بسم الله الرحمن الرحيم
اللهم صلي وسلم على محمد وآل محمد الطيبين الطاهرين وعلى صحبه المنتجبين أجمعين
أولاً أعتذر على تأخيري في الإجابة والسبب ان مانتبهت للأسئلة الي جت بعد آخر رد أنا رديت عليه
وقتي مضغوط شوي فباحاول أجاوب على أكبر قدر من الأسئلة الحين والباقي بعدين إدا ماكان في وقت
والاجابة بالترتيب
اختي وجدان جدة
http://www.mbt3th.us/vb/forum134/thread223667.html
هذا الموضوع بفيدك إن شاء الله
وردة غلا
بصراحة مادري من وين بالضبط تقدري تجيبي الاثبات ومادري ليش أصلاً المعاهد تبي اثبات
أعتقد تقدري بنفسك تجيبي لك قبول بدون ماتقولي انك مبتعثة وبعدين تقدمي القبول للوزارة وترسلي بعدها ان انتي أخذتي منحة من الوزارة عشان يعدلوا لك الآي توني ويكتبوا فيه ان الوزارة هي الي بتدفع وبعدها تطلعي الفيزة كطالبة مبتعثة من الوزارة
أو طريقة ثانية ان تروحي للوزارة حي الغدير في الرياض وتطلبي منهم خطاب عشان ترسليه للمعهد الي أخوك بجيب لك قبول منه
أما بالنسبة للـ I-20 فلا تخافي مابروح عليك لأن تقدري تمدديه لو حبيتي
doda
تفضل هذا الرابط بفيدك ان شاء الله
http://www.sacm.org/ArabicSACM/Emergency.aspx
كلي خجل
بختصار ان تفتحي موقع الجامعة وتروحي لصفحة التسجيل وتعبي الأبلكيشن وتشوفي المطلوب منك عشان ترسليه لهم عبد البريد وتنتظري ردهم عليك
نصيحتي ان تنتظري لين ما الوزارة تعطيك قبول المعهد عشان تعرفي انتي في أي ولاية بتكوني لأن النقل من ولاية لثانية ممكن يسبب لك هدرة فاضية مع الملحقية إنتي وحظك من المشرف عليك
شوق الريم
بصراحة مافهمت سؤالك
انتي تقصدي ان المكاتب ماقدرت تجيب لك قبول!!!
إدا كان هذا هو سؤالك فالجواب ان بحولوك على الرغبة الثانية ثم الثالثة ...إلخ
وهالشي بالنسبة لطلاب أمريكا مايصير يعني دائماً يقدروا يجيبوا القبول
طبعاً انتي ماحددتي ادا انتي ماستر أو دوكتوراه أو بكلريوس فاجابتي بشكل عام
أما إدا انتي تقصدي ادا انتي ماعجبك القبول الي جابوه لك المكتب فتقدري تعترضي عليه في حالة ان عندك قبول ثاني وأسباب مقنعة
اما ادا ماعندك قبول فمافي مشكلة ادا اعترظتي لكن بشرط ان اسبابك مقنعة وعلى الأغلب بقولوا لك انتي جيبي لنفسك قبول
الحبر الأحمر
حبيب قلبي كانت مشاركاتك داك اليوم اعتقد 127 وانا 128 وش وصلك الى 839 :s
عندك واسطة من ورانا :@
هههههههههه
اعذرني يالغالي لكن لو كنت قريت الموضوع من البداية وقريت ردودي ماعتقد انك كنت بتسأل هالسؤال
الي مفروض تسويه انك تداكر لغة أو تداكر شي يفيدك بدال تضييع الوقت والوزارة هي الي بتجيب لك قبول الشهر الجاي ان شاء الله وبعدها بحددوا لنا متى نقدم موعد للفيزة أو يمكن الملتقيات تكون قبل الله أعلم وبعد مانطلع الفيزا بالقبول الي بتجيبه لنا الوزارة وفي الموعد الي بتحدده لنا الوزارة بنروح الرياض عشان نصدر قرار ابتعاث وبعدها بناخد أمر اركاب وبعدها بنقطع التذكرة وبنجهز أمورنا عشان نسافر وبتكون انت جنبي في الطيارة وانا غيران منك بسبب عدد مشاركاتك الي غابطنك عليها ههههههههههههههه
أتمنة فهمت الملخص وادا تبي التفصيل اقرأ ردودي من بداية الموضوع
دلوعة85
خدي راحتك اسألي لين مايبقى عندك ولا استفسار وان شاء الله ادا أقدر أجاوب ماباقصر
طبعاً أنا مثلي مثلكم يعني لا تتوقعوا ان عندي معلومات في كلشي
المهم نجي لأسئلتك
ج1:ابتدائاً من منتصف نوفنبر بتم ارسال القبولات يعني مو لازم توصلك انتي من البداية
وصح كلامك بعد مانستلم القبولات نقدم على موعد للفيزا الي بتحدده لنا الوزارة وهي لسة ماحددته
الأوراق الي تحتاجي تاخديها معاك تلاقيها هنا في هالرابط
http://arabic.riyadh.usembassy.gov/visas/----.html
وأي حاجة مو مكتوبة وتعتقدي انها ممكن تفيدك عشان يقبلوا فيزتك فاحمليها معاك
وماعتقد ان احنة طلاب المنح بنحتاجها لأن في علينا توصيات من نفس الوزارة (إلا إدا شافوا ان كنة مثلاً تبع تنظيم القاعدة أو عندنا سوابق مع ارهابيين وباقي الكلام الفاضي الي والله أعلم ماعتقد احد فينا عنده مخالفات خطيرة مثل هذي)
أما بالنسبة لمحرمك فتفضلي هذا الرابط
http://www.mbt3th.us/vb/forum134/thread223667.html
ج2:ماعندي اجابة الا على الفقرة الأخيرة عن طريقة تقديمه للمعهد فكل الي عليه ان يفتح موقع الجامعة ويعبي طلب الالتحاق ويشوف وش بيطلبوا منه وتقدري بعد تطلبي هالشي من المكتب الي بجيب لك القبول وهالشي بتلاقيه في الرابط الي توني كاتبنه لك
اعذريني على القصور
ج3:آآآآآآآآآآآآآآآآآآآآآه لو كنتي بتولدي بعد 5 شهور كانت نونتك بتاخد الجنسية الأمريكية وتقدري انتي وأبوها تاخدوها دام ان بنتكم أمريكية بتصير وفي هالحالة مابتحتاجي لا لفيزة ولا لهدرة فاضية
ان شاء الله تجي على خير وتكون ذرية صالحة تقر عينك وعين أبوها يارب
لكن بصراحة ماعندي اجابة بعد لكن أظن انك مفروض تكوني كتبتي ان عندك بنت في الورقة الي طلبوها كنك الوزارة قبل موعد التدقيق اعتقد كان اسمه نموذج الالتحاق بالجامعة
اتمنة ادا مالاقيتي اجابة من أحد ان تراسلي الوزارة أو تكلميهم بالأصح تتواصلي معاهم أياً كانت الطريقة
آسف أجوبتي ماكانت وافية الك اعذريني
ميمي 11111
الله يعافيك ان شاء الله والله لا يحرمني لا من دعائك ولا دعاء بقية الأعضاء ولا دعاء المسلمين والمسلمات ولا دعاء المؤمنين والمؤمنات<<أنا طماع
وماسويت أنا إلا الواجب اخت ميمي
بالنسبة لأسئلتك
لم انتي تسأليني بكلمة يقدر
اي يقدر
لكن هل هالشي أفضل أو لأ فيها كلام
http://www.mbt3th.us/vb/forum134/thread223667.html
هذا الرابط رسلته أكثر من مرة في هالرد وأتمنة يفيدك
بالنسبة للأبلكيشن فأنا مادري ليش مستعجلة ان تاخدي لك موعد
ترى الوزارة بتحدد لنا أيام مخصصة فإنتي حتى لو عندك اسم الولاية ...إلخ فلسة بتنقصك معلومة الموعد
بصراحة مادري ادا تقدري تخلي هالخانات فاضية أو لأ
انتي جربي وادا نفع فكان بها
مع ان نصيحتي ان تنتظري لين ما الوزارة يعطونا القبولات ويعطونا الموعد الي يبونا نقدم فيه
الا ادا كان عندك قبول فتقدري تقدمي على قبولك وبعد ما الوزارة يعطونا القبولات والموعد تقدري تعدلي بياناتك<<بشرط قبل موعدك بيومين أو الأفضل للاحتياط 3
مابغى أقول لك ان اكتبي لهم أي كلام وبعدين يكتشفوا انك كتبتي انك مقبولة في المكان الفلاني والحقيقة انك مو مقبولة فيه فأفضل الانتظار بالدات ان العجلة هذي مامنها فايدة اطلاقاً<<لك الخيار
ولو جاء موعد أي آدمي في الدنيا وهو لسة ماستلم الـ I-20 عادي جداً يروح وهناك بخلوه يوقع على تعهد ان يرسل لهم الآي توني أول مايوصل له
وعلى فكرة يقدر يغير موعده مرتين
أتمنة أكون أفذتكم أما بالنسبة لبقية الأعضاء الي كتبوا أسئلة فعذروني تعبت شوي وأنا مستعجل فلي عودة ان شاء الله
أسألكم الدعاء بالتوفيق والراحة النفسية والهداية والجنة وغيرها من خيرات الدنيا والآخرة
والسلام عليكم ورحمت الله وبركاته
يعطيك الف عافيه على الرد الوافي
ماقصرت اخوي..
طيب عندي سؤال بالنسبه لمرافقي " زوجي" هل يقدر يحجز موعد من الان بشرط يكون الموعد بعد الملتقى !! .......
والابليكيشن اللي رح نعبيه للموعد .. مكتوب فيه اسم الولايه والجامعه والـ I20 .. لو كنت بحجز موعد قبل لا يجيني القبول
اخلي الخانات هذي فاضيه والا كيف؟؟
طيب لو جاء وقت الموعد وهو لسى ما استلم قبول المعهد تبعه .. عادي لو راح الموعد بدونه ؟؟