أولا أعتذر وبشده عن التأخير في الرد لكن يعلم الله إنها ظروف خارجه عن الإراده
على العموم سأحاول الرد بما أعلم على استفساراتكم
المشاركة الأصلية كتبت بواسطة سارا..
يسلمو ابو نورة
انا عندي استفسار بسيط
في الوضع الحالي مرافقي رح يكون الوالد لاكن في احتمال يطلع معاي اخوي
الحكاية انو الان يدرس في الجامعه اول ترم سنه تحضيرية طب و من ما سمعت انو ما في مجال يكمل طب في امريكا لانو مو متواجد تقديم دراسة طب فيها و انا بكمل ماستر بامريكا ..
السؤال كيف اقدر اخدو يكون معايا مرافق و يدرس يا ليت يكون في شرح وافي من حيث نوع الفيزا و كيفية انضمامو ليا كمبتعث
هل يطلع معايا كمرافق و يحضر قبول معهد و يراجع الملحقية هناك او من الان يقدم على القبول و يطلب فيزا طالب ؟
و هل موضوع انضمامو مضمون و لا بلاش يجازف ..
و لك مني جزيل الشكر ..
أول شي قبل أقول لك عن الخطوات ما أقدر أفيدك بإمكانية إنضمامه بالبعثة وأكثر الناس اللي راحوا جازفوا
بعضهم انضم والآخر لا
والشي هذا راجع له
بالنسبة إذا كان بيطلع ويجرب حظه أنا بأقول لك ايش يعمل:
أولا لا بد يكون جوازه ساري المفعول وبيانات شهادته مطابقة لجوازة..
1/ إذا كنتي أثناء التدقيق وضعتي المرافق أبوك فإنك خلال الملتقى تطلبي تغيير المحرم من أبوك إلى أخوك وتجيبي لهم ما يثبت قد يطلبون توكيل من أبوك مصدق من كتابة العدل لأن المفترض أن ولي أمرك هو أبوك وهو محرمك..
2/ بعد ما تغيرين المحرم من أب إلى أخ تنتظري قبول المعهد يجيك من المكتب ولما يجيك تطلبون من نفس المكتب بأنه يجيب لأخوك قبول لغة بالإضافة إلى قبول مشروط من جامعة لدراسة السنة التحضيرية لأنه بكالوريوس..
3/ ولو قدر يختبر ايلتس ويجيب درجة 5 او اكثر يكون أفضل عشان يدعم ملفه لما يقدم على الملحقية ولو ما يقدر مو مشكلة..
4/ يضع بحسابة أو بحساب ابوه مبلغ مالي بحدود 50 الف وكلما زاد كان أفضل والغرض من زيادة المبلغ هو لإقناع السفارة بأن الشخص قادر على الدراسة على حسابة..
5/ بعد شهر تقريبا يأخذ كشف حساب ( وليس ضمان مالي ) وشهادة بنكية ( باللغة الإنجليزية ) من حسابه أو حساب أبوه..
6/ بعد يومين يستطيع التصرف بالمبلغ يسحبه او يتركه له الحرية لأن الشهادة البنكية لا تحجز المبلغ مثل الضمان الملي.
7/ تقومون بتسديد رسوم سيفيس لقبول اللغة لك ورسوم السيفيس لقبول اللغة لأخوك..
8/ تعبئة نموذج DS-160 لك ولأخوك..
9/ حجز موعد من السفارة لك ولأخوك ويفضّل أن يكون الموعد بنفس اليوم..
**الخطوات 7-8-9 تم شرحها شرح وافي في موضوع الأخت اخصائية نفسية (
http://www.mbt3th.us/vb/forum134/thread222212.html )ـ
10/ الذهاب لموعدكم ومعكم المستندات التي ذكرتها بـأول الموضوع
اتمنى تكون وضحت الصورة
ولأي استفسار تفضلي
اتمنى لك ولأخوك التوفيق
المشاركة الأصلية كتبت بواسطة sukairea
اولا اشكرك اخي على المعلومات المهمة جدا لكل مبتعث ومرافق
واستفساري هنا هل يحتاج المرافق كاب لبنته في تغيير او تعديل فيزته السياحيه B1/B2 والصادرة له قبل سنة وتعرف الفيزة الامريكية تستمر خمس سنوات
المهم الاب لاينوي دراسة ولكن قد يحتاج فتح حساب بنكي او رخصة سياقة بامريكا
تقبل مني جزيل الشكر
العفووو اختي واكرر اسفي على التأخير
بالنسبة لفتح حساب باسمه فإن البنوك تختلف بإجراءاتها فيه اللي تطلب I-20 الخاص بالمعهد وفيه ما يطلب
بنك ( بانك اوف امريكا ) أشهر البنوك الأمريكية حسب ما قرأت يطلب الآي تونتي الخاص بالمعهد
وفيه غيره ما يطلب لكن ما اعرف اساميهم
والرخصة فإن الرخصة السعودية هناك تمكن أبوك من أنه يستأجر سيارة وفي بعض الولايات تسمح له بشراء سيارة
لكن الأفضل إنه يستخرج رخصة أمريكية وأيضا الرخصة الأمريكية تطلب I-20
لكن أختي يفضل إنكم تستفسرون من السفارة لأن مثل ما قلت لك إن أغلب ما قرينا من فتح حساب واستخراج رخصة أمريكية كلها من طلاب
ويمكن طلب I-20 لأنهم طلاب وفيزتهم F وقد تكون الإجراءات مختلفة لفيزا السياحية
وعذرا بأني لم أقدم لك الجواب الشافي
المشاركة الأصلية كتبت بواسطة ROSE106
الله يعافيك بو نوره
ننتظر نتقدم في الخطوات اكثر يمكن يستصعب علينا شي وقتها ونسألك
الله يسهل الامور
الله يعافيك وحنا بخدمتكم بما نعلم
تحياتي،،،أبو نوره
ABU NORAH October 22nd, 2010, 04:57 PM
طيب انا مرافقي يشتغل بارامكو وناوي يكمل دراسه لو سالوه في المقابله اذا كان موظف او لا وش يقولهم موظف او لا
وبعدين اذا سالوه يقولهم انه بيدرس ع حسابه عشان ياخذ f1 والف شكر