عندي ايتلس.. ايش الخطوات التاليه؟

السلام عليكم جميعاً،

اولاً احب ابارك لجميع المقبولين ونفع الله الأمه بعلمكم. ووفق الله الجادين واعان الله اللي اخذينها سياحة...

الحمد لله اختبرت IELTS من فتره وجبت درجه حلوه الحمد لله. والان قاعد اعبي الابليكيشنز حق بعض الجامعات، طبعا القبول من الجامعات ماراح يكون الا في شهر مارس تقريبا او بعده. والصراحه ماابغى اروح لغة واضيع وقت ممكن اطلع قبل شهر من الدراسه حقت الجامعه عشان اتأقلم مع البلد...

سؤالي هو: 1- هل اكلم الوزاره وارسل لهم نسخه من الشهاده؟
2- بالنسبة للفيزا واجراءاتها، طبعا ماراح اقدر ابدأ فيها الا بعد مايجي القبول. صح او لا؟
3- بين الفترة من الان الى وصول الرد من الجامعه. هل في شي يحتاج اسويه؟

للمعلوميه بلد الابتعاث امريكا ماجستير كمبيوتر ان شاء الله.. والجامعات اللي بقدم فيها دراستها تبدأ في نهاية اوجست Fall..

شكرا لكم وجزاكم الله خير

اي احد لو سمحتو؟ :)

أخوي مهند أرسلت لك ع الخاص

وصلني يالغالي بس مااقدر ارد نظام المنتدى بعد 30 مشاركه !!

تبغاني ارد عليك هنا ؟

اي مساعده لو سمحتم؟

والله ما عندي خلفية عن هالأمر .. لكن ليه ما تدرس لغة ما دام موفر لك الأمر .. ما يضر تتعلم زيادة إذا كنت بتجلس هنا ما عندك شيء تسويه

بما إنك تعرف انجليزي من الأساس فبتكون مأخذ الوضع براحة و ممكن تتعرف على اشياء كثيره هناك
و إذا جاء وقت الجامعات تكون عارف كل شيء عن الأماكن و الأوضاع هناك من قبل و تبدأ تركز على دراستك فقط

لانه مو كل الجامعات عندهم قبول مشروط، ولازم ملفك يكون كامل للتقديم، وبعض الجامعات اللي ابغاها يجب الدراسة مع اول ترم في اوجست، واذا رحت اكمل لغة راح اتاخر سنه تقريبا

شكرا لمرورك

ما شاء الله عليك
إذا حصلت على درجة تؤهلك للقبول الجامعي مباشرة فعليك بالتواصل مع الوزارة لأعلام مكتب القبول ليجلب لك قبول جامعي بدلاً من اللغة.
أو انت بنفسك تحضر لك قبول جامعي.
الهدف من دراسة اللغة الحصول على درجة تؤهلك لقبول الجامعي ومتى ما حصل الطالب على الدرجة يبدأ بالدراسة الأكاديمية.

دمت بمودة ومحبة