حوار بخصوص معاهد اللغة : ماذا تختار ؟ معهد تابع لجامعة أم معهد تجاري؟ أسبابك ؟

اللي أعرفه وسمعت فيه يمديك تغير المعهد اللي تبيه او تترك الخيار للمكتب ليلحقك بأي معهد

لأن الوزاة تقوم بالتنسيق مع عدة مكاتب لأنهاء إجراءات المبتعثين بخصوص قبول المعاهد والمكتب راح يتصل عليك او رسالة

من الوزارة تفيد بوجود اوراقك عند المكتب الفلاني واللي عرفته ماياخذ اي مبلغ من المبتعث والوزارة هي من تقوم بالدفع

للمكتب

كما سمعت وقرأت وأحد الأصدقاء أفادني بتلك المعلومات

تحياتي

مافي شي اسمه مجانا

اول شي دراسة لغة وكحد أقصى سنة وست شهور وهذا راح يكون على الضمان المالي اللي بتاخذه من الملحقية وماتدفع شي

وبمجرد حصولك على الضمان المالي تبدأ الدراسة في المعهد وعاده الضمان المالي من الملحقية مدته 3 شهور ويتجدد عن

طريق مراسلتهم قبل ماينتهي الضمان

صراحة احيك اخوي على طرحك للموضع الاكثر من رائع والذي يهم الكثيرين. تعليقي على الموضوع هو ك التالي:

اولا ادخل على المعاهد التجارية:
المعاهد التجارية همها الاول والاخير هو الماده وتحصيل اكبر مبالغ ممكنه من الطلاب وانها ترسب الطلاب لـ غرض تحصيل المزيد من الماده وانا ما انقل هذا الكلام عن تجربة شخصية لاكن هذه تجربت بعض الاخوان الله يعوضهم. نجي على نقطة المستويات صحيح ان المعاهد التجارية تخلص كل مستوى في شهر واحد لاكن عشان تجيب المستوى المطلوب لـ دخول الجامعات يبغالك حوالي ال 12 الى 15 شهر عشان تجيب المستوى المطلوب الي يأهلك لـ دخول الجامعات سواء كانت في امريكا او اي دولة اخرى.ندخل على نقطة التكلفة المعاهد التجارية تكلف مبالغ مبالغ فيها.

ندخل على المعاهد التابعة للجامعات:
همها ليس تحصيل المادة فقط وإنا تخريج طلاب بـ كفأة عالية لأن اسم المعهد مرتبط بـ سمعة الجامعة في هذه الحالة المعهد لازم يبذل اقصى جهده في تعليم وتحصين الطلاب سواء عليما او حظاريا. نجي على نقطة المستويات صحيح البعض يقلك المعاهد التابعة للجامعات تاخذ من شهرين الى 4 شهور في المستوى الواحد لاكن وأضع تحت لاكن مئة خط عدد المستويات في اغلب الجامعات هو من 6 مستويات. نجي لـ اهم نقطة وهي الفاصل القاطع بينهم وهو ان المعاهد التابعة للجامعات الاغلبية منها بعد ما تخلص المستويات المطلوبة منك تختبر التوفل حتى لو ما جبت الدرجة المطلوبة تدخل الجامعة هذا يعني ان المعهد يظمن لك مقعد في الجامعة وهذا الشئ حصل مع خالي في ولايت كونتيكيت في جامعة هارت فورد خلص من المعهد وجاب 520 في اختبار التوفل مع ان الدرجة المطلوبة لـ دخول الجامعة هي 550 لاكن بما انه درس في معهد الجامعة فهو له الافضلية بـ دخول الجامعة.

وهنا نأتي بـ زبدة الكلام على قولهم المعهد التابع للجامعة هو الافضل من كل المقاييس

اتمنى ما اكون طولت عليكم في الكلام وفي كلام كثير غيرو بس ذا كل الي جاي في راسي هع


اخوكم: محمد مصلح الشريوفي

تحية طيبة للجميع
اناعندي استفسار بسيط بغض النظر عن موضوع المعاهد, المهم في الموضوع هل استطيع التحدث والفهم والمشاركة داخل قاعة المحاضرات بعد انهاء فترة اللغة المحددة من الوزارة, ارجوا من الاخوان والاخوات اصحاب الخبرة الرد .
مع خالص تمنياتي للجميع بالتوفيق في الدنيا والآخرة ............

يااخوان ارجوا الرد لانه مهم بالنسبة لفضولي
شكرااااااااااااااا

اللي يبي يكتب موضوع كيف ؟

مررره شكراً على الموضوع استفدت كثير وبنفس الوقت زادت حيرتي

انا لغتي مو مره قويه , صح اقرا كويس و افهم واتكلم بشكل بسيط لكن لغتي تظل بسيطه على الدراسه الاكاديميه
لذلك انا مره محتاره ,, هل ادخل معهد تجاري في البدايه بعدين احول على معهد تبع جامعه ؟
ولا ادخل معهد تبع جامعه على طول ؟؟

انا ماعندي مشكله بكثرة الدراسه و الواجبات .. اصلاً انا رايحه عشان ادرس فـ مايفرق معايا الموضوع ابداً ,, لكن اللي خايفه منه انه يكون معهد الجامعه اكبر من مستوى لغتي بالتالي هنا راح اتعب كثير وما اقدر اجاريهم

ايش تنصحوني ! :S

شكـــــــرا لكـــــــــ ع الموضوعــ القيمــ

أكيد معهد تابع للجامعة للاسباب اللي ذكرتي

>>>>>>>>>>>>>>>>>>>>>>>>>????????????>>>>>>>>>>>>> >>>

السلام عليكم و رحمة الله و بركاته
أشكرك يا أخي على الموضوع المهم جدا و هي المرحلة الأساسية اللي راح تحدد مصير الابتعاث.
أنا أطلب رأيكم بخصوص مساعدتي للاختيار الأفضل و المناسب لوضعي .
أنا محدده لي السنوات التي سوف أقضيها بالدراسة بالخارج و ذلك بسبب ظروف المحرم. و أنا عملت لنفسي جدول زمني
لكل مرحلة حتى أكون ملزمة بالاجتهاد و بذل أقصى امكانياتي للنجاح .و الحمد لله بالنسبة لي تعلم اللغات ليست
مشكلة و إنما هي هوايتي المفضلة التي استمتع بها في أوقات فراغي و بفضل من الله تمكنت من إتقان اللغة الانجليزية
و حضرت نفسي لاختبار التوفل و كل هذا اجتهاد شخصي و في زمن قياسي وضعته و كان ذلك قبل موضوع الابتعاث و لكن بما أن بلد الابتعاث لغته الأصليه ليست الانجليزية و أنا سوف أدرس فيه بسبب وجود المحرم و ثاني سبب انني مقتنعه به غير أن اللغة قريبة من الانجليزية .
و أنا انسانه جديه و احب الالتزام و الانضباط في الدراسة كما تقدمها المعاهد الجامعية و لكن بشرط عدم وجود مده مخصصه و انما يكون على حسب الاجتهاد الشخصي بعكس التعليم بالترفيه الذي يقدم في بعض المعاهد التجاريه مثل المعهد التي تدرسه فيه صديقتي التي أمضت 6 شهور في احد هذه المعاهد و مستواها لم يتقدم إلا بنسبة بسيطة مقارنة بالمدة التي أمضتها .
الرجاء مساعدتي على حسب ظرفي لأنه قرار مصيري بالنسبة لي.
و عذرا على الإطالة .