رد: هل تأمن بعثه الملك السكن والكتب واستقبال في المطار
الاستقبال في المطار لما تسوي تبليغ وصول اول ماتطلع من البوابه تلاقي السواق ماسك لوحه مكتوب عليها الملحقيه السعوديه .. تروح له وتعطيه اسمك يراجع الاسماء عنده اذا تاكد من الاسم مشيت معه واذا مو موجود الاسم انت وحظك ممكن يقولك ماسويت تبليغ وتضطر انك تركب تاكسي .. تركبون باص من الملحقيه طبعا" فيه كم شخص ممكن 7 ممكن 10 ممكن اكثر .. بعدين يودونكم فندق قريب من الملحقيه وسعره معقول وامن يعني مافي مشاكل وقلق .. ممكن تتشارك مع احد الطلاب السعوديين الي جايين معك في الباص في غرفه لان الغرفه تاخذ شخصين وكذا يخف المبلغ عليك طبعا" السكن على حسابك وممكن مايعجبك الوضع وماتسكن فيه تشوف لك غيره انت مخير ..
يبلغكم السواق انو بكرا الصباح الساعه 8 بيكون عند الباب عشان تطلعون الملحقيه وتخلصون اوراقكم من تسجيل وفتح ملف وغيره ..
ثاني يوم الصباح لازم تكون صاحي بدري وقبل 8 وانت تحت تنتظر الباص .. تروحون الملحقيه ويعطونكم اوراق وتنتظر الين ينادو اسمك .. فترة الغداء تكون استراحه تطلع تلاقي السفار السعوديه قدام الملحقيه تروح تتغداء اكل سعودي واكل مرتب وبلاش بعد .. الله يعز الحكومه :rolleyes:
ممكن في ناس تتاخر اوراقهم يقولون تعال بكرا بس قبل تطلع من السعوديه تحجز رحله لولايتك الي انت ناويها بعد يومين من وصولك تحسبا" لاي طارئ .. بس
الصرف يكون تاريخ 20 او 21 هجري
يعني مثلا نقول وصلت تاريخ 10 يصرفون لك حق عشر ايام .. طبعا" يفضل يكون معك مبلغ تمشي حالك فيه الين يتزل الراتب كامل ..
الكلام هذا من تجربه اخوي قبل كم شهر طالع امريكا
بالتوفيق للجميع
رد: هل تأمن بعثه الملك السكن والكتب واستقبال في المطار
^^
هالكلام في امريكا ..
ما احد عنده فكره عن بولندا ؟؟
رد: هل تأمن بعثه الملك السكن والكتب واستقبال في المطار
زي ماقالت الاخت منال
وبالنسبة للسكن الابلكيشن اللي عبيناة وسلمناه كان في خيارات السكن مع عائلة او خاص او اعتقد سكن جامعي ماني فاكرة
دي من خلالها المعهد اللي انتي مسجةل فيه يدبرلك سكن
وانتي كل شهر تدفعي الفلوس للمعهد وهما يسلموها لصحاب البيت اللي انتي ساكنة معاهد لانهم يكونو غالبا يتعاقدو مع عوائل معينة
وانا من راي مشي معاهم بس اول فترة وخلالها لفي المدينة ودوريلك عيلة تانية تناسبك او سكن خاص يكون الدفع دايركت بينك وبين صاحب البيت
لانو المعهد كوسيط ياخد مبلغ
ودا الكلام من تجربة
كنت ادفع للمعهد في بريطانيا 500
واكتشفت لاحقا انو سعر الغرفة اللي انا ساكنة فيها 450 باوند بس وال50 ياخدها المعهد كل شهر
وطبعا الاسعار متفاوته كانت حسب جنسية الطالب
انا خليجية اجروني ب 500>>>>>في جيبي بترول :D
والتانية الصينية اللي ساكنة معايا في نفس البيت مأجرينها ب450
رد: هل تأمن بعثه الملك السكن والكتب واستقبال في المطار
اقتباس:
المشاركة الأصلية كتبت بواسطة منال بنت عبدالله
ممكن في ناس تتاخر اوراقهم يقولون تعال بكرا بس قبل تطلع من السعوديه تحجز رحله لولايتك الي انت ناويها بعد يومين من وصولك تحسبا" لاي طارئ .. بس
الرحله لولايتي على حسابي ولا على حساب البعثه؟؟
رد: هل تأمن بعثه الملك السكن والكتب واستقبال في المطار
اقتباس:
المشاركة الأصلية كتبت بواسطة اممممم
الرحله لولايتي على حسابي ولا على حساب البعثه؟؟
على حساب الوزاره تاخذها من مكتب الطيار مع تذاكر امريكا ان شاء الله
رد: هل تأمن بعثه الملك السكن والكتب واستقبال في المطار
يسسسسسسلمكم ربي توني أفكر بسآلفة الرحلة الثآنية أمس :D
جزآكم الله خير أفدتوني هع
رد: هل تأمن بعثه الملك السكن والكتب واستقبال في المطار
صح نسيت اقول انو التبليغ يكون في موقع الملحقيه السعوديه
تكتب اسمك ووقت وصول رحلتك .. اليوم والتاريخ والساعه
بالتوفيق للجميع يارب
رد: هل تأمن بعثه الملك السكن والكتب واستقبال في المطار
موضوع قيم ورائع .................
رد: هل تأمن بعثه الملك السكن والكتب واستقبال في المطار
يعطيك العافيه على المعلومات الرائعه
رد: هل تأمن بعثه الملك السكن والكتب واستقبال في المطار
أخت منال الله يعطيكي العافية على المعلومات شكرا :)