مستحيل اتخلى عن ابتعاثي وش الحل :( مقهورهـ
مستحيل اتخلى عن ابتعاثي وش الحل :( مقهورهـ
تنبيه: هذا الموضوع قديم. تم طرحه قبل 4936 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - 7 "احساس طفلهـ
لا ماحد تفاهم معهـ لأن هو مو مستعد يتفاهم ولا يفتح حوار - 7 "خذوها مني الزوج بداله عشررررره بس الشهاده والفرصه للانسان ماتتكرر ..
الفرصه الحقيقيه تجينا مرا بالعمر يانستغلها صح يانضيعها من يدينا ونجلس طول العمر نتحسر عليها .. وانا عن نفسي اشوف البعثه هذي اكبر فرصه لنا خصوصا" حنا يالبنات شايفين كيف المجتمع الي عايشين فيه .. وشي حلو ان اهلك معك ياشيخه احمدي ربك في كثير بنات اهاليها مو موافقين على البعثه كيف عاد انها ممكن تتخسر زوجها عشان الموضوع هذا ..
فكري بوضعك بعد عشر سنوات هل بتكوني مبسوطه بحياتك الي انتي عايشتها مع زوجك لو تنازلتي عن مستقبلك ؟؟
انا بعد اضم صوتي للبنات والله ماينفعك الا دراستك وشهادتك ..
رد الاخت اثير اكثر رد اعجبني مو انقاص لباقي الردو بس تعجبني البنت الجريئه ارفع القبعه لك اثير
أنا معاكـ يامنال انـ هذي فرصهـ وحرام اضيعها
وأنا وضحت ظروف زوجي في رد سابق
وربي ماقهرني الا صبري على اشياء ماتتصورونها ويوم اللهـ بيفتحها في وجهنا جا يبي يرفس النعمهـ بدونـ اي عذر
وأنا بالعكس اتمنى انهـ يجي معي اصلاً بكونـ مرتاحهـ كثييييير وهالشي هو اللي بيحددهـ اذا بيرخص فيني وبيتركني يعني هانت عليهـ العشرهـ (اللهـ يهديهـ قولوا آمينــ)
- 7 "أنا معاكـ يامنال انـ هذي فرصهـ وحرام اضيعها
وأنا وضحت ظروف زوجي في رد سابق
وربي ماقهرني الا صبري على اشياء ماتتصورونها ويوم اللهـ بيفتحها في وجهنا جا يبي يرفس النعمهـ بدونـ اي عذر
وأنا بالعكس اتمنى انهـ يجي معي اصلاً بكونـ مرتاحهـ كثييييير وهالشي هو اللي بيحددهـ اذا بيرخص فيني وبيتركني يعني هانت عليهـ العشرهـ (اللهـ يهديهـ قولوا آمينــ)
الله يصبرك يا بنت الناس
وربي نفسيتي تعبت زيادة بسبب موضوعك
وربي اللي قاهرني إنه ظروف زوجك جدا سيئة
الله يهديكي في الزمن دا مين مرتاح ومبسوط بالله
بس برجع وأقولك لا تستغني عن حلمك ابدا ابدا ابدا مهمها كلفك الأمر
وصدقيني يمكن اصرارك يلين قلبه وعقله - 7 "بالعكس حبيبتي ردكـ لاقاسي ولا شي هذا دليل على خوفكـ علي واهتمامكـ بمصلحتيصح ان الشخص ماينفعه الا نفسه و شهادته بس مو لدرجة انك تتركين بيتك و تقولين انسى زوجي ولا انسى مستقبلي
حبيبي يمكن ردي بيكون قاسي عليك رغم اني تعاطفت مع حالتك الا اني ماعجبتني ردة فعلك
النار مايطفيها الا الماء مو نروح نصب عليها بنزين ونشعللها اكثر !!
انتي قلتيها باحد ردودك زوجك كل يوم راي مره يقولك ايه ومره يقولك لا ... من فهمي البسيط من سطورك لشخصية زوجك انه متردد اكثر من كونه معارض واذا كان متردد ترا شيء طبيعي بيكون متردد لانه بيروح حياه ثانيه
اذا كان احنا الي اخترنا الابتعاث بانفسنا في اليوم الواحد نفكر الف فكره ويوم نقرر نسحب ويوم نتمسك اكثر !
كيف لو كان الشخص هذا مجرد مرافق وماله رغبه في الابتعاث !!!
كل زوجة عارف نقاط ضعف زوجها وتعرف مداخله ومخارجه وايش الي يحب وايش الي مايحب انتي بس الي تقدرين تحلين موضوعك معاه وتقنعينه . لا تبكين وانتي تناقشينه لان الدموع تفسد النقاش ! لا تعصبين وانتي تناقشين لان العصبيه تخليك تقولين كلام قاسي وماتحسين بنفسك ! تكلمي بهدوء وقولي له خليك كتاب مفتوح كل الاشيا الي خايف منها قولها ...ماتدرين يمكن خايف عليك من الاختلاط مثلا ! ادخلي عليه بموضوع انك رح تتحجبين او تنتقبين او او اقنعيه من هالناحيه ترا هالنقطه تهم الرجال كثير وبعض البنات غافلين عنها ! تكلمي معاه عن بنتك ووين تحطينها . تكلمي عن وضعه تكلمي عن طريقه الدراسه واليتها في امريكا
ترا الرجال يفكرون بادق التفااااااااااااااااصيل بالنسبه لعائلته .
وكلمه اخيره حزت بخاطري انك تقولين اخذ بنتي واتركه ... تلومينه انه كان اناني معاك ورفض بعثتك ! بكره رح تلومك بنتك انك اخذتيها من حضن ابوها عشان مستقبلك انتي !
.
اعتذر عن الاطاله لم يسبق لي ان اطيل في رد في هذا المنتدى لكن موضوعك حمسني : )
ربي يوفقك ويكتب لي ولك الي فيه الخير
بس خلكـ معاي في كم نقطهـ اللهـ لايهينكـ
1- انتي قلتي انـ دامهـ يوم يوافق ويوم يرفض هو متردد أنا أختلف معكـ منـ بداية التسجيل وهو مو معارض اي شي
ويدري بحوستي اليوميهـ خلال هالفترهـ ومشاوير الكليهـ علشانـ التوصيات اللي طلعت من عيني كانـ هو اللي يوديني
بس يوم انقبلت اعتفس وباركـ لي بنفس خايسهـ قلت يابنت يمكنـ موضوع الغربهـ مخوفتهـ لا استعجل عليهـ
بعدها جلست معهـ قالي مانبي نروح فكري فيها قلت لهـ قارنـ عيشتكـ الحينـ وعيشتكـ كيف بتكونـ اذا رجعنا انت مو خسرانـ اي شي قلت لهـ أحمد ربكـ انكـ موظف حكومي لكـ اجازهـ مفتوحهـ غيركـ فصل من العمل وراتبهـ قوي علشانـ البعثهـ وضربت لهـ امثلهـ منـ قرايبنا وكلام كثير دار بينا المهم طلع وكلمني بيت اختهـ وقالي امريكا بنروحها على الاقل تمشيهـ قلت لهـ حلو واذا ماعجبكـ الوضع نرجع وبعدينـ يوم رجع قلت لهـ أختكـ وش قالت على قبولي قال قالت لي روح تمشيهـ سفرهـ ببلاش اعرفكـ ياخوي بتتمشى وبترجع وانـ مادققت انهـ ماهتم برايي قلت اهم شي هو موافق والحمداللهـ جبت اختي اللي كانت عايشهـ في MICHIGAN سنتينـ وخليتهـ يسألها عنـ كل مافي خاطرهـ وهي ترد على كل أسألتهـ
وسويت لهـ تقرير بالصور عنـ هالولايهـ هي هاديهـ وطبيعهـ تجننـ ورخيصهـ ومافيهـ اي مشاكل والامور سهالات بأذنـ الواحد الأحد وهو مقتنع وانا مبسوطهـ ع الأخر اليوم اللي بعدهـ كنت زايرهـ بيت اهلي ويتصل علي هناكـ ويقولي موضوع البعثهـ شيليهـ منـ راسكـ !!!
قلت يمكنـ توهـ صاحي وشاف كابوس اكلمهـ بعدينـ كلمتهـ بالليل قلت لهـ ياقلبي وش غير رايكـ O_O
قالي بس مافيهـ بعثهـ بنبرهـ حادهـ طيب هذا حلمي بموت اذا مارحت قالي انسي وعرفت منـ كلامهـ انهـ كانـ في البنكـ وتكلم مع رجال غريب وقالهـ مانصحكـ تروح وسمع منهـ يسمع منـ كل الناس الا منـي باللهـ عليكـ يانورهـ وش راح تكونـ ردة فعلكـ لو كنتي مكاني بسم اللهـ عليكـ ؟
2- تقولينـ اني راح آخذ بنتي وبعدها بتلومني ليش اخذتها منـ حضنـ أبوها ليش انا بقعد هناكـ العمر كلهـ
كلها أنـ شاء اللهـ فترة الدراسهـ ماتتعدى 3 سنوات ونص ولو قال اللهـ وفرضنا انه ماجا معانا ليش مايكونـ اللوم عليهـ لأنهـ تركنا لحالنا وهو مو خسرانـ اي شي لو يجي معنا ليش اللوم كل علينا وبس
ماقول الا اللهـ يهديهـ وينور بصيرتهـ
حبيبة قلبي اشكركـ على ردكـ وحماسكـ مع موضوعي
- انزين حاولي تعرفي سالفة البنك لأن هي اللي امضيعة تفكير زوجك اتوقع ؟7 "
إذا ألحين ابتعاث وتعليم وشهادة راح اتفرق بينكم عجل بعدين شنو ؟ كثير بنات تركوا التعليم وقعدوا في بيوت ازواجهم
لكن تبين الصراحة لو أنا محلك ما أترك الأبتعاث تدرين ليش ؟
لين بعدين صارت مشاكل بينكم يا سمح الله وأنتي لست موظفة ( يمشي لك راتب ) راح يستغل هذا الشي إلى صالحه ...لأن كل ما تصير مشكلة يخليكي تزعلي ويقول ( هي اللي راح تتنازل وتقول آسفه ) لأنك محتاجه إله
لكن وش حلاتك لين عندك شهادة ووظيفة ....لين فيه خير يزعلك ...
حياتك الاجتماعية راح تتحسن وثقتك في نفسك راح اتكون افضل وعلاقتكم الزوجية راح اتكون متينة لأنك راح اتساعدينه ماديا في المستقبل القريب
ويا حلاة المناقشة .....أفضل وأسهل حل ......أهم حاجة ما يكون متعصب ويقول في نص النقاش ( بس خلاص أنا ما راح أطول حكي ..سدي الموضوع ) أووووووه .....الله يستر هذا ماله علاج
إذا عندك مرافق غير زوجك ......بدون أي تردد .......ابتعااااااااااااااااااااااااااااااااااااااا ااااااااااااااااااااااث - 7 "السلام عليكم
اختي يمكن انا اتفق كثير مع نوره بن عبدالعزيز
وما اختلف معاك ان الشهاده والعلم في هالزمن هو سلاح المراه مو مثل اول المراه تعتمد على زوجها وممكن تصبر عليه وعلى الاخلاقه السيئه لان ماعندها وظيفه وماعندها شهاده
بس .؟
اختي انت مرتبطه حاليا وعندك بنت وتردد زوجك جدا طبيعي يمكن فكر في اهله يحتاجونه او فكر وش تضيف لي الغربه اواو
احتمالات كثير حنا مانعرفها وانتي ادرى بزوجك وضعكم
طيب لو رفض وقالك يا بنت الناس انا مو عاجبني اطلع برا البلد
وش بيكون ردة فعلك .؟
^
ما اتوقع هذا جوابك الا في لحظة غضب ودون تفكير
لان منطقيا تتركين العشره اللي بينكم وتضيعين بنتك عشان شهاده برا .؟
الا في حالة كان زوجك سيء الاخلاق ومايستاهلك اقولك اوك
لكن اذا كان زوجك انسان طيب معاك تتخلين عنه عشان موضوع كذا / stop
شي ثاني تقدرين تكملين هنا اذا انت راغبه في اكمال دراستك وانت بكالوريس مثل ماانت كاتبه الخيارات للبكالوريس
متعدده هنا مو مثل الماجستير
فكري زين وناقشي زوجك اكثر في الأوقات اللي تعرفين انه يتقبل لاتزنين كثير لان الزن ممكن يقلب الموضوع عليك
وضحي له وش بتكسبون وش اللي راح تخسرون وقولي ليه اقنعني ليه الرفض
كلمي احد في العيله كبير وفاهم ويحبه زوجك ويحترمه انه يقنعه ..
واستخير ربك وادعيه في اوقات الاستجابه ان كان لك خير الله يفتح على زوجك ويشرح صدره انه يتفهم ويقبل وان كان لا الله يصرفكم عن الموضوع
عيت تدخل راسي امممم
في اشياء وامور في الحياه لازم نتكيف معاها ونحاول نمشي نحقق احلامنا وفي نفس الوقت مانخسرها .؟
وفي امور لازم نتخلى عنها لانها عقبه حقيقيه وغير مصطنعه ولأن ضررها اكثر من نفعها : )
/
بالتوفيق يارب
اهلينـ قلبي شوفي اللي متعبني نفسياً انـ مالهـ عذر مقنع
ومنـ ناحية أهلهـ الحافظ اللهـ عندهـ 6 اخوانـ أكبر منهـ وهو ساكنـ في منطقهـ غير منطقة اهلهـ
مافي أشكال
وهذاني كلمت أختي اللي متزوجهـ اخوهـ الكبير هو عندهـ كلمهـ عليهم وبنفسها اختي قالت اخوهـ
يقوول حرااااام فرصهـ مجنونـ لو يضيعها وبيكلمهـ وانـ شاء اللهـ تضبط الأمور
مقهووورهـ انا وبنتي في بيت أهلي وللمعلوميهـ انا ماتركتهـ رايحهـ زيارهـ وصارت الفوضهـ بالتليفونـ وقلت لها لا يتصل علي ولو تتصل ماراح ارد عليكـ وهو ماصدق خبر
ويوفقكـ يالغلا ودعواتكم لي
- 7 "انا مع الاخت منال في كل كلمة .. وعجبتني كلمة قالتها كانت في مكانها وهيا انه اغلب الرجال مايحبوا حريمهم يتفوقوا عليهم ..
انا باقول تجربتي ..
الكل من اهلي يعرف من وانا ادرس طموحي ورغبتي في الابتعاث ,, وولد خالي خاطبني من زمان ..
و ع اساس انو الزواج حيكون بعد سنتين من الان ..
بعد التدقيق سارت الخطوبة رسمية .. وقال لامي انا ابغى الزواج بعد سنتين .. والبعثة بتاخذ منها 3 سنوات تقريبا ،، خليها تكنسلها ولما اخلص دراسة نطلع سوا .. لانه هوا يدرس طب .. وماما اقتنعت لانها ماصدقت خبر واحد وقف معاها ،، مهما كان الام ماتبغى بنتها تبعد عنها ..
انا قلتله انا استنيتك عمري كله ورفضت كثير عشانك ،، معليش انت تستناني كمان سنة بعد ماتخلص ،، مقابل اني احقق طموحي وورانا العمر طويل اذا ربي كاتب لنا نعيش .. وفي هالسنة انت كون نفسك واشتغل ودبر مصاريف الزواج ،،
في البداية عارض .. انا ما التفت للموضوع نهائيا وكنت بس ساكتة .. الين ما رضي بالواقع ..
فعلا احس بالرغم من كثر حبه ليا الا ان تفوقي عليه في الدراسة ما يفرحه ..
انا لو انا مكانك باحاول معاه بكل الطرق بس بدون زن .. ومارح اخلي اليوم كله وانا وسالفة هالبعثة .. لا طبعا .. انتي هدي نفسك شوي ،، عندك وقت ..
هالفترة اتغاضي عن الموضوع كله واشتغلي على نفسك معاه .. عيشيه في شهر عسل جديد .. ولا تجيبي سالفة البعثة نهائيا ..
صدقيني الرجال مهما كبر بيضل قلبه طفل ..
بس انتي سيبي الزن سيييبيييييييه ،، لاني لاحظت انه في البداية كان متردد ،، الحين سار يقول لا وقفلي ع الموضوع ..
انا متاكدة انتي لو تحكمي عقلك وتفكري شوي وتتركي اراء الناس انك راح تقنعيه .. وابدا الكلام لايطلع لاهاليكم ..
انا اشوف من ردودك انه الافضل له انه يوافق لانه وضعه هنا مو كويس .. وانه سار قاسي عليك شوي ..
البعثة ماتتعوض ،، بس اذا انتي تشوفي انه يستاهل ضحي عشانه .. واذا اثبتت لك الايام انه اناني فالله يكون في عونك لانه لحظتها كل الحلول صعبة ..
الله يوفقك يارب .. واولا واخيرا بيتك وزوجك وبنتك قبل كل شي ..
واسفة ع الاطالة .. ولاني ذكرت تجربتي ،، بس لان الموقف حز في نفسي ..
خذي راحتكـ ياقلبي بالعكس أحب اسمع تجاربكم وانا منـ كل قلبي ودي يقتنع ويجي معي وماراح اتعب بحاول واحاول
واذا مافاد مالي خيار ثاني الا اني أتركهـ وانـ شاء اللهـ مايصير هالشي - 7 "كلام رهيب والله
................
غير كذا رضا الزوج هذا من الدين
زي ما العلم من الدين برضه
............
والله انتي حاولي على قد ما تقدرين تقنعين زوجك
صح انها فرصة من جد ما تتعوض
لا تضيعينها ابد انا معك لا تضيعينها
بس نفس الوقت لا تضيعين بيتك والله بيتك اهم
حرام خراب البيوت
ايهـ واللهـ فرصهـ
استغفر اللهـ العلي العظيم موقفي كريهـ اللهـ لايحط احد مكاني
ماقول الا حسبي اللهـ ونعم الوكيل
ولا حول ولاقوة الا باللهـ العلي العظيم
- 7 "شوفي حبيبتي زوجك جنتك ونارك لاتغضبينه عشان بعثه........
صح انا اقولك البعثه ماتتعوض وفرصة العمر............
بس كل شي يجي بالتفاهم ..........
التفاهم التفاهم التفاهم..........
وضحي له السلبيات والايجابيات وان شاءالله انه بيوافق........
واذا ماوافق ثقي انها الخيره وربي رد عنكم شر ماتعلمون به........
وبالتوفيق حياتي,,,,,,,,,,
فديتكـ ياحياتي بس ليش اذا كانـ تفكيرهـ غلط اطيعهـ واسكت
منـ ناحية التفاهم اكيد بحاول قد ما اقدر بس اتنازل lمستحيل
مشكورهـ ياقلبي ع الرد
انا يوم قلت في امور لازم تتكيفين معها ماقصدت الشهاده ولا طلب العلم
(قصدت اسرتك اهلك او زوجك واطفالك او غيره )
في بعض البنات صار بينهم وبين اهلهم مشاكل بسبب الابتعاث
يعني اذا زوجك رفض لاي سبب مقنع او غير مقنع او اهلك رفضو / راح تندبين حظك وتحطين يد على يد ولا راح تواصلين علمك في اكثر من طريقه عشان يحصل الواحد على شهادات عليا سواء الابتعاث ولا الدارسه في البلد ولا التعليم عن بعد اوك صح البعثه ماتتعوض ووو لكن تأكدي في اشياء حنا نشوفها انانيه في حين الطرف الاخر يكون معه الحق .
عموماً الحوار يحل كل المشاكل في اعتقادي والزواج شركة القرارات فيها مو فرديه وبين الأبيض والأسود في مساحه رماديه ترضي الاطراف : )
موفقين جميعاً