الأعضاء الإشتراك و التسجيل

الملتقيات
ADs

محرم،مرافق رايح لأمريكا وناوي تكمل دراستك ؟؟

محرم،مرافق رايح لأمريكا وناوي تكمل دراستك ؟؟


NOTICE

تنبيه: هذا الموضوع قديم. تم طرحه قبل 2611 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. وشي ثاني عافاك ربي >>>>انا ماقدرت اخذ موعد لان فيه صفحه الخطأ قاعده تطلع لي بعد >>اسئلة شائعه عن السيفس > لما اضغط التالي ابغى اول لحجز موعد يطلع لي صفحة خطأ ومن فتره وانا وهالصفحه هوشه


    اذا عندك معرفه لحلها ياليت تخبرني
    راسلت االايميل الموجود في صفحتهم وماجاني رد
    7 "
  2. المشاركة الأصلية كتبت بواسطة كليوباترا
    السلام عليكم ابو نوره
    انا مبتعثه واخوي مرافقي بالبعثه طبعا ينوي الدراسة والالتحاق بالبعثه
    ابي اعرف عدة اشياء
    انا الحين عبيت دي-160 لي انا >1-هل اكتب في خانة المرافقين >>اخوي؟؟؟ ام هذي تكون لزوج والزوجه والابناء فقط
    وبعدها شريت رقم تعريف ووباقي احجز الموعد فقط


    2-طيب اخوي يعبي له دي-160 لحاله صح؟
    3-طيب فيه خانه >من هي الجهه المتكفله بدفع النفقات >>انا هنا مادري اكتب برنامج الملك عبدالله ولا لا لاني انا كاتبتها لنفسي بس مدري اخوي يكتبها ولالا

    4-طيب اذا نتهيت >> يشتري رقم تعريف شخصي >>ويحجز موعد منفصل ؟؟ ولاكيف لاني ابغاه يكون معي بالموعد
    وعليكم السلام ورحمة الله وبركاتة
    حياك الله اختي
    1- نعم تكتبين من سيرافقك يعني أخوك.
    2- نعم اخوك يلزمه تعبئة نموذج ds-160 منفصل.
    3- ماني متأكد هل يكتب على حسابه الخاص ( ON MY OWN ) أو على برنامج الملك عبدالله ( KASP ) تضاربت الأقوال فيه من يقول ان الوزارة تشعر السفارة بأن المرافق له ضمان مالي
    والصراحة انا لا اعلم .. سابقا كان يكتب على حسابه الخاص لكن اذا حصل تغيير لا اعلم..
    4- نظاما المرافق الأخ أو الأب له رقم منفصل ويحاول يختار نفس اليوم ( هذا اللي اعرفه ) وماني متأكد اذا يقبلون انك تضيفين اخوك بنفس رقم تعريفك. لكن انا ارسلت استفسار للسفارة بهذا الخصوص وان شاء الله اعرض عليك ردهم مجرد ما يوصلني شي.

    تحياتي لك وبالتوفيق،،،
    7 "
  3. المشاركة الأصلية كتبت بواسطة كليوباترا
    وشي ثاني عافاك ربي >>>>انا ماقدرت اخذ موعد لان فيه صفحه الخطأ قاعده تطلع لي بعد >>اسئلة شائعه عن السيفس > لما اضغط التالي ابغى اول لحجز موعد يطلع لي صفحة خطأ ومن فتره وانا وهالصفحه هوشه


    اذا عندك معرفه لحلها ياليت تخبرني
    راسلت االايميل الموجود في صفحتهم وماجاني رد
    للأسف اختي ما أخذت موعد الى الآن فمالي علم بهالخلل
    ان شاء الله يفيدك أحد الأخوان من تعرض لهالمشكلة وحلها

    تحياتي،،،أبو نوره
    7 "
  4. المشاركة الأصلية كتبت بواسطة najla23
    مشكووور ياابونوره والله يعطيك العاافيه ع تعاونك وع معلوماتك القيمه..الله يجعلها بميزان حسنااتك ان شا الله

    أختك نجلاء ^_^!
    المشاركة الأصلية كتبت بواسطة كليوباترا
    شكرا ابو نوره ممماقصرت
    العفووو اخواتي
    ماسوينا شي

    بالنسبة لموضوع اخوك المرافق يا اخت كليوبترا فإني راسلت السفارة وكان ردهم
    بأنه يمكنك اضافة أخوك معك بنفس الموعد وبنفس رقم تعريفك ما يحتاج له رقم تعريف خاص فيه
    لما تاخاذين موعد وتوصلين ( لاضافة أحد أفراد الأسرة ) تقومين باضافة أخوك معك وتختارين له نوع الفيزا اللي يرغبها


    بالتوفيق،،،تحياتي
    7 "
  5. المشاركة الأصلية كتبت بواسطة كليوباترا
    اهاااااااا الله يجزاك خير انك علمتني >>> بس حتى لوكان بيطلع فيزا f1 ؟ >> لنا تعريف واحد؟
    نعم كلكم بنفس التعريف حقك
    تضيفين اخوك في خطوة ( اضافة فرد اسرة ) وتختارين له نوع الفيزا F1


    بالتوفيق،،،تحياتي
    7 "
  6. السلام عليكم ورحمة الله وبركاته

    انا مبتعثه امريكا وزوجي مرافقي .. ومعي جواز امريكي بمعنى انني لا احتاج الى فيزا امريكيه
    وزوجي يريد اكمال دراسته وبحاجة الى فيزا F1..

    حجز موعد للفيزا وكان لسى ماصلنا قبول ولا آي توني ..
    قبل يومين وصلنا ايميل من معهد بخصوص تعبئة بيانات لي ولمرافقي ..

    سؤالي

    هل يجب عليه تعديل بيانات نموذج DS160 وكتابة اسم الولايه والمعهد ؟؟
    والا يتركه مثل ماهو !! مع العلم اننا لم نستلم الاي توني الى الان ..

    سؤال اخر

    ماهو الافضل .. ان يذهب للموعد بدون اي توني ويخبرهم انه سوف يرسله بالفديكس لاحقا ؟؟

    ام يقوم بتغيير موعد السفاره لحين استلام الاي توني؟؟

    شاكرين لك تعاونك..
    7 "
  7. ابو نورة الله يرحم والديك الفزعة ،،
    خلني ادخل في الموضوع على طوووووول

    طال عمرك انا زوجتي طلع لها الابتعاث الى امريكا في المرحلة السادسة، و انا اخوك عبد الله المرافق لها ،، و انا من المتابعين الى موضوعك من البداية ، و حاولت بكل جهدي اني اطبق اللي وصيتنا فيه في موضوعك عشان اخذ فيزا F1.

    و فعلا سويت لي الشهادة البنكية ، لكن الاي توني ما استلمناه انا و زوجتي، و جهزت اموري على اني باروح امريكا على اني ابغى ادرس على حسابي، و رحنا المقابلة في القنصلية بالظهران ،، لما رحنا نقابل القنصله ( لانه مو رجال اللي قابلنا يعني مو قنصل، قنصله )، سألتنا الاسئلة الروتينية و قالت وين الاي توني قلنا ما وصل ، قالت لما يوصل ارسلوه لنا بالفدكس، و قالت تم قبول تأشيرتكم ، و خلو الجوازات عندهم ، و حنا مستانسين طلعنا على ان امورنا طيبة و تم قبول تأشيرتنا...

    و هنا حصلت المفاجأة !!!
    بعد اسبوع بالضبط ، دق فدكس علي عشان استلم جوازي، المهم استلمت الجواز الا فيه ظرف من السفارة مكتوب فيه :
    " يؤسفنا ابلاغكم بأنكم غير مؤهلين للحصول على تأشيرة لغير غرض الهجرة..... ، و انكم لم تكونوا قادرين على تقديم البراهين بأن نشاطاتكم المزمعة في الولايات المتحدة تتماشى مع احد انواع التأشيرات ..... ، و بتفصيل اكثر، لقد تم رفضك للسبب التالي:
    * "إن سبب سفرك لا يتوافق و نوع التأشيرة التي تقدمت في طلب الحصول عليها ".

    و الله متفاجئ يا بو النورة ما نا عارف ويش اسوي، منحبط ، متخربط ، خايف الحلم يضيع...
    والله ساعات اقول يمكن السبب مني انا اللي سويت المقابلة في الظهران و ما سويتها في الرياض..
    ما عليه قلبتها نياحه ، لكن خلوني افضفض ،،

    فوش رايك يا بو نورة وش اسوي ، اقدم مرة ثانية على فيزة f1 بس في الرياض لو اقدم على f2 و انهي الموضوع؟؟؟؟؟؟؟؟؟

    بالله يا بو نورة انتظرك على احر من الجمر ...

    و الله يرحم والديك و يوفقك و يحقق امانيك ،،

    اخوك عبد الله
    7 "
26 من 56 صفحة 26 من 56 ... 2125262731 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.