاتهم في هذا الموضوع ومواضيع اخرى افادتني جدا جدا جدا. ، واليوم وصلني استفسار وانا نسيت الموضوع هذا وكمان بصراحة ما عرفت اطلع الموضوع بما اني ما اعرف للمنتديات كويس. ولكن حبيت ارجع اشارك بتجربتي علها تفيدكم ولاتنسون الدعاء للي ذكرني ولي

وعليكم السلام
مافيه ازعاج ابدا. وقت التقديم وجدت معلومات قليلة جدا عن الموضوع هذا بالعربي، واضطريت اقصر بحثي عن الموضوع هذا على مواقع الجامعات والمنتديات الانقليزية،ولكن اكتسبت خبرة جيدة في الموضوع هذا، ولكن من أجل تعم الفائدة وعسانا نلقى جميعا دعوة ارجوا انك تنقل ردي التالي لاستفساري او مشاركتي، حاولت ابحث عن مشاركاتي اول وما عرفت القاها. وما كنت اتوقع احد بيستفيد، ولكن بما انك سالت وانا تاخرت عليك بعطيك رد مفصل، واذا بقي لك استفسارات اسال وانا اجاوب اللي اعرفه.

انا بديت تقديم واختبرت بس للاسف اكتشفت بعدين اني ما اقدر التحق بالبعثه اذا بجي ادرس درجة JD. ولكن اكتسبت معلومات عن هذي الدرجة وقبولاتها.

القبول فيها يحتاج درجة عاليه في التوفل، عاليه جدا. وايضا اقدر اجزم ان مافيه برنامج واحد في امريكا معترف فيه يدرس JD وما يشترط LSAT. هو عباره عن اختبار قبول طويل ويحتاج سرعة وذكاء وتركيز واي شي يخطر في بالك. آنا ما اقول انه مستحيل، ولكن باختصار يحتاج له تحضير مكثف او ذكاء خارق عشان تجيب درجة تدخلك لجامعةكويسه. ودراستها مدتها ثلاث سنوات موادها نظرية وصعبة ومعقدة للي ما يهوى دراسة القانون

عموما، درجة JD درجة قانون في امريكا ما يدرسها الا فقط الطلبة اللي معاهم بكالوريوس. يمعنى اخر، في امريكا ما تقدر تدرس محاماة الا اذا خلصت بلكالوريوس في اي تخصص علمي او غيره، والدرجة هذي لا تعتبر ماجستير، وحتى في السعودية، لا تعتبر الJD ماجستير وتقدر ترجع لموقع الوزارة في نظام الجامعات والشهادات الموصى بها. انا تخرجت من الجامعة وكنت اطمح ادرس قانون وبديت اجهز للتقديم حظرت ما يقارب ٣ أشهر لاختبار LSAT بشكل مكثف، وكان صعب جدا من ناحية المحتوى واللغة بالرغم من ان اجيد الانقليزية، حتى الامريكان يجدون اللغة صعبه. بعد الاختبار والتعب اكتشفت اني ما اقدر التحق بالبعثة اذا حبيت ادرس هذي الدرجة وحتي لو جبت لهم قبول نهائي، لانه ما يحق لك تدرس الا امتداد لتخصصك. وهي مدتها ثلاث سنوات ودراستها جدا جدا صعبة وتحتاج لغة ممتازة جدا جدا. ولكن، اذا كنت خريج شريعة او قانون، تقدر تدرس ماجستير قانون في امريكا وهي معترف فيها من قبل الوزارة وتقدر تنظم للبعثة وبسهوله كمان. لانه يوجد جامعات كثيرة في امريكا تقبل طلاب سعوديين يلتحقون ببرامج الماجستير في القانون خريجين قانون او شريعة من السعودية. والاهم من هذا كله، انه يوجد عدد لا بأس به من الجامعات لا تشترط اختبار ال LSAT للماجستير. بس احسب حسابك للغة الانقليزية. لازم تكون تجيدها بطلاقة.

بالاضافة: انا ركبت في رحلة بالصدفة بجنب محامي كبير وقت ما كنت اقدم على جامعات عشان هذي JD، واستشرته في دراسة القانون وكان رده لا تفكر حتى لاني كمحامي ما ابغى واحد جاي دارس بس قوانين وضعية، احتاج خريج شريعة عشان اوظفة عندي وينفعني. ويمكن تعرف ان المحاماه كوظيفة تبدا كانك متدرب، فقالي انا مستحيل اشغل في مكتبي خريج قانون من امريكا لاني ما بقدر استفيد منه. يمكن يكون غلطان شفت طلاب هنا يدرسون قانون مبتعثين. او لديك مخططات اخرى للدراسة غير المحاماة.

الزبدة: الدرجة هذي ما بتنفع لك الا اذا بتدرس على حسابك ويكون عندك بكالوريوس وتجي درجة معقولة في اختبار LSAT. ولكن هل هي مجدية؟ يعتمد عليك. واذا كان تخصصك شريعة او قانون، حرام تضيع وقتك وجهدك وماتبدا ماجستير على طول. واذا كنت تبغى تجي تدرس، انا اقدر اساعدك في القبولات، انا جبت قبولات JD, وماجستير في تخصصات مختلفة للبزنس والحاسب والتمريض وتخصصات كثير للبكالوريوس، وانا كمان مبتعث.

معليش ما اعطيتك اخبار حلوه، بس اتمنى افادك ردي، بس اتمنى تشارك ردي في المنتدى العام تحت موضوعي اللي لقيته عشان لا تتعب احد ولا احد يدعي لك ولي دعوة مابينها وبين الله حجاب. وبالتوفيق

أخوك سعد