مستحيل اتخلى عن ابتعاثي وش الحل :( مقهورهـ

لا حول ولا قوة إلا بالله .. الله يكون في عونك ويصبرك , لا توقفي محاولات .. بس حاليا انسي الموضوع نهائيا ولا تتكلمي في الموضوع ابدا لحد الملتقى بأسبوع .. وكلميه بطريقة عادية جدا يعني لا تبيني انك زعلانة ولا انك فرحانة, عادي بشكل رسمي جدا ..
إذا سألك : خلاص هونت عن البعثة ؟ قولي ماأدري ! ولا تتكلمي عن الموضوع انسيييييييه !
قبل الملتقى بأسبوع أطبعي له ورقة فيها كل شئ عن مزايا الإبتعاث والدراسة في أمريكا وفي الولاية الي بتروحوا فيها ,, وقولي له لو لي خاطر عندك أقرأ الورقة بتركيز وفكر في الموضوع بجدية ورد عليا بعد يوم او يومين .. بشرط ما تستشير أحد أبغاك انت تفكر في الموضوع لوحدك وقولي شعورك ومخاوفك وكل الي في بالك بعد يومين ... وان شاء الله راح تتناقشوا فيها بهدوء تام بدون تدخل احد
وان شاء الله ياااااااااااااااااااااااااااااااااااااارب يااااااااااااااااااارب يلين قلبه ويقتنع .. الله يكتب لك الي فيه خير *

لا غلطانـ اخوي هو مو خسرانـ شي يعني لو بيروح بيعدل منـ مستواهـ المعيشي
وراح نطور من قدراتنا لو هو بيخسر شغلهـ واللهـ منـ عيوني اتناااازل بس دامهـ ماخذها عبط واستهانهـ باحلامي
فالموضوع هذا بيبنـ نفسيتهـ اتجاهي وانانيتهـ
ومنـ قال لكـ اني بتركـ بنتي مستحيل اتركها ولو ترجع لردودي السابقهـ بتشوف لي رد اتكلم اني بدخل بنتي
حضانهـ علشانـ تستفيد وبالعكس هو مايتحمل انتي اتركـ بنتهـ عندهـ لأن ماعندهـ أحد يداريها يعني اكيد بتكونـ بنوتتي العسولهـ معي
ويسلموووو على خوفكـ وحرصكـ علي

تسلمينـ حبيبتي ع النصيحهـ مع انها صعبهـ علي بس اذا لم اللهـ شملنا بطبقها
واللهـ يسوي اللي فيهـ الخير
وموفقهـ ياقلبي

شوفي خلك عقلانية ومو مطلوب منك تتخلين او تتنازلين عن اي حلم او طوح او امل فقط لان شخص آخر لايراك قادرة على الانجاز
وصادف ان هذا الشخص زوجك لكن هنا يأتي دورك لاتستسلمي ولايهمك من يقولك مالك الا زوجك وبنتك وبيتك

وزوجك ماله الا نتي وبنتك عشان كذا لازم يقدر رغبتك ويحترمك ويتنازل ترا التنازلات والتضحيات مش حق محتكر للمرأة والام والزوجة

ما ودي ارد بطريقة قاسية واقول الحقيقة هي ان مافي شيء يدوم للفتاة بـ ايامنا هذه الا دراستها وعلمها وعملها وراتبها وحتى العيال منتي ماخذه منهم غير الشعور الجميل بـالامومه وبيروحون وبينفصلون عنك تدريجياً كل ما كبروا

اما طريقة زوجك فـي تعاملة فهي غير مقبولة ويستغل وجود النظام في صفة وانك محتاجة موافقتة فتصير ردوده لعبه وبمزاجة

اقطعي الشك باليقين وقولي له اريد الذهاب ولا اقبل رفضك حاول ان تتأقلم مع الموضوع بنفسك وفكر بهذا جيداً وتذكر لو كنت انت مكاني ماذا سـ افعل سوف اساندك بكل تأكيد.

أروووع منـ هيكـ كلام مافيهـ منـ جد تأثرت
منـ داخلي احتررررق مب راضي يفهم احسهـ مو مهتم بردة فعلي وزعلي
تسلمين فديت قلبكـ على ردكـ اللي يشجعني أكثر ويقوي عزيمتي واصراري

السلام عليكم

اختي ..الله يهديك بس .. يعني اشوف لو ما يطلع هالموضوع بينكم .. اهو كبير وانتي كبيره ..والمفروض يكون في حل متفق عليه بينكم بدون تدخل اهله او اهلك او حتى شباب المنتدى

لو حبيتي مساعدة من المنتدى .. عطينا رقم زوجك ونتفاهم معاه ... غير هالحل ماراح يغير راي زوجك اي رد من ردود الاخوة الموجودين هنا ومن ضمنهم انا .

و عادة الرجال في كل مكان مايحبون زوجاتهم يفرضون رايهم عليهم ... بطرح لك مثال بسيط ..حصل لي شخصياً .

كنت خاطب بداية 2009 ... ولما فتح التسجيل في الابتعاث هذه السنه, بلغت خطيبتي اني راح اسجل .. ولا شفت الا اتصالات من اهلها في اليوم الي بعده.. مسكت نفسي .. وبلغت خطيبتي ان الي عملته اكبر خطا .. والمفروض ان اي شيء يصير مايطلع بينا ... وانا بنفسي زدت عناد ..وقلت لأهلها بسجل وبروح غصباً عن الي يرضى والي مايرضى ... وفعلا حصلت مشاكل امتدت لشهور .. لكن انا كل مرة ازيد عناد .. وصلت المشكلة الى الطلاق لولا تدخل كبارية العائلة من الطرفين .. واهلها في الاخير رضوا .

الزبدة من الكلام ... انتي بهذا الاسلوب راح تزيدية عناد .. اذا انتي تحبيه وتبغينه ...اقنعيه بأسلوبك انتي .. الحمدلله اشوف ان بينكم عشرة لا بأس بها حتى تفهموا لبعض .. يعني المفروض تعرفي نقاط ضعفه و نقاط قوته .

في حريم غيروا اسلوب حياة ازواجهم بعضهم الى الاحسن وبعضهم الى الاسواء .. حتى بعضهم خلت زوجها يحارب اهله ... وكل وحدة واسلوبها .

في الاخير ..و مع احترامي الشديد لنا معشر الذكور .. انا اعتقد ان الرجال يمكن يكون قوي برا البيت و محد ياخذ حقة ...لكن ضعيف قدام زوجته .. ما اقصد ضعيف يعني خايف ... بس لان الزوجة بمعناها الحقيقي هي مرجع الرجل وفيه يودع اسراره ويطلع الي في قلبه ..

وفي ايه في القران .. حلوة حيل تقول

(ومن آياته أن خلق لكم من أنفسكم أزواجاً لتسكنوا إليها)

فكري في الموضوع قليلاً بينك وبين نفسك ..

اتمنى لكِ التوفيق

عجبني كلامكـ بس عندي كم نقطهـ أخي الكريم
انا ماطلعت الموضوع الا عندي ثقهـ فيكم واكيد راح استفيد منـ خبرات البعض اشوفكم انتوا اهلي وأقرب ناسي
والحمداللهـ منـ خلال الردود ماخاب ظني وتأكدت منـ طيبة قلوبكم وحبكم لمصلحتي
وكلامكـ ان الرجال مايقبل لحرمهـ تفرض رايها عليهـ اشوف أنـ هالرجل ناسي انـ المرأة أنسانـ لهـ راي وطموح وامال
بس هو من حقهـ يتخذ قرارات وهي حتى ابداء الراي ممنوع عليها ليش احنا وينـ عايشينـ ؟ ليش نهضم حقوق بسيطهـ سهل مراعاتها وانا ما أعم هالكلام على جميع الرجال لأني عايشهـ بينـ اخوانـ ماشاء اللهـ عليهم يقدرونـ الفرص سواء كانت لهم أو لزوجاتهم منـ غير تحكم أو تسلط واصابعكم مو سوا بس للأسف في رجاااال مايحبونـ الخير لزوجاتهم
ومايحاولونـ يصلحونـ اللي بداخلهم حتى لو كانـ غلط
تسلم اخوي على ردكـ واهتمامكـ

حبيبتي انتي
الله يسهلك .. انا واثقة فيك اللي روحة حيه زيك لايستمر الا اذا تغير بحاله وحياتيه للاحسن
لاتحترقي خففي من وطأة الموضوع في داخلك وتذكري انها مو بس قضيتك بل قضية الاف مؤلفة
بنات ازواجهم منعوهم وبنات اخوانهم وعمامهم و عيال عمهم وتحكم وتحطيم فقط لانها انثى وفقط لان النظام لايثق فيها ويعاملها كطفل
عاد تخيلي من الاف المؤلفة كم واحدة بتطلع لنا مثل الدكتورة غادة المطيري اللي فازت بجائزة عالمية في مجال الطب واللي لو كانت هنا ماشمتها لانها بنت وبس
واذا احد يبي دليل ثاني تقدرون تسألون اخواننا المبتعثين واللي متواجديين بالمعاهد والجامعات اسألوهم الحكم ايهم يبدو مهتم اكثر للدارسة الشباب والا البنات الاغلب البنات هذا معروف

اللي بقوله لك حبيبتي .. باقي شهور وشهور على البعثه والسفر والتصميم سلاح لايقاوم
اذا كان ربنا سبحانة وتعالي مع التصميم على الدعاء يستجيب
الامر شبة نفسي وفي اللاوعي ظلي زني وتكلمي وقولي له انا مقرره فقط استشيرك لاني اريد دعمك ولانه يهمني ان يكون قلبك معي ..

اانا شبه واثقة انك بتروحين

بالتوفيق

انا مع اثيييير كلامها عين العقل ..!

حبيبتي شهادتك بس هي اللي بتبقى لك ..!!

لاتتخلين أبداً عن فرصتك في الابتعاث !

والله يعيينك

حبيبتي انتي انـ شاء اللهـ ربي يسمع منكـ
ومنـ ناحية الزنـ لاتوصينـ حريييصهـ ^_*